MAZMUR 10:5 - Alkitab Singog In Mongondow Masa In Tanaa

⁵ Intau moraat mokodapot kon bayongan inta iḷongasinea; sia in diábí nonotaau andeka nomangaḻe kon hukum i Tuhan bo mopoompámai kon bayongan in musungnea.

MAZMUR 10:5 Iomraidhean Croise

KINOBAḺIAN 6:12

Ki Allah in noindoi kon dunia naa bo tongádon nokoontong kon onu inta moraat, sin bayongan intau moraatdon in kobobiag monia.

SAMUEL 2 5:6

Kon singgai tobatú ki Datu Daud bo intaunea mita in nobuat sin mayá monubu kon Yerusalem. Intau in Yebus inta nogutun kon kotá tatua, in norai kon ki Daud in diábí mokotaḷow kon Yerusalem. Tuamai in mosia noguman kon inia, “Iko in diábí mokotuot mangoi kon naa; tongákabí intau mita inta bilog bo intau mita inta nongosedó yo mokountunbí kon inimu.”

DATU MITA IMITÁNEA 20:13

Kon dodai intua, nabi tobatú minayá kon i Datu Ahab bo noguman, “Ki Tuhan in noguman: ‘Inontongmu degá in tontara inta mobayong tatua? Popountung-Kubí in iko kon i monia in singgai naa. Kotaauanmu bidon kon Akuoi in ki Tuhan.’ ”

AYUB 24:23

Inogoian i Allah in sia in kobiagan motompia, táe umuran iḷukadannea mako.

MAZMUR 12:5

inta moguman, “Kami in mongawasa takin dilá nami! Onukabí motaaubí singogon nami, bo diábí in mokoḷamboi!”

MAZMUR 73:3

sin mointoi in akuoi kon intau inta mododia, kon dodai in akuoi mokoontong kon kauntungan in intau moraat.

AMSAL 1:19

Totuu, intau inta motayak kon pakéon pongin aid inta moraat, yo nyawaneabí tontaní in toḻiunea.

AMSAL 15:24

Intau mobijaksana dumudui kon daḷan monakod inta mopobayá in kobiagan; deemanbí daḷan mosiḻig inta mopobayá in popatoi.

AMSAL 2:13

Mosia in doíbí dumudui kon kobobiag inta mopia; mosia in mongindaḷanbí inta mosindip bo nopuḻing in dosa.

AMSAL 2:15

Mosia in motombogá bo kobobiag monia in diá moitutui.

AMSAL 24:1

Dikabí mointoi kon intau moraat, bo dika moibog moyobayat monia.

YESAYA 10:1

Moboditodon in moiko inta nogaid kon hukum mita inta diá moadil sin pondorot kon bangusa-Ku.

YESAYA 26:11

Tuhan, Iko in nogoḷatdon mohukum kon musung-Mu mita, táe diábí kinotaauan monia. Pomayádon mako mosia in mooyá in mokoontong kon tabi-Mu kon umat-Mu. Pomayádon mako modait in mosia moyopú pongin hukuman inta ain pinopooḷat-Mu mako kon i monia.

YESAYA 28:15

Moiko in noguman kon moiko ain nomia kon dodandian takin popatoi bo ain nomia kon yopakat takin dunia in intau minatoi. Notantúdon kon i monimu kon bodito inta moiduduimai in diábí moiantug kon inimu, sin moiko in momaké in akaḷ monimu pogoḻingoi kon awakmu.

YESAYA 42:25

Dá binaḻí-Nea in kita notarima kon torú-Nea inta motoyang, bo nororiga popisí in parang inta motoyang. Torú-Nea nomokak kon Israel naonda bo tuḷú, táe diá kinotaauan naton, bo diá nobalajar nongkon onu inta ain kinorasaan naton.

YESAYA 5:12

Kon bobutunganmu mita oyúon in singog in kecapi, gambus, rebana bo bansí bo monginum kon anggur. Táe diábí pinandungmai monimu onu in pinomia i Tuhan bo onu inta inaidan-Nea.

HOSEA 14:9

Intau in Israel in moḷumbúbí kon patong mita berhalanea; mosia in ḷukadan-Kubí bo tubagan-Ku in sambayangnea. Naonda bo pangkoi in kayu inta umuran mobarong in daunnea, Oḻiungan-Kubí in mosia. Akuoibí in pangkoi in bayongan barakat monia. Akuoi, ki Tuhan, ain nosingog.”

HOSEA 9:9

Totuu moraat in aidmu naonda bo inta inaidan in intau kon Gibea. Ki Allah in monoropbí kon taḷámu, bo mohukum kon i monimu popisí in dosamu.

SURAT I PAULUS KON JAMAAT RUM 3:16

Korimumudan bo kasusahan ponabud magí-mako monia.

HAKIM MITA 9:27

Mosia in minayá nosipú kon bungai mita in anggur kon gobá mita in anggur, bo nomia kon oinumon nongkon anggur, bo poḷat nomia kon rame. Mosia nongaan bo nonginum kon tampat pososumbaan kon dewa monia poḷat nogodi-godimai kon i Abimelek.

HAKIM MITA 9:38

Ki Zebul nogumandon kon i Gaal, “Yo, onda in singogmu inta moḷambanua tua? Koḻipod in iko noguman onubí in mangaḻenea kita musti tumonsiup kon i Abimelek tua? Naadon in intau mita inta siningkuḻemu tua. Yo bayádon tanaa tayowai in mosia!”