MAZMUR 112:5 - Alkitab Singog In Mongondow Masa In Tanaa

⁵ Pia in kamang in intau inta mopia in gina bo inta moibog mopoḷuan bo mojujur kon bayongan in yagi-yagi.

MAZMUR 112:5 Iomraidhean Croise

NEHEMIA 4:13

Tuamai in akuoi nosilai magí-mako kon pitow, pandong bo piot kon rayat, bo sinampatku in mosia pinodudui kon batúan in inanakannea kon ḻikudmai in dinding, kon tampat mita inta diápa noḷapat sinompia.

MAZMUR 37:21

Intau moraat in moḷuan bo diá mopobui kon onu inta iḷuanannea, táe intau mopia in mobogoibí takin pia in gina.

AMSAL 12:2

Intau mopia kinosanang i Tuhan, táe intau inta monomayá kon inta moraat in motarimabí kon hukuman.

AMSAL 17:18

Intau inta modandi moguboḻi kon boḻi in tumpaḷa intau in intaubí inta bodok.

AMSAL 18:9

Intau inta maḷat in mogaid kon oaidannea notongkaibí in koraatnea in intau inta moibog momoguyaat.

AMSAL 2:20

Tuamai, adíku, duduiaidon in kobobiag in intau mopia, bo kobiagdon podudui in ibog i Allah.

AMSAL 24:27

Dikapa monoimbotú kon tonibuḷoi aka diápa muna nosadia kon gobámu bo oyúon kototayak.

LUKAS 23:50

Oyúon tobatú intau, ki Yusup in tangoinea. Sia in nongkon kotá in Arimatea kon butá in Yudea. Sia tua in intau mopia bo mobanar inta umuran mogoḷat mako kon wakutu koangoian i Allah momarenta saḷaku Datu. Umpakabí in sia tobatú Mahkama Agama, táe sia naa in diábí nosotuju kon kaputusan bo gogutú in mahkama agama ibanea tua.

LUKAS 6:35

Sabanarnea in deemanbí natua! Nanaabí in musti aidan monimu: Kotabibí in saturumu bo aidai in onu inta mopia kon i monia, bo popoḷuanaibí in mosia, táe donaai potayakan kon kauntungan in mosia. Aka natua in aidan monimu, yo moiko in motarimabí kon bungai in oaidmu inta moḷoben totok bo moiko in mobaḻí doman ki adí mita i Allah Inta Totok in moḷantud. Sin Sia in mopiabí doman kon intau mita inta diá motaau mosukur kon i Allah bo kon intau mita moraat.

YOHANES 6:12

Naonda in komintandon nongaan nobotug, ki Yesus noguman kon murí-Nea mita, “Sipundon in ki agat mita in roti inta diá kinaan monia sinbá diá mogoguyaat.”

OUMAN IN RASUL MITA 11:24

Ki Barnabas naa in intaubí mopia, inta umuran kinawasa in Roho i Allah bo intau inta totok in mopirisaya kon i Tuhan sahingga moantódon in intau in dinumudui kon i Tuhan.

SURAT I PAULUS KON JAMAAT RUM 12:11

Tantú mokoporajing in mogaid, donaai mokopomaḷat. Pogaid kon oaidan i Tuhan takin ibog moḷoben inta nongkon Roho i Allah.

SURAT I PAULUS KON JAMAAT RUM 5:7

Sin diábí mogampang in motayak kon intau inta moibog matoi umpakabí kopontingan in intau inta mobanar. Tongá degá aka kon intau inta mopia, dá oyúon in intau mobarani matoi.

EPESUS 5:15

Manangka intua, tarukiradon kopira mongo naonda in kobobiagmu. Dikabí ná intau mita bodok; táe kobiagbí ná intau mita mobijaksana.

PILIPI 1:9

Naabí in sambayangku kon i monimu: Igumon mako doa, moiko in totu-totuudon motabi kon i Allah bo kon tumpaḷa intau bo umuran doman modugang in pongotahuan monimu kon soaḷ inta mopia bo pororai inta mobijaksana.

KOLOSE 4:5

Mokopobijaksanadon in mobiag moyotakin intau mita inta diá mopirisaya, bo pakédon kopira pomuḷoi oyúon in kasampatan.