MAZMUR 109:7 - Alkitab Singog In Mongondow Masa In Tanaa

⁷ Biódon mako in sia sisigan bo poniata kon noitaḷá, bo biódon mako in sambayangnea anggapon dosa.

MAZMUR 109:7 Iomraidhean Croise

AMSAL 15:8

Ki Tuhan in motarima kon sambayang in intau mopia, táe doíbí in Sia kon sosumba in intau moraat.

AMSAL 21:27

Ki Tuhan in doíbí kon sosumba in intau inta moraat, apa doman aka pinosumba pinongin makusud inta mokooyá.

AMSAL 28:9

Aka iko bo diá motoindudui kon hukum i Allah, yo ki Allah in doíbí doman kon sambayangmu.

YESAYA 1:15

Aka moiko motonggó kon ḻimamu sin mosambayang, doíbí in Akuoi moindoimai. Diábí pandungon-Ku mongo kotongonu in moiko mosambayang, doíbí in Akuoi mokidongog, sin ḻimamu tatua in pinoḻimodmu kon nobayong in intau.

YESAYA 66:3

Táe bangusa tatua in mogaid kon onu in koibog monia; mopia in gina monia kon pooibada inta mokorongó. Kon i monia diábí in yoposinea: mopokuruban in sapi koḷakian bo mopokuruban in intau, mopokuruban in ki adí in domba bo momutoḷ kon sigogow in ungkú; moposumba in gandum bo mopokuruban in dugú in boké, motubá kon kamania bo mosumba kon patong.

MATIUS 23:13

“Koboditodon in moiko, ei mototundú kon agama Yahudi! Ei moiko intau inta mongomunapik. Sin moiko in moḷamboi kon intau inta mamangoi kon i Allah. Moiko tontaní in doíbí mobaḻí umat i Allah, bo intau ibanea inta moibog in ḷamboianbí monimu. [

SURAT I PAULUS KON JAMAAT RUM 3:19

Tanaa, kinotaauandon naton kon bayongan inta pinais kon bonu in hukum agama Yahudi, pinomakusudbí kon intau mita inta nobiag dinumudui kon hukum tatua. Tuamai in diábí tobatúmai intau in motaau mobogoi in alasan onu, bo bayongan intau kon dunia naa in motaaubí tuntuton i Allah.

GALATIA 3:10

Sin intau inta nobiag bo tantú dinumudui kon hukum i Musa, komintanbí nobiag kon bonu in kutukan. Sin kon Buk Motusi ain pinais, “Intau inta diá mosatia in dumudui kon bayongan inta ain pinais kon buk in hukum i Musa, yo kutukon i Allah!”