MAZMUR 11:1 - Alkitab Singog In Mongondow Masa In Tanaa

¹ Kon i itoi in mododondong. Mazmur i Daud. Akuoi in noniung kon i Tuhan; diábí in mangaḻenea in moguman kon inakó, “Posaḷamatdon in awakmu naonda bo ḷagapan inta iḷumayug kon buḷud.

MAZMUR 11:1 Iomraidhean Croise

TAWARIKH 2 14:11

Bo ki Asa in nosambayang kon i Tuhan Allahnea, “Tuhan, tongábí Iko in mokobantung kon inta moyangkó monayow kon inta moropot. Tuḷungaipa in kami in tanaa, o Tuhan Allah nami! Tongábí iko in andoḷan nami bo podoyon kon tangoi-Mu kami in ḷumuai moparang monayow kon tontara inta mobarong totok naa. Tuhan, Ikobí in ki Allah nami. Dikabí pomayá mako Iko taḷowon in intau tobatú.”

TAWARIKH 2 16:8

Degá diábí kinotaauanmu kon Sudan bo Libia in kotontara mobayong takin nobayong doman in kereta in parang bo tontara inta sinumakoi kon kabaḷo? Umpaka natua táe pinountungbí i Tuhan in iko kon i monia, popisí in iko inumandoḷ kon i-Nia.

NEHEMIA 6:11

Táe akuoi in notubag, “Akuoi naa in deemanbí intau inta moibog moḷagui. Saḷaku intau biasa diábí motaau in akuoi tumuot kon Baḷoi Tuhan, sin matoi in akuoi. Diá, doíbí in akuoi!”

MAZMUR 16:1

Mazmur i Daud, Ḷukadaidon in akuoi, o Allah, sin kon ini-Mubí in poniunganku.

MAZMUR 25:2

o Allahku, akuoi in mopirisaya kon ini-Mu! Dika pomayá mako in akuoi pokopooyáanmai, bo goḷokapan in musungku mita.

MAZMUR 31:14

Kon ondaka umuranbí oyúon in mokokoningkim; dongogonku in yogombong mita in musungku. Mosia in moyopakat moḷawang kon inakó, bo momia kon tomayá sin moḻimod kon inakó.

MAZMUR 56:11

Akuoi in modayow kon i Tuhan Allah, popisí in onu inta pinodandi-Nea.

MAZMUR 7:1

Amui i Daud, inta pinodondong kon i Tuhan popisí in ki Kus, intau in Benyamin tatua.

MAZMUR 7:2

Oo Tuhan Allahku, akuoi in moniung kon ini-Mu; posaḷamatdon bo poḷuatdon in akuoi nongkon bayongan in intau inta mogaḷo-gaḷow mako kon inakó.

MAZMUR 9:10

Ki Tuhan tua in pogogadopan in intau inta dinorot, tampat pononiungan kon dodai in mororiga.

AMSAL 6:5

Poḷuatdon in awakmu nongkon poyogaḷap tatua naonda bo ḷagapan andeka rusa noḷagui nongkon intau inta motayak kon inia.

YEREMIA 48:14

Naondabí in ḷoḷaki mita in Moab mokobaḻí in moguman, ‘Kami in pahlawan, tontara motorindog inta ain inuji kon parang?’

LUKAS 13:31

Kon wakutu intua tongonumai degá intau in Parisi namangoi bo noguman kon i Yesus, “Bayádon! Taḷaaidon in tampat tanaa! Bayádon in tampat ibanea mako, sin ki Herodes in monomayá mako moḻimod kon ini-Mu.”

SAMUEL 1 19:11

Kon doḷom doman tuata ki Saul nopotabá in tongonumai in intau minayá kon i Daud sin motarap kon i Daud bo moḻimod kon inia naonda in doḷo-doḷomdon. Táe ki Mikhal ki buḷoinea in noguman kon inia, “Aka diá moḷagui in iko in doḷom naa, yo ikoḷom doḷo-doḷom notantú bidon kon ḻimodon monia in iko.”

SAMUEL 1 20:38

Koḷamemetpa topiḻik, dika tumongaw!” Adí tatua in nopuyut kon piot tatua bodongka nobui kon i tuangnea.

SAMUEL 1 22:3

Nongkon angob tatua ki Daud minayá in Mizpa kon Moab bo noguman kon i datu in butá in Moab, “Ogoipa in ki amá bo ki iná in bobantung naa in mogutun kon i Tuangku, modapot in kotaauan in bobantung naa onu in makusud i Allah kon bobantung naa.”

SAMUEL 1 23:14

Nopaḷut mako kon tua ki Daud in nogutun kon angob mita kon buḷud kon padang gurun Zip. Sia in umuran aḷo-aḷowan mako i Saul, táe diábí i Tuhan inogoi in sia kon i datu tatua.

SAMUEL 1 27:1

Ki Daud norai kon bonu in ginanea, “Naondaka doman yo kon singgai tobatú in ki Saul in moḻimodbí kon inakó. Dá diábí in daḷan ibanea kon inakó, koḻikudon in moḷagui mayá in butá in Pilistin. Aka natua dá diá bidon tayakon i Saul in akuoi kon Israel, bo akuoi in moaman domandon.”