MAZMUR 13:3 - Alkitab Singog In Mongondow Masa In Tanaa

³ Modapot in toonu in akuoi musti mobaba kon roriga, bo moajar in gina kinoouput in singgai? Modapot in toonu akuoi kawasaan in musung?

MAZMUR 13:3 Iomraidhean Croise

EZRA 9:8

Táe tanaa, o Tuhan Allah nami, Iko in bagubí nonotabi kon inami. Pinoḷuat-Mu in tongonumai in intau nongkon sigad nami nongkon pinononggataan sinbá mobiag motompia kon tampat inta sinondí tanaa. Inogoian-Mudon in kami in kobiagan mobagu.

MAZMUR 119:153

Indoiaipa kaasí in rorigaku bo posaḷamatpa in akuoi, sin diábí sinaḷáanku in hukum-Mu.

MAZMUR 18:28

Intau inta moompá in gina pinosaḷamat-Mu, táe intau inta mokaḷakuang in pinotungkud-Mu.

MAZMUR 25:19

Indoiaika totuu mobarong in musungku; mosia in totokbí in mondoí kon inakó.

MAZMUR 31:7

Intau inta mosumba kon berhala kinodoí-Mu; táe akuoi in mopirisaya kon i Tuhan.

MAZMUR 5:1

Kon itoi in mododondong. Takin itog in bansí. Mazmur i Daud.

MAZMUR 9:13

Sin kotoropan-Nea in intau inta kinoantugan in roriga bo diábí koḻiongan-Nea in kuani monia; intau inta mogaid kon inta moraat in hukumon-Nea.

YEREMIA 51:39

Bo ibog monia mokaan in moḷobendon totok, Akuoi in mosadiabí kon pongaanan monia, bo poḷoḷanguon-Ku in mosia bo mopusing moidapot in moḷoḷot bo diádon mopobango-bangon bui.

YEREMIA 51:57

Akuoi in mopoḷoḷangubí kon pojabat in pomarenta in Babel--intau mita mongopandoi, itoi bo tontara. Mosia in diá bidon mopobango-bangon bui, moḷoḷot modapot in mononoi. Akuoi in nosingogdon; Akuoibí in datu, Akuoi in Tuhan Inta Totok in mokawasa.

OMBAḶ 5:1

Toropdon, kaasí Tuhan, onu inta nobaḻí kon inami. Bobuidon in kami, bo indoiaika in kohohina nami.

LUKAS 2:32

sia naonda bo bayag inta nonimbayag kon daḷan in intau mita ibanea, sinbá mosia in mamangoi kon ini-Mu; tuata in bayag inta mobaḻí dodoyonan poduían kon umat-Mu Israel.”

EPESUS 5:14

Tuamai singog in nanaa, “Pobangondon, moiko inta nosiug, bo pobangondon nongkon sigad in intau minatoi! Dá sambayanganbí i Kristus in moiko.”

WAHYU 21:23

Kotá tatua diá bidon paraḷu simbayagan mata in singgai ande buḷan, sin kamuliaan i Allah aindon nokosimbayag kon tua, bo ki Adí in Domba in nobaḻí togánea.

SAMUEL 1 14:27

Táe ki Yonatan in diábí nonotaau kon ki amánea ain nonontot kon rayat takin kutuk tatua; tuamai in tungkudnea pinotundúneadon, bo pinopoturaknea kon pugad in biluk tatua, bodongka ginamánea in biluk tatua bo poḷat kinaan. Dá baḷúdon kinorasaannea kon mosehat bo nodugangdon noropot.

SAMUEL 1 14:29

Ki Yonatan in notubag, “Moiḻiudon totok in dodia i amáku tatua kon bangusa naton! Indoiai, kaadaanku tanaa in mopia-piadon naonda in akuoi nokaan kon biluk topiḻik.