MAZMUR 112:9 - Alkitab Singog In Mongondow Masa In Tanaa

⁹ Sia in mosila-silaibí mako kon kapunyaannea, bo mobogoi in oogoi kon intau nobogá; sia in umuranbí mogaid kon inta mopia, tuamai in sia nongawasa bo ihoromat.

MAZMUR 112:9 Iomraidhean Croise

MAZMUR 111:3

Aid i Tuhan totuu moḷantud bo dinayo-dayow, kooadil-Nea in mononoi totok.

MAZMUR 112:3

Motoḷuadínea in mooyúonbí bo mobiag motomoman, bo sia in mobiagbí motompia modapot in mononoi.

MAZMUR 75:10

Táe akuoi in umuranbí mopotaau in Allah i Yakub, mopodondong in dodayow kon i-Nia.

MAZMUR 92:10

Kinotaauan nami in musung-Mu in yompatonbí, o Tuhan, bayongan in intau moraat in poraritonbí.

MAZMUR 92:11

Binaḻí-Mu in akuoi noropot naonda bo bantong ḻindong, bo nomarakat kon inakó in kobiagan motompia.

AMSAL 14:24

Intau mobijaksana dinayow popisí in kabijaksanaannea, intau bodok ponango-nangoian popisí in kobobodoknea.

AMSAL 19:17

Motuḷung kon intau bogá notongkaibí in nopoḷuan kon i Tuhan; bain ki Tuhan doman in motuḻí kon tua.

AMSAL 21:26

Kinoouput in singgai sia in tongábí morai kon onu inta kinoibognea. Táe, intau inta motuḻid in kobobiagnea motaaubí mobogoi in mobarong.

MOHOHUTUBA 11:6

Ponabudon in bibitmu kon dodai in doḷo-doḷom bo dika mogogai in doḷom. Sin diábí kotaauan naton mongo bibit táonda in mopia in kobobiagnea. Dika-dika bo tumpaḷabí in sia mobiag motompia.

MOHOHUTUBA 3:6

Ki Allah in nonantú kon wakutu mokodungkuḷ bo wakutu kobuḻian, wakutu motagú bo wakutu kinotaḷu-taḷuinea,

YESAYA 32:8

Táe intau inta motuḻid in ginanea monomayá kon soaḷ mita inta mopia bo mogaid kon inta mopia doman.

YESAYA 58:10

Ogoiaidon in kaanon kon intau inta gogoyon bo tuḷungaidon in intau mita inta dinorot. Aka moiko mogaid kon natua, dá sindip kon ḻibumumai in mobayagdon ná singgai.

YESAYA 58:7

Silaidon in kaanonmu takin intau inta gogoyon, tarimadon kon baḷoimu in intau mita inta diá kobaḷoi. Ogoiaidon in ḷambung in intau mita inta diá nogiḷambung, bo dika monoḻikud kon i utatmu inta paraḷu tuḷungan.

MATIUS 6:4

Ḷongasi bá diá kotaauan in intau ibanea, koḻikudon ki Amámu kon soroga in monotaau. Sin Sia inta nokoontong kon oaidmu natua in mobogoi bui kon inimu.”

MARKUS 14:7

Sin aka intau mita inta nobogá umuranbí oyúon in kon sigad monimu. Aka moibog motuḷung in moiko kon i monia, yo pomuḷoi mako motaaubí. Táe Akuoi in diábí pomuḷoi mako in moyotakin monimu.

LUKAS 11:41

Nanaa! Onu inta kon bonu in pindan bo palomu tua, tuata inta musti ogoi monimu kon intau mita nobogá. Aka tua in aidanmu, yo modarit komintan onu inta nokotor kon inimu.

LUKAS 12:33

Potaḷuidon in bayongan kapunyaanmu bo ogoi kon intau mita bogá. Bo pogaid kon pototaguan kon kapunyaanmu inta diá mogogu-goguyaat, tuata in tobatú kapunyaan inta mononoi, diá koyaputan in mononakow bo inta diá kopoguyaatan in sisik.

LUKAS 16:9

Bo ki Yesus in bui noguman, “Indongogai in naa! Pakédon in kapunyaan kon dunia potayakan kon yobayat, sinbá aka kapunyaan tatua bo diádon in mangaḻenea, yo moiko in tantúbí tarimaan kon tampat inta mononoi.

