MAZMUR 119:81 - Alkitab Singog In Mongondow Masa In Tanaa

⁸¹ Ginaku in totokbí in mokotanob kon kasaḷamatan nongkon ini-Mu; akuoi in mogoḷat mako kon dandi-Mu.

MAZMUR 119:81 Iomraidhean Croise

AYUB 19:27

Matakubí tontaní in poindoiku kon i-Nia, bo kon inakó Sia in mobaḻí yobayat. Nonakit totok in ginaku sin moiko in moguman,

MAZMUR 119:114

Ikobí in mododuḷu bo mogogoḻingoiku, akuoi in mogoḷat mako kon dandi-Mu.

MAZMUR 119:20

Monakit in ginaku in monahang kon tanob, akuoi in moibog monotaau kon hukum-Mu pomuḷoi mako.

MAZMUR 119:40

Ogoiaidon in akuoi in kobiagan mobagu, sin Iko in moadil, totokbí in ibogonku in tumoḷutui kon atorang-Mu mita.

MAZMUR 119:41

O Tuhan, poontongdon kon totuu motabi in Iko kon inakó, posaḷamatpa kaasí in akuoi podudui in dandi-Mu.

MAZMUR 119:42

Dá mokotubagdon in akuoi kon intau inta moningkuḻe kon inakó, sin akuoi in mopongata in tosingogon-Mu.

MAZMUR 119:43

Tuḷungaipa kaasí in akuoi sinbá umuran mosingog kon onu in totuu, sin akuoi in mogoḷat mako kon onu in tantúon-Mu.

MAZMUR 119:74

Intau motoguondok in mosanangbí in ginanea aka mokoontong kon inakó, sin akuoi in mogoḷat mako kon dandi-Mu.

MAZMUR 119:77

Kotabipa kaasí in akuoi, dá umuran mobiag in akuoi, sin hukum-Mu in mokosanang kon ginaku.

MAZMUR 130:5

Akuoi in mogoḷat mako kon totuḷung i Tuhan, dandi-Nea in inamangku mako.

MAZMUR 73:26

Umpaka dimukud bo awakku in moḻemédon, Ikobí in ropotku, o Allah; Ikobí in kapunyaanku modapot in mononoi.

MAZMUR 84:2

Totuu mokosanang in tampat pogogutunan-Mu, o Allah Inta Totok in mokawasa!

DONDONG MOḶANTUD 5:8

Podandidon, ei mongodeaga mita in Yerusalem, aka moyodungkuḷ in batoḷ in dodobku, potaaudon kon inia, kon takitku naa in takitbí in tanob.