MAZMUR 127:3 - Alkitab Singog In Mongondow Masa In Tanaa

³ Adí mita in ki Allahbí in nobogoi, totuubí kon mosia tua in totabibí.

MAZMUR 127:3 Iomraidhean Croise

KINOBAḺIAN 1:28

Onda intua binarakatan-Neadon in mosia poḷat noguman, “Pononggadí bo pononggompudon kobarongon, sinbá buímu in ḻimitú bo mongawasa kon tua mita. Moiko in ogoian-Ku in oaidan monompia kon toyá mita, ḷagapan mita, bo bayongan mahaḷuk ibanea inta kaḻig.

KINOBAḺIAN 33:5

Naonda in ki Esau nokoontong kon bayongan bobay takin adí mita tatua, sia in noḻibó, “Ki ine in mosia inta noyotakinmu tanaa?” “Mosia naa in ki adíku mita,” tubag i Yakub, “Ki Allah ain noponotabi in adí mita tatua kon inakó.”

KINOBAḺIAN 4:1

Onda intua ki Adam in nosiug noyotakin i Hawa, ki buḷoinea, bo sidiadon in bobay tatua. Sia nopononggadí in adí ḷoḷaki tobatú, ki Hawa in noguman, “Takin totuḷung i Tuhan akuoi nokouḻí kon adí ḷoḷaki.” Dá sinangoiannea in adí tatua ki Kain.

KINOBAḺIAN 48:4

Sia in noguman kon inakó nanaa, “Akuoi in mobogoi kon inimu in adí bo ompu inta mobarong, sinbá buímu mobaḻí bangusa inta mobarong; Akuoi in mobogoibí in butá tanaa kon buímu mobaḻí kapunyaan monia inta mononoi.”

SAMUEL 2 3:5

Ki Yitram. Ki inánea in ki Egla. Adí ḷoḷaki i Daud taya onom tatua in pinononggadí kon Hebron.

TAWARIKH 1 28:5

Sia in nobogoi in adí nobayong kon inakó bo nongkon bayongan i adíku tatua piniḻí-Nea in ki Salomo sin momarenta kon Israel, dodatuan i Tuhan.

TAWARIKH 1 8:40

Ki adí mita i Ulam in komintan tontara inta mongotorindog bo mongopandoi momiot. Adí bo ompunea inta ḷoḷaki kobayongnea in 150. Mosia komintan in noituot kon bonu in suku i Benyamin.

AYUB 1:2

Sia in kogadí kon adí ḷoḷaki taya pitu bo adí bobay taya toḷu.

YESAYA 13:18

Takin puḷu bo piotnea mosia in moḻimod kon intau mita inta nongoguodpa. Mosia in diábí motabi kon adí mita mointok bo diábí motabi kon mongoadí.

YESAYA 8:18

Naa in akuoi bo adí mita inta inogoi i Tuhan kon inakó. Ki Tuhan Inta Totok in mokawasa inta nomarenta kon Buḷud in Sion, nopotabá kon inami mobaḻí tomponuot kon umat in Israel.

ULANGAN 28:11

Moiko in ogoianbí in adí mobayong. Bobiagonmu in mobaḻíbí mobayong bo bungai in boyó kon butámu in mobarongbí totok kon butá inta pinodandi i Tuhan kon mogoguyangmu kon ogoi kon inimu.

ULANGAN 28:4

Barakatan in moiko, dá mobayong in ki adímu mita, bungai in boyó mobayong totok bo sapi takin bembé dombamu in mobaḻí mobarong totok.

HAKIM MITA 12:9

Ki Ebzan kogadí kon ḷoḷaki toḷu nopuḷú bo kogadí doman kon adí bobay toḷu nopuḷú. Ki adínea mita bobay tatua pinopotonibuḷoinea kon intau mita inta nongkon suku mita ibanea, bo sia in nogamá doman kon toḷu nopuḷú in mongodeaga nongkon suku ibanea sin pinotonibuḷoinea kon i adínea mita ḷoḷaki. Pitu notaong in ki Ebzan in nobaḻí itoi kon umat in Israel,

SAMUEL 1 1:27

Adí tanaa inta inigumku kon i Tuhan. Sambayangku in sinubagandon,