MAZMUR 118:5 - Alkitab Singog In Mongondow Masa In Tanaa

⁵ Kon bonu in rorigaku akuoi in nokuani kon i Tuhan; bo sinubagan-Nea poḷat pinoḷuat-Nea in akuoi.

MAZMUR 118:5 Iomraidhean Croise

KINOBAḺIAN 32:7

Nokodongogmai kon tua ki Yakub totokdon inagían in ondok bo ḻia-ḻiaw in gina. Bo intau mita inta noyotakinnea in sinilaineadon doyowa nokolompok, ná tua doman in dombanea, bembénea sapi bo untanea.

MAZMUR 107:13

Kon bonu in susa mosia nokuani kon i Tuhan, bo pinoḷuat-Nea in mosia kon roriga.

MAZMUR 107:19

Kon bonu in susa, mosia in nokuani kon i Tuhan, bo pinoḷuat-Nea in mosia nongkon roriga.

MAZMUR 120:1

Dondong mayá in Baḷoi Tuhan. Kon bonu in susaku akuoi mokuani kon i Tuhan, bo Sia in notubag kon inakó.

MAZMUR 18:19

Mosia in nonubu kon inakó kon tungkuḷ in akuoi kinoantugan in bodito, táe ki Tuhan in nobaḻí mototuḷungku.

MAZMUR 18:20

Sia in nopoḷuat kon inakó nongkon anib bo noposaḷamat kon inakó popisí in kinoibog-Nea in akuoi.

MAZMUR 18:6

Akuoi in iḻibudon in bodito mokopatoi, poyogaḷap in popatoi kon tayowonkumai.

MAZMUR 31:8

Mopiabí in ginaku bo moḷunganga sin Iko in umuran motabi kon inakó. Iko in noindoi kon rorigaku bo nonondudutmai kon susahku.

MAZMUR 77:2

Noḷangon in pinokokuaniku kon i Allah; noḷangon in kuaniku, bo inindongogan-Nea in akuoi.