MAZMUR 118:7 - Alkitab Singog In Mongondow Masa In Tanaa

⁷ Ki Tuhan in kotaki-takinku sin motuḷung kon inakó, akuoi in mokoontongbí kon musungku taḷowon.

MAZMUR 118:7 Iomraidhean Croise

TAWARIKH 1 12:18

Tobatú nongkon sigad monia, inta ki Amasai, inta kon singgai noiduduimai nobaḻí itoi kon kolompó inta sinangoian “Tridasawira”. kinawasa in Roho i Allah bo noguman, “Daud, adí i Isai! Kami in mobantungbí kon inimu! Poigumon mako iko bo mosia inta motuḷung kon inimu in mokotongod. Ki Allah in nion kon dotámu.!” Dá sinarima i Daud in mosia bo binaḻíneadon in mosia porwira kon bonu in tontaranea mita.

MAZMUR 112:8

Sia in diábí moḻia-ḻiaw in gina andeka moondok, sin noyakin kon musungnea in taḷowonbí.

MAZMUR 54:4

Indongogaidon in oigumku, o Allah, indongogaipa kaasí in tosingogonku mita.

MAZMUR 54:6

Táe ki Allah in mototuḷungku; Ki Tuhan in mododuḷuku.

MAZMUR 54:7

Sia in mohukumbí kon musungku pongin aid moraat monia tontaní, bo moyompat kon i monia sin Sia in mosatia kon inakó.

MAZMUR 55:18

Singgai doḷom mogamui bo mongombaḷ in akuoi, bo dinongog-Nea in singogku.

MAZMUR 59:10

Ikobí in pangkoi in ropotku, akuoi in mongamang mako kon ini-Mu, Iko in tampat poḷoḷaguianku, o Allah.

MAZMUR 59:11

Popisí in kopopia-Nea ki Allahku in namangoi kon inakó, Pinomayá-Nea mako in akuoi nokoontong kon musungku sinaḷow.

MAZMUR 92:11

Binaḻí-Mu in akuoi noropot naonda bo bantong ḻindong, bo nomarakat kon inakó in kobiagan motompia.

YESAYA 41:13

Sin Akuoi ki Tuhan, Allahmu, in mokadai kon ḻimamu koḷanan; Guman-Ku, ‘Dika moondok, Akuoi in motuḷungbí kon inimu.’ ”