MAZMUR 114:2 - Alkitab Singog In Mongondow Masa In Tanaa

² binaḻí i Tuhan in Yohuda tampat-Nea inta motusi, Israel in binaḻí-Nea butá kinawasa-Nea.

MAZMUR 114:2 Iomraidhean Croise

IḶUAIAN 15:17

Bo Israel inatod-Mu kon tampat inta piniḻí-Mu popoutunan. Mosia in nogutun kon buḷud-Mu inta motusi, kon Baḷoi inta pinosindog-Mu takin ropot-Mu.

IḶUAIAN 25:8

Potabádon in bangusa tatua momia kon ḷoḷaigan tobatú kon i-Nakó, sinbá Akuoi motaaudon mogutun kon yua-yuak monia.

IḶUAIAN 6:7

Moiko in diaan-Ku mayá in butá inta pinodandi-Ku takin nongibot kon i Abraham, kon i Ishak bo kon i Yakub; butá tatua in ogoi-Ku kon inimu mobaḻí kapunyaanmu tontaní. Akuoi naa in ki Tuhan.”

IMAMAT 11:45

Akuoi naa in ki Tuhan inta nodia kon i monimu iḻumuai nongkon Mesir, sinbá Akuoi mobaḻí ki Allahmu. Moiko musti motusi, sin Akuoi naa in motusi.

ULANGAN 23:14

Ki Tuhan Allahmu kotaki-takin monimu kon bonu in pinonḷoḷaigan monimu sin mogoḻiung kon i monimu bo mobogoi kon i monimu in kauntungan kon bayongan musungmu. Dá ḷukadai sinbá pinononḷoḷaiganmu umuran modarit. Dika modapot in kouḻían kon inta diá mopia in kon sigad monimu, sinbá diá taḷaan i Tuhan in moiko.”

ULANGAN 27:12

“Naonda in moiko ḷumoḷan kon Ongkag in Yordan, suku Simeon, Lewi, Yohuda, Isakhar, Yusup bo Benyamin musti simindog kon tudu in Buḷud in Gerizim kon dodai in singogondon in barakat kon bangusa tanaa.

ULANGAN 27:9

Onda intua moyotakin in imang mita in Lewi, ki Musa noguman kon bayongan bangusa in Israel, “Utat mita, tarukirapa bo indongogai! Singgai naa moiko ain nobaḻí umat i Tuhan Allahmu.

ULANGAN 7:6

Aidaidon in tua komintan sin moiko nion in kapunyaan i Tuhan Allahmu. Nongkon bayongan bangusa kon dunia naa, moikobí nion inta piniḻí i Tuhan Allahmu mobaḻí umat inta sinondí kinotabi-Nea.

WAHYU 21:3

Bo akuoi in nokodongog kon baḷú moropot nongkon tampat pomomarentaan tatua, noguman: “Indoiai! Tanaa mako tampat pogogutunan i Allah kon yua-yuakdon in intau! Sia in mobiagdon takin i monia, bo mosia in mobaḻídon umat-Nea. Bo ki Allah in mogutundon kon sigad monia bo mobaḻídon ki Allah monia.