MAZMUR 102:17 - Alkitab Singog In Mongondow Masa In Tanaa

¹⁷ aka ki Tuhan moposindog bui in Sion, bo simindog kon bonu in koḷoḷantud-Nea.

MAZMUR 102:17 Iomraidhean Croise

NEHEMIA 1:11

Indongogaipa in sambayangku bo sambayang in bayongan mogogundoi-Mu mita ibanea, inta moibog mohoromat kon ini-Mu. Tuḷungaipa sinbá kon singgai in naa mogogundoi-Mu in mokouḻídon kon totabi nongkon i datu.” Kon dodai intua akuoi in mopoposadia in oinumon i datu.

NEHEMIA 1:6

Indoiaipa in akuoi o Tuhan, bo indongogaipa in sambayang inta pinoyaputku kon ini-Mu singgai doḷom sin kopontingan in umat Israel, mogogundoi-Mu tua. Akuonku kon kami, umat in Israel, ain binaradosa; akuoi bo mogoguyangku mita ain binaradosa doman.

NEHEMIA 2:20

Akuoi in notubag, “Ki Allah inta nongawasa kon soroga in motuḷung kon inami moginḷapat kon oaidan tanaa. Kami naa in mogogundoi-Nea mita bo kami in momangkoidon moposindog. Táe moiko in diábí in hak andeka kapunyaan onuka in kon Yerusalem. Nodapot in aka intau mokoouman kon Yerusalem, tangoimu in diábí kotango-tangoian.”

MAZMUR 147:2

Ki Tuhan in mopoguḻitbí in Yerusalem; intau mita inta iḷumbú in diaan-Neabí mobui.

MAZMUR 22:24

Dayowdon in sia, ei intau mita inta mopirisaya! Pomuliadon in Sia, bayongan bui i Yakub! Tonsiupdon kon i-Nia, bayongan in buí in Israel!

MAZMUR 69:23

Biódon mako in pongaanan monia moyotakin mokoangoi kon bodito, bo mobaḻí poyogaḷap kon mokokiangoi mita monia.

MAZMUR 72:12

Sin sia in mopoḷuat kon intau dinorot inta diádon mokopongonu, bo intau bogá inta mokuani kon inia.

MAZMUR 9:18

Popatoibí in imbuit in intau mita moraat, bangusa mita inta diá nopandungmai kon i Allah.

YESAYA 40:5

Dá kamuliaan i Tuhan in poniatadon; bayongan in umat in mokoontongdon. Totuu, ki Tuhan tontaní in nopodandi kon tua!”

YESAYA 44:26

Akuoibí in noginrigon kon tosingogon in mogogundoi-Ku, bo nopobayá in tomayá inta pinoniata in totabá-Ku, Akuoi in noguman kon Yerusalem in pogutunanbí bui, bo kotá mita in Yohuda in posindogon-Kubí bui; rumbunnea mita in buibí tompiaan.

YEREMIA 31:38

Ki Tuhan in noguman, “Moiangoibí in wakutunea bayongan in Yerusalem posindogon bui saḷaku kotá-Ku, nongkon Ḷangkeang in Hananeel modapot in Bonawang Sikunea.

ULANGAN 32:36

Ki Tuhan in moposaḷamat kon umat-Nea bo motabidon kon mogogundoi-Nea mita, aka ontongon-Nea in mosia diádon kodaya bo kinodaitandon in ropot.

ULANGAN 4:29

Bo moiko in motayakdon kon i Tuhan Allahmu, bo aka moiko motayak kon i-Nia takin ginamu totu-totuu, yo mouḻímubí in Sia.