MAZMUR 100:1 - Alkitab Singog In Mongondow Masa In Tanaa

¹ Mazmur kon pobogoian kon kuruban sukur. Porogiowdon kon i Tuhan, ei bayongan in butá!

MAZMUR 100:1 Iomraidhean Croise

MAZMUR 145:1

Dodayow nongkon i Daud. Akuoi in moibog mopoḷantud kon ini-Mu, o Allahku bo Datuku, bo modayow kon ini-Mu modapot in mononoi.

MAZMUR 32:11

Ei intau mita motoḷutui, pokosanangdon bo pokoḷungangadon sin onu inta ain pinomia i Tuhan Porogiowdon takin pia in gina, ei bayongan in intau inta motuḻid in gina!

MAZMUR 47:1

Mazmur in inanakan i Korah. Kon i itoi in mododondong.

MAZMUR 47:5

Piniḻí-Neadon kon inaton in butá budel naton, inta kinoyunggaga in bangusa inta kinotabi-Nea.

MAZMUR 66:1

Kon i itoi in mododondong. Dondong tobatú. Porogiowdon kon i Allah, ei bayongan in butá!

MAZMUR 66:4

Sinangkub in butá dinumokó mosumba kon ini-Mu, mosia in nodondong nodayow kon tangoi-Mu.”

MAZMUR 67:4

Igumon mako bangusa mita in modayow kon ini-Mu, o Allah, igumon mako bayongan in bangusa mopoyaput in sukur kon ini-Mu.

MAZMUR 68:32

Intau mita moḷoben in Mesir namangoi nodia kon bitú; intau in Sudan ḻimikat in modia kon iba kon i Allah.

MAZMUR 98:4

Poronggiowdon kon i Tuhan, ei sinangkub in butá! Dayowdon in ki Tuhan pongin dondong bo giow pia in gina.

ZEPANYA 3:14

Ei Israel, porogiow bo podondongdon! Ei Yerusalem, koḷungangadon koḻimbatúon in gina!

ZAKHARIA 14:9

Dá ki Tuhan in momarenta saḷaku datu kon sinangkub in butá; pomuḷoi in intau in mosumbabí kon i-Nia saḷaku ki Allah bo monotaau kon i-Nia takin tangoi inta notongkai intua.

LUKAS 19:37

Naonda in ki Yesus nodiugdon kon Yerusalem, kon daḷan inta mosiḻig kon Buḷud in Zaitun, komintan dumodudui-Nea inta mobarong tua, kopiadon momaḷú modayow kon i Allah bo mopoyaput in singog sukur kon i-Nia, sin mosia aindon nokoontong kon inta mokoherang inaidan-Nea.

SURAT I PAULUS KON JAMAAT RUM 15:10

Oyúon doman in pinais nanaa, “Kosanangdon in gina monimu takin umat mita i Allah inta kinopiḻían, ei … bangusa mita!”

ULANGAN 32:43

Ei bangusa mita, dayowdon in umat i Tuhan, sin ki Tuhan in mohukumbí kon bayongan inta noḻimod kon i monia. Sia in motuḻíbí kon musung-Nea táe mongampung kon dosa in umat-Nea.”