MAZMUR 124:3 - Alkitab Singog In Mongondow Masa In Tanaa

³ dá kita in iḻiom bidon ande sibiag, popisí in torú monia inta tumaga-tagabdon tua.

MAZMUR 124:3 Iomraidhean Croise

ESTER 3:6

Bo naonda in kinotaauannea kon ki Mordekhai in intau in Yahudi, nomontowdon in sia kon tosingogon kon mohukum kon i Mordekhai bo deemanbí tongá sia, táe moyopúbí kon bayongan bangusa in Yahudi kon dodatuan Persia.

MAZMUR 27:2

Aka akuoi tubuon in intau moraat inta moibog moḻimod kon inakó, yo mosiabí in moipintud bo moḷabú.

MAZMUR 35:25

Dika pomayá mako in mosia in mosingog kon bonu in gina, “Sukur, irabutdon naton in nyawanea. Onu in kinoibog naton kinoduduiandon!”

MAZMUR 57:3

Akuoi in nokuani kon i Allah Inta Totok in moḷantud, kon i Allah inta motuḷung kon inakó.

MAZMUR 74:8

Mosia in moibogbí mopotungkud kon inami komintan, bo moturub komintan kon tampat pooibadaan kon butá tanaa.

MAZMUR 76:10

Kon tungkuḷ in Iko simindog sin monisigdon sin moposaḷamat kon intau inta dinorot kon dunia.

MAZMUR 83:4

Mosia in nonomayá kon diá mopia monayow kon umat-Mu; bo noyosingogdon kon monayow kon intau mita inta iḷukadan-Mu.

MAZMUR 83:5

Guman monia, “Igai rimumudon naton in bangusa in Israel, sinbá tangoi monia in diádon toropon bui.”

AMSAL 1:12

Tanaa in mosia mobiag mosanang bo mosehat, táe kon singgai moiduduimai mosia in mobaḻíbí naonda bo intau inta mororiga totok.

YEREMIA 51:34

Yerusalem in irimumud bo kinaan komintan i datu in Babel; inaotannea in kotá tatua naonda bo inta nongaot kon botoḷ. Naonda bo mahaḷuk inta moḷoben totok, iḻiomnea in Yerusalem bo nomonu kon siannea takin bayongan inta mopia nongkon kotá tatua, bodongka noḷumbú kon ki agatnea.

DANIEL 3:19

Dá sinumagabdon in torú i Datu Nebukadnezar kon i Sadrakh, Mesakh bo kon i Abednego, dá inumuradon totok in pogotnea. Sia in nomarenta sinbá tuḷú dugangan kopitu in kopatúnea nongkon inta biasamai.

YUNUS 1:17

Bo kon dodai intua ki Tuhan nopoangoi in toyá moḷoben tobatú inta noḻiom kon i Yunus. Dá ki Yunus in kon bonudon in sian in toyá tatua toḷu nosinggai bo toḷu nogobii in koonggotnea.

MATIUS 2:16

Naonda in kinotaauan i Herodes kon sia aindon inakaḷan in intau mita in Mayusi tatua, sinumorú totok in sia. Manangka intua pinoki ḻimodnea in bayongan adí kon Betlehem bo kon ḻipú inta noyodiugneamai. Bayongan in adí inta nodapot in umur doyowa notaong, tua in sinantúnea podudui wakutu inta kinotaauannea nongkon intau mita in Mayusi tua.

OUMAN IN RASUL MITA 9:2

bo noigum kon surat kawasa kon inia sin diaannea kon majelis mita in Yahudi inta kon Damsyik, sinbá aka sia in mokodungkuḷ kon intau mita kon tua inta mopirisaya kon i Tuhan Yesus, yo sia in motaau modomok kon i monia bo diaan pobayá in Yerusalem.