MAZMUR 124:8 - Alkitab Singog In Mongondow Masa In Tanaa

⁸ Totuḷung naton in namangoi nongkon i Tuhan inta nomaḻí kon ḷangit bo butá.

MAZMUR 124:8 Iomraidhean Croise

KINOBAḺIAN 1:1

Kon pinomangkoian, tungkuḷ in ki Allah nomangkoi nomaḻí kon dunia naa,

NEHEMIA 9:6

Onda intua rayat in Israel nosambayang nanaa, “Ikobí in Tuhan, Ikobí inta Totobatú tua; Inaidan-Mu in tundi bo toḷungayá, dagat bo butá takin bayongan in tombonunea, bo inogoian-Mu in kobiagan bo iḷukadan-Mu. Kon ini-Mu bayongan in kawasa kon ḷangit tumungkud mosumba; mosia in tumonsiup kon ini-Mu bo tumungkud.

MAZMUR 115:15

Igumon mako moiko in barakatan i Tuhan, inta nomaḻí kon ḷangit bo butá!

MAZMUR 121:2

Totuḷungku in mamangoi nongkon i Tuhan inta nomaḻí kon ḷangit bo butá.

MAZMUR 134:3

Igumon mako nongkon Sion barakatan in moiko i Tuhan, inta nomaḻí kon ḷangit bo butá!

MAZMUR 20:8

Oyúon in intau inta mopongata in kereta in parangnea, oyúon doman in mopongata in kabaḷonea. Táe kita in mopongata in kawasa in Tuhan, ki Allah naton.

YEREMIA 32:17

“Tuhan Inta Totok in momulia, Ikobí inta nomaḻí kon ḷangit bo butá pinongin kawasa bo ropot-Mu inta moḷoben. Diábí in tobatúmai in mororiga aidan-Mu.

OUMAN IN RASUL MITA 4:24

Naonda in yobayat mita monia tatua nokodongog kon ouman monia tatua, mosia in nosambayang kon i Tuhan noyotakin, kai monia, “O Tuhan, Ikobí in nomia kon ḷangit bo butá, dagat bo bayongan tombonunea.