MAZMUR 102:26 - Alkitab Singog In Mongondow Masa In Tanaa

²⁶ dungkuḷmai Iko in nomaḻí kon butá; ḷangit in Iko doman kitogi mia.

MAZMUR 102:26 Iomraidhean Croise

DATU MITA 2 19:15

bo nosambayang, kainia, “Tuhan, Allah in Israel, inta iḻimitú kon tudu in Kerub, Tongábí Iko tontaní in Allah inta nongawasa kon bayongan in dodatuan kon dunia naa. Ikobí in nomaḻí kon ḷangit bo butá.

AYUB 38:4

Oyúondon degá in iko kon dodai in dunia naa inaidan-Ku? Aka totuu kon mopandoi in iko, potaaudon!

MAZMUR 102:12

Kobiaganku in moitaḻib naonda bo oḻinow ḷoḷabungnea; akuoi in noḷaḷow naonda bo bonok.

IḶUAIAN 3:14

Guman i Allah, “Akuoi in AKUOIBÍ INTA OYÚON. Naa in musti singogonmu kon bangusa Israel, Sia inta sinangoi AKUOI INTA OYÚON, ain nopotabá kon inakó namangoi kon i monimu.

YESAYA 34:4

Mata in singgai, buḷan bo tundi mita in morimumudbí. Ḷangit in ḻitodon naonda bo karatas. Tundi mita in moḷabúbí naonda bo daun mita inta mototak nongkon pangkoinea.

YESAYA 51:6

Ḷangagaidon in ḷangit bo indoiai in butá; ḷangit in moinggamábí naonda bo poyok bo butá in mokoyonganbí naonda bo ḷambung noketek, bayongan in intau kon bonunea in matoi naonda bo yongit. Táe kasaḷamatan inta ogoi-Ku in umuranbí mononoi, bo kountungan-Ku in diábí in imbuitnea.

YESAYA 65:17

Ki Tuhan in noguman, “Akuoi in momiabí kon ḷangit inta mobagu bo butá inta mobagu. Onu inta nobaḻí mita koḻipod in koḻionganbí bo diá bidon toropon bui.

YESAYA 66:22

Ná ḷangit mobagu bo butá mobagu in monahangbí popisí in kawasa-Ku, natua doman in buímu bo tangoimu in umuranbí oyúon.

MATIUS 24:35

Ḷangit bo butá in moyoyangbí, táe singog-Ku naa in mononoibí.”

LUKAS 21:33

Ḷangit bo butá in diábí mononoi, táe singog-Ku in mononoibí.”

SURAT I PAULUS KON JAMAAT RUM 8:20

Sin bayongan in mahaḷuk pinomayádon mako mogoguyaat, deemanbí popisí in ibognea tontaní, táe popisíbí in pinomayádon mako i Allah natua. Umpaka natua táe oyúonbí in harapan tanaa:

WAHYU 20:11

Nopaḷut mako kon tua, akuoi in nokoontong kon tobatú tampat pomomarentaan inta nobudó bo inta noḷoben bo Sia in iḻimitú kon tua. Ḷangit bo butá noinggamá nongkon tayowon-Nea, sahingga in diádon bui koontongan.

WAHYU 21:1

Bo akuoi in nokoontong kon ḷangit mobagu bo butá mobagu. Ḷangit bo butá inta muna in diádon, takin dagat in noinggamá domandon.