MAZMUR 12:5 - Alkitab Singog In Mongondow Masa In Tanaa

⁵ inta moguman, “Kami in mongawasa takin dilá nami! Onukabí motaaubí singogon nami, bo diábí in mokoḷamboi!”

MAZMUR 12:5 Iomraidhean Croise

AYUB 5:15

Táe ki Allah in noposaḷamat: kon intau nobogá nongkon kopatoian, kon intau inta moyangkó nongkon pinononggataan.

AYUB 5:21

Iko in ḷukadanbí nongkon tapud bo ouman inta diá totuu; sinayowanmu in bodito takin diá moondok.

MAZMUR 10:12

Sindogdon, Tuhan, hukumdon in intau moraat! Toropdon in intau inta iroriga!

MAZMUR 10:18

Adí uno-unon bo inta iroriga sinuḷungan-Mu in pelekaranea, sinbá diá in intau mopogogondok kon i monia.

MAZMUR 10:5

Intau moraat mokodapot kon bayongan inta iḷongasinea; sia in diábí nonotaau andeka nomangaḻe kon hukum i Tuhan bo mopoompámai kon bayongan in musungnea.

MAZMUR 31:19

Tukumaidon in bibig intau mouboḷ inta takin ḷoḷatú mongempeng kon intau motuḻid in gina.

MAZMUR 34:6

Intau dinorot nongamang kon i-Nia bo mopia in gina, diábí in dodoyonan monia kon mooyá.

MAZMUR 73:8

Mosia in morebeg bo moposingo-singogmai, bo takin ḷoḷatú mosia in mogogondok bo mondorot.

IḶUAIAN 5:2

“Ki ine in ki Tuhan tua?” iḻibó i datu. “Nongonu sin pandungonkubímai in Sia bo mobogoi kon bangusa Israel mayá? Diábí kinotaauanku in ki Tuhan tua, bo intau mita Israel in diábí ogoiku mayá.”

AMSAL 14:31

Ki ine in mopoaid in mopia kon intau bogá, mohoromat kon i Allahnea; ki ine in mopororiga kon intau moyangkó, mopoompámai kon i Inta nomaḻí kon inia.

AMSAL 18:21

Dilá naa in oyúonbí in kawasanea moposaḷamat kon kobiagan andeka momoguyaat; intau in mustibí mobaba kon bungai in tosingogonnea.

MOHOHUTUBA 4:1

Onda intua sinaridianku bui in bayongan aid diá moadil inta nobaḻí kon dunia naa. Intau mita inta iroriga nongombaḷ bo diá in moibog motuḷung, popisí in intau mita inta mopororiga tua in kokawasa moḷoben.

MOHOHUTUBA 5:8

Modapot in kobiagan i datu noitogotbí kon bungai in boyó.

YESAYA 19:20

Mezbah bo oigi tatua in nobaḻí lambang koangoian i Tuhan Inta Totok in mokawasa kon Mesir. Aka bangusa tatua doroton, bo mosia in mokuani mopoigum in totuḷung kon i Tuhan, yo potabá-Neabí in intau tobatú sin moposaḷamat kon i monia.

YESAYA 33:10

Ki Tuhan in noguman kon bangusa tatua, “Tanaa simindogdon in Akuoi bo mopoontongdon in kawasa-Ku.

YEHEZKIEL 18:18

Noyoḻiudon kon tua ki amánea inta moibog monombuḻitok bo mogagow bo momia kon inta moraat ibanea, in matoibí popisí in dosa mita inta pinomianea tontaní.

HOSEA 7:16

Mosia in umuran bidon dumudui kon dewa mita inta beresibí diá in kawasa onu bo onu. Mosia in diábí motaau pongata naonda bo piot inta nopupud. Itoi mita monia in dumodia in mosingog, tuamai in ḻimodonbí in mosia in kedang, bo kosingan in intau mita in Mesir.”

YAKOBUS 5:4

Diá inuboḻian monimu in gaji in intau mita inta nogaid kon gobámu. Tanaa indongogaidon in amui monia! Intau mita inta nosipun kon hasil in gobámu, kinumarak nokituḷung bo karak monia tua ain kinodongogan i Allah, Tuhan inta Totok in Mokawasa.

HAKIM MITA 10:16

Onda intua mosia noḷumbúdon kon bayongan patong berhala, bo nosumbadon bui kon i Allah. Dá inagíandon in tabi in ki Allah nokoontong kon i monia kon bonu in roriga.