LUKAS 18:22

Nokodongogmai kon tua in ki Yesus, noguman in Sia nanaa, “Tobatúpa in musti aidanmu: Potaḷuidon in bayongan kapunyaanmu bodongka sila-silaidon mako in doit tatua kon intau mita bogá, dá mokouḻíbí in iko kon kapunyaan kon soroga. Mopaḷut mako kon tua angoi bo duduidon kon i-Nakó.”

YOHANES 13:29

Oyúon in nosangka kon ki Yesus nopotabá kon i Yudas minayá notaḷui kon tobatú kaparaḷuan pakéon kon pesta, andeka mobogoi in doit topiḻik kon intau bogá, sin ki Yudas tua mokokadai kon doit in kas monia.

OUMAN IN RASUL MITA 20:35

Tua komintan in inaidanku sinbá moiko in moibog dumayan kon i nakó, sin aka kita in mogaid mokoporajing tua in mangaḻenea kita ain notuḷung kon intau mita inta nongoyangkó. Mustibí toropon mako in naa: ‘Mopi-piabí kon mobogoi dika in motarima.’ ”

OUMAN IN RASUL MITA 4:35

bo posarakan kon rasul mita. Doit tatua sila-silaion mako kon intau mita inta moparaḷu.

SURAT I PAULUS KON JAMAAT RUM 12:13

Tuḷungai bo ogoiai onu in paraḷu in intau mita Keresten ibanea, bo tomubí takin pia in gina in utat mita Keresten umpakabí diá nogogintaauan monimu in mosia. Tarima doman takin sanang in gina in mosia kon baḷoimu.

KORINTUS 2 8:9

Sin moiko in totokdon in nonotaau kon kita in totokbí in kinotabi i Yesus Kristus, Tuhan naton. Sia in nooyúonbí, táe sinumon intau bogá sin lantaranbí moiko, sinbá moiko in mobaḻí mooyúon.

ULANGAN 15:11

Kon sigad in intau Israel umuranbí oyúon in tongonumai intau inta mobiag mobogá bo kinodaitan in pakéon. Tuamai in akuoi moguman kon i monimu mokopopia kon gina kon i monia.”

ULANGAN 15:14

Takin sanang in gina ogoiaidon in sia nongkon onu inta inogoi i Tuhan Allahmu kon inimu, tuata in bembé domba, gandum bo anggur.

ULANGAN 24:13

táe mustibí pobuionmu kon inia pomuḷoi in doḷom, sinbá motaau pakéonnea pomuḷoi in mosiug. Dá sia in mopoyaputdon in sukur moantó bo iko in koibogdon i Tuhan Allahmu.

TIMOTIUS 1 6:18

Ponorop domandon kon i monia sinbá mosia in mopoontong in aid inta mopia. Kobayongdon in mogaid kon inta mopia, mokopopia kon gina bo moibog mobogoi.

IBRANI 13:16

Donaai koḻiongan monimu in mogaid kon inta mopia bo mosituḷungan, sin naabí in kuruban mita inta mokosanang totok kon gina i Allah.

IBRANI 6:10

Sin ki Allah in moadilbí. Diábí koḻiongan-Nea in onu inta ain inaidan monimu kon i-Nia, bo tabi inta pinoontong monimu kon i-Nia wakutu in notuḷung kon utat mita inta tumpaḷa mopirisaya kon i Kristus tungkuḷ intua bo masa in tanaa.

WAHYU 22:11

Intau inta moraat, pomayádon mako in umuran mogaid kon moraat; intau inta monajis, pomayádon mako in mokoponajis kon awaknea tontaní; intau inta dinumudui kon ibog i Allah, bo intau inta kobiagannea in tongádon mogaid kon kopontingan i Allah, yo pomayádon mako in sia tongá mogaid kon natua kon i Allah.”

SAMUEL 1 2:1

Bo nosambayang in ki Hana, kainia, “Ki Tuhan in nopoḷungangadon kon ginaku; oaidan-Nea in nokosanangdon kon ginaku. Takin pia in gina singkuḻeonku in musungku, sin totu-totuudon kon ki Allah in notuḷungdon kon inakó.

SAMUEL 1 2:30

Akuoi, ki Tuhan Allah in Israel, koḻipod ain nodandi, kon motoḷuadímu bo bui inanakanmu in mogundoi kon i-Nakó mobaḻí imang mononoi. Táe tanaa in kinodoí-Kudon intua! Sin ki inta mohoromat kon i-Nakó in horomaton-Kubí táe inta mopoonagmai kon i-Nakó, in pokoonag-Kubí doman.