MAZMUR 103:2 - Alkitab Singog In Mongondow Masa In Tanaa

² Dayowdon in ki Tuhan, ei dimukudku, dika ḻiongon in bayongan in kopopia-Nea!

MAZMUR 103:2 Iomraidhean Croise

TAWARIKH 2 32:25

Táe popisí in sia mokaḷakuang, sia in diábí nopoyaput in sukur kon kinopiaan in takitnea inta inogoi i Tuhan kon inia. Tuamai in ki Tuhan sinumorú kon i Yohuda bo kon Yerusalem.

MAZMUR 105:5

Ei buí i Abraham, mogogundoi-Nea, bo buí i Yakub, intau inta piniḻí-Nea, toropdon in bayongan inta mokoherang inta inaidan-Nea, dika mokoḻiong kon inta ain sinantú-Nea mita.

MAZMUR 106:21

Mosia in noḻiong kon i Allah mopoposaḷamat monia inta ain nogaid kon aid mita moḷoben kon Mesir.

MAZMUR 106:7

Kon tungkuḷ in kon Mesir mogoguyang nami diá nomangaḻe; mia-Mu inta mokotongaw diábí kinomangaḻean monia. Kinoḻiongan monia in tabi-Mu inta moḷoben totok, bo kon diug in Dagat in Gelagah mosia in nomarontak kon i Inta Totok in Moḷantud.

MAZMUR 116:12

Onu in ogoiku kon i Tuhan sin potuḻí kon kopopia-Nea kon inakó?

YESAYA 63:1

“Ki ine in sia inta namangoi nongkon Bozra kon Edom? Ḷambungnea in nopura, pakeangnea in mopouḻi-uḻinag; sia in ḷumampang takin motorindog mako.” “Akuoibí in ki Tuhan inta mokoposaḷamat bo mamangoi modia kon habar kountungan.”

YESAYA 63:7

Akuoi in mopohabar in tabi i Tuhan bo modayow kon i-Nia sin bayongan in aid-Nea. Binarakatan-Nea totok in umat-Nea, sin Sia in nonotabi bo tabi-Nea in diábí moobo-obot.

ULANGAN 32:18

Mosia in nonoḻikudon kon Mopoposaḷamat monia inta motoyang, noḻiongdon kon i Allah monia inta nobogoi in kobiagan.

ULANGAN 32:6

Natua degá in pototuḻí monimu kon kopopia i Tuhan, ei intau mita dondunguḷ bo diá koraian? Diá kinotaauanmu kon Sia in ki Amámu, inta nomaḻí kon inimu inta nomia kon i monimu bangusa tobatú?

ULANGAN 6:12

yo ḷukadai kopiaan sinbá diá in moiko mokoḻiong kon i Tuhan inta ain nopoḷuai kon i monimu nongkon Mesir, tampat pinononggataan kon i monimu.

HAKIM MITA 5:2

Dayowdon in ki Tuhan, sin tontara mita in Israel in noniat bidon in mayá moparang, bo nobayagbí in gina in rayat in mayá moparang.

HAKIM MITA 5:9

Kon panglima mita in Israel inta namangoi takin ibog tontaní, poyaputku in tosingogon ponghargaan moḷoben kon i monia. Dinayo-dayowdon in ki Tuhan!