MAZMUR 10:3 - Alkitab Singog In Mongondow Masa In Tanaa

³ Intau moraat mongambungangaḷ kon onu in koibognea inta moraat, intau motamaa mongutuk bo mondoí kon i Tuhan.

MAZMUR 10:3 Iomraidhean Croise

DATU MITA IMITÁNEA 20:25

Onda intua ki Tuang datu in mopotabádon in tontara inta mobarong ná kobarong in tontara i Tuang datu inta sinaḷow tatua, takin doman kabaḷo bo kereta in parang ná doman koḻipod in kobayongnea. Tubuon naton in bangusa Israel tatua kon ḷopá, bo tanaa in notantú bidon kon mountungbí in kita.” Ki Datu Benhadad in noibog, bo dinumudui kon tonggina in porwira mita tatua.

AYUB 31:24

Diábí kon dodai in onda akuoi in nopongata in kapunyaanku,

MAZMUR 35:21

Mosia in nomaḷú kon inakó bo noguman kon mosia in nokoontongdon kon dodiaku.

MAZMUR 49:18

Sin kon tungkuḷ in matoi sia in diábí mokopodia kon onu bo onu, kapunyaan in diábí moponag kon poḷoḷobongan takinnea.

MAZMUR 49:6

Akuoi in diábí moondok kon tungkuḷ in singgai diá mopia, tungkuḷ in akuoi kinopung in musung inta moraat.

MAZMUR 5:6

Doíbí in Iko in moindoi kon intau inta mokaḷakuang, kinodoí-Mubí in intau inta momia kon inta moraat.

MAZMUR 52:1

Kon i itoi in mododondong. Dondong topotundú i Daud,

MAZMUR 94:4

Mosia in mopoyaput in tosingogon mita inta diá mopia, bo mopoḷoḷatú in aid monia moraat.

IḶUAIAN 15:9

Musung noguman, ‘Mosia in aḷowanku bo domokon, rabutonku in pitow, bo rataanku in mosia. Bo bayongan kaoyúonan monia agowonku, sila-silaionku bo pakéonku modapot in moorop.’

AMSAL 28:4

Ki ine in diá dumudui kon hukum, yo dinumotá kon intau moraat; ki ine in dumudui kon hukum moḷawang kon intau moromú;

MOHOHUTUBA 7:15

Kobiaganku in diábí in mangaḻenea, táe kon bonu in akuoi nobiag inontongku in naa: Moiḷanuimai in intau mopia moyopú, umpakabí in sia motoindudui. Moiḷanuimai doman in intau moraat moumur in kobiagannea, umpakabí in sia umuran mogaid kon dosa.

YESAYA 37:23

Kinotaauanmu degá mongo ki ine in sinibáan bo siningkuḻemu tua? Akuoi, ki Allah in Israel, Allah inta motusi.

YESAYA 57:17

Dosa in turá monia nokopopisí kon i-Nakó sinumorú, tuamai in ihukum-Ku in mosia bo sinaḷáan-Ku. Táe mosia in pamandot bo umuran momiḻí kon daḷannea tontaní.

YEREMIA 22:17

Táe iko, Yoyakim, in toposibí. Iko in tongábí motayak kon kauntungan tontaní. Iko in moḻimod kon intau inta diá kotaḷá, bo mondorot kon rayatmu takin aid moḻingá.

IMAMAT 26:30

Rimumudon-Kudon in tampat mita pososumbaanmu kon tudu in buḷud mita, mogumpag kon mezbahmu mita tampat pototubáan kon dupa, bo mopogambat in mayat mita monimu kon tudu in toḻindua mita in Tuhanmu inta ain noumpag tatua. Takin yaat in gina

HABAKUK 2:9

Kinutukdon in iko! Iko in mopooyúon in motoḷuadímu pongin kauntungan inta nouḻímu pinodoyon kon aid moḻingá, sinbá baḷoimu tontaní in moodom bo moiḷagui nongkon susa bo bodito.

LUKAS 12:15

Noiduduimai kon tua ki Yesus in noguman kon intau moantó kon tua, “Mokopopia in moiko bo umuran kiḷuka-ḷukadmai sinbá diá modunia, sin umpakabí moantó totok in kapunyaan, táe kobiagan mononoi tua in diábí sinantú in kapunyaan tatua.”

LUKAS 12:19

Onda intua pogumanku kon awakku tontaní; Nomujur totok in iko! Bayongan inta mopira komintan oyúon kon inimu bo kon taongannea intua mita diápabí modai-dait. Tuamai in pogogaidon in tanaa! Pongaan bo ponginumdon pakédon in kobiaganmu nion!’

SURAT I PAULUS KON JAMAAT RUM 1:29

Gina monia in nopuḻingdon yagi-yagi inta moraat, inta diá nobanar, moturá, aid mokotor, yoyaatan gina; ibog moḻimod, ibog moropatoi, ibog monguboḷ bo motagú kon gina bo moibo-ibog doman mongonguman kon soaḷ intau ibanea,

SURAT I PAULUS KON JAMAAT RUM 1:32

Kinotaauanbