MAZMUR 102:21 - Alkitab Singog In Mongondow Masa In Tanaa

²¹ sin mokidongog kon amui in intau inta kon bonu in ponjara bo mopoḷuat kon intau inta hukumon matoi.

MAZMUR 102:21 Iomraidhean Croise

MAZMUR 22:22

Akuoi in diádon mokopongonu, poḷuatdon in akuoi nongkon tungoi in bantong bo nongkon tunggi in singa.

MAZMUR 79:11

Indongogaipa kaasí in ongot in intau mita inta pinonjara; igumon mako intau mita inta ain sinantú matoi in pomayádon mako popisí in kawasa-Mu.

MAZMUR 79:13

Dá kami umat-Mu, domba inta iḷukadan-Mu, in mopoyaput in sukur kon ini-Mu modapot in mononoi, bo modayow kon ini-Mu modapot in adí bo ompu.

IḶUAIAN 3:16

Bayá bo sipundon komintan in itoi mita Israel. Potaaudon kon i monia kon Akuoi, ki Tuhan, Allah in mogoguyang monia, Allah i Abraham, i Ishak bo i Yakub, aindon nokipogontong kon inimu. Potaau kon i monia kon Akuoi ain namangoi kon i monia bo ain nokoontong kon naonda in pinogogaid in bangusa Mesir kon i monia.

IḶUAIAN 3:17

Bo sinantú-Kudon kon mosia in diaan-Kudon ḷumuai nongkon Mesir, tampat inta pinononggataan kon i monia, bo mogatod kon i monia mayá in butá tobatú inta nooyúon bo mopia totok, butá in bangusa Kanaan, bangusa Het, Amori, Peris, Hewi bo Yebus.

YESAYA 51:11

Dá intau mita inta pinoḷuat i Tuhan in mobuidon mosia in tumuot kon Yerusalem takin rogiow pogot monia in motarimbuka popisí in ḷunganga inta mononoi. Mosia in mobarasanang bo morogiow, kinopatoian bo amui noinggamádon.

EPESUS 3:21

Ki Allah in musti umuran dayowon, modapot kon adí bo ompu kon bonu in jamaat, pongin i Yesus Kristus. Dinayo-dayowdon in ki Allah modapot in kopaḷutannea! Amin.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.