MAZMUR 103:4 - Alkitab Singog In Mongondow Masa In Tanaa

⁴ Sia inta nopoḷuat kon nyawamu nongkon poḷoḷobongan, inta takin tabi nobogoi kon inimu bo nonotabi.

MAZMUR 103:4 Iomraidhean Croise

KINOBAḺIAN 48:16

Sia tuata in malaekat inta ain nomilat kon inakó nongkon bayongan bodito. Poigumon mako ki Allah tatua in momarakat kon adí mita tanaa. Poigumon mako umuran mobiag in tangoiku bo tangoi i Abraham bo i Ishak sin adí mita tanaa! Poigumon mako mosia in mononggadí mononggompu, bo momuí mobarong kon dunia naa.”

MAZMUR 103:12

Ná kinoyoyayú in pomukaan kon toyopan, natua in kinoyoyayú in pinoḷumbúan-Nea kon dosa mita naton.

MAZMUR 21:3

Dinuduian-Mu in onu inta kinoibog in ginanea, bo nobogoi kon onu inta inigumnea.

MAZMUR 34:22

Inta moraat in matoibí popisí in aidnea moraat, intau inta mondoí kon intau motoḷutui in hukumonbí.

MAZMUR 5:12

Igumon mako bayongan in intau inta noniung kon ini-Mu mopia in gina bo tantú monggoḷokap. Ḷukadaidon in intau mita inta motabi kon ini-Mu, sinbá moḷunganga in gina monia popisí in Iko.

MAZMUR 56:13

Akuoi in mogintompodbí kon dandiku kon ini-Mu, o Allah, bo moposumba in kuruban sukur kon ini-Mu.

MAZMUR 65:11

Iko in momonu in tubig kon bayáan in pajeko bo binuntadan-Mu in ḻitodan mita in butánea. Sinobai-Mu in uyan in butánea, bo binarakatan-Mu in kobiagan in pinomuḷanea mita.

MAZMUR 71:23

Akuoi in monggiow takin pia in gina, sindaḷan mopodondong in dodayow kon ini-Mu. Dimukud bo awakku modondong takin pia, sin Iko in noposaḷamatdon kon inakó.

MAZMUR 8:5

yo onubí degá in intau tua, nodapot in sinorop-Mu in sia, ki ine in sia, dá iḷukadan-Mu?

YESAYA 38:17

Robonoḷ in ginaku in mobaḷuibí mobaḻí ḷunganga in gina, Iko in moposaḷamat kon inakó nongkon anib; dosaku mita inampungan-Mudon komintan.

YESAYA 54:8

Tongábí notoyong in Akuoi nonaḷámai kon inimu popisí in torú-Ku inta tumaga-tagab. Táe pinongin tabi mononoi Akuoi in notabi kon inimu.” Natuata in guman i Allah Mopoposaḷamatmu.

YAKOBUS 1:12

Kosanangdon in intau inta motaba wakutu in kinoantugan in sobaan. Sin aka sia bo mokotahangdon kon sobaan tatua, yo tarimaanneabí in bungainea. Bungainea tua in kobiagan inta ain pinodandi i Allah kon intau inta motabi kon i-Nia.

PETRUS 1 5:4

Sahingga in kon wakutu Gombala inta momulia mamangoi bui, moiko in motarima kon tombuinag moḷoben inta diá mogogu-goguyaat.

WAHYU 5:9

Mosia nopodondong in tobatú dondong mobagu, nanaa: “Iko in patus mogamá kon buk tatua bo moḷosi kon meterainea mita. Sin Iko ain iḻimod, bo dugú-Mu tatua, in pinoguboḻi-Mu kon intau nongkon bayongan suku, bahasa, negara bo bangusa sin ogoi kon i Allah.