MAZMUR 100:3 - Alkitab Singog In Mongondow Masa In Tanaa

³ Toropdon kon ki Tuhan tua in ki Allah. Sia in nomaḻí kon inaton bo Sia in kitogi kon inaton; kita in umat-Nea, bangusa inta iḷukadan-Nea.

MAZMUR 100:3 Iomraidhean Croise

DATU MITA 2 19:19

O Tuhan, Allah nami, poḷuatdon in kami nongkon intau mita in Asyur tatua, sinbá bayongan in intau kon dunia in monotaaudon kon tongábí Iko tontaní in Allah.”

TAWARIKH 1 16:14

Ki Tuhan in Allah naton, kaputusan-Nea in popoaid kon sinangkub in dunia.

AYUB 10:3

Onubí in untungnea aka Iko mopororiga nanaa, bo moḷumbú kon inta pinomia-Mu tontaní? Onubí in untungnea aka tarimaan-Mu in raian bo tomayá in inta mongoraat mita?

MAZMUR 119:73

Ikobí in nomaḻí bo nomia kon inakó, ogoiaidon in akuoi in pomomangaḻe sin mobalajar kon parenta-Mu mita.

MAZMUR 12:4

Popogogaidon in tosingogon mita inta modondouḷug tua, Tuhan, tukumaidon in intau mita inta moambungangaḷ,

MAZMUR 149:2

Koḷungangadon in gina popisí in Momomaḻímu; koḷungangadon, ei intau inta nogutun kon Sion popisí in Datumu!

MAZMUR 46:10

Sia in nopogogai in parang kon sinangkub in dunia, piot bo pandong irimumud-Nea, kaḻeaw noḻimbung in sinubá-Nea.

MAZMUR 78:52

Bo Sia in nodia kon umat-Nea naonda bo paanan in domba, bo nodia kon i monia nongin padang gurun.

MAZMUR 79:13

Dá kami umat-Mu, domba inta iḷukadan-Mu, in mopoyaput in sukur kon ini-Mu modapot in mononoi, bo modayow kon ini-Mu modapot in adí bo ompu.

MAZMUR 95:3

Sin ki Tuhan in ki Allah inta moḷantud, Datu inta motorindog inta nonigad kon bayongan in dewa.

IḶUAIAN 6:7

Moiko in diaan-Ku mayá in butá inta pinodandi-Ku takin nongibot kon i Abraham, kon i Ishak bo kon i Yakub; butá tatua in ogoi-Ku kon inimu mobaḻí kapunyaanmu tontaní. Akuoi naa in ki Tuhan.”

MOHOHUTUBA 12:1

Toropbí in ki Inta nomaḻí kon inimu kon tungkuḷ in iko nobagupa, kon dodai in diápa moiangoi in taong mita inta mopuḻing in roriga. Kon tungkuḷ intua iko in moguman, “Kobiaganku in diá mokosanang.”

YESAYA 63:11

Bo mosia in nokotorop kon inta dungkuḷmai, Sempo i Musa mogogundoi i Tuhan. Mosia in noḻibó “Kon onda in ki Tuhan inta nodia kon itoi mita in umat-Nea nongin dagat? Kon onda in ki Tuhan inta nobogoi in kawasa-Nea kon i monia?

YESAYA 63:19

Pinomia-Mudon in kami naonda bo Iko in diá kon dodai in onda in nongawasa kon inami; naonda bo kami in diábí kon dodai in onda in nobaḻí umat-Mu.

YESAYA 64:7

Diá in nosambayang kon ini-Mu, andeka nopoigum in totuḷung-Mu, sin Iko in nogadop kon inami, bo nopomayá mako kon inami in iyopú in dosa nami.

YEREMIA 10:10

Táe Iko, Tuhan, Allah inta mobanar, Ki Allah in mobobogoi in kobiagan, datu mononoi. Aka Iko tumorú, modandú in dunia, aka Iko rumogi yo bangusa mita in diábí mokotongod. (

YEHEZKIEL 34:11

Ki Tuhan Inta Totok in moḷantud in noguman, “Tayakon-Kudon tontaní in domba-Ku mita bo tompiaan in mosia,

YOHANES 17:3

Nanaa in kobiagan mononoi tua; ibogon tua bayongan intau in monotaau kon i Amá inta tongábí Sia tua in ki Allah inta mobanar, bo monotaau doman kon i Yesus Kristus inta pinotabá i Amá.

KORINTUS 2 4:6

Sin ki Allah in nogumandon nanaa, “Nongkon sindip momukádon in bayag.” Bo ki Allah doman tatua inta nopomuká in bayag-Nea kon bonu in gina naton, sinbá mobayag domandon in raian naton bo monotaau kon kototarang in bayag i Allah inta nonindar kon pogot i Kristus.

EPESUS 2:10

Ki Allahbí in nomia kon i naton, bo pinongin i Kristus pinomia-Nea in kita, sinbá kita in mogaid kon soaḷ mita inta mopia inta ain sinadia-Nea kon i naton.

ULANGAN 32:15

Umat i Tuhan nobaḻí nobiag nooyúon, táe moibog momarontak, mosia in nongoḷongó, nobotug in kaanon. Bo mosia in nonaḷámai kon i Allah, inta nomaḻí kon i monia bo nondoí kon Mopoposaḷamatnea inta moroton.

ULANGAN 32:6

Natua degá in pototuḻí monimu kon kopopia i Tuhan, ei intau mita dondunguḷ bo diá koraian? Diá kinotaauanmu kon Sia in ki Amámu, inta nomaḻí kon inimu inta nomia kon i monimu bangusa tobatú?

ULANGAN 4:35

Tua komintan pinoontong i Tuhan kon inimu sin moponiata kon tongábí ki Tuhan tua in Allah, bo diábí in ibanea mako.

ULANGAN 4:39

Tuamai kosadardon in singgai naa bo dika koḻiongan: ki Tuhan in tongábí Sia tua in ki Allah kon ḷangit bo kon dunia; diábí in ibanea mako.

ULANGAN 7:9

Pokotorop kon ki Tuhan Allahmu in tongábí Sia-Sia mita in ki Allah, bo Sia in Allah inta mosatia. Ki Tuhan nogintompod kon dandi-Nea bo noponiata in tabi-Nea inta diá modai-dait modapot in toribu nopobuían kon intau mita inta motabi kon i-Nia bo motoindudui kon parenta-nea mita.

PETRUS 1 2:25

Koḻipod moiko in naonda bo domba inta noiḷaḻe, táe tanaa moiko in diniadon bui sinbá dumuduidon kon Gombala bo kon i Inta Moḷoḷukad kon jiwamu.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

PETRUS 1 4:19

Manangka intua intau inta iroriga podudui in ibog i Allah, kobiagbí mokopotoḷutui in sia, bo posarakaidon in kobiagannea kon i-Nia inta nomia kon i monia, sin Sia in umuranbí mogaid kon onu inta ain pinodandi-Nea.

YOHANES 1 5:20

Kinotaauan bidon naton kon ki Adí i Allah ain namangoi bo ain nobogoi in pongortian kon i naton, sinbá kotaauan naton in ki Allah inta mobanar. Kita in nobiag notobatú takin i Allah inta mobanar bo umuran nobiag notobatú takin i Adí-Nea ki Yesus Kristus. Naadon in ki Allah inta mobanar, bo naadon in kobiagan inta mopia bo mononoi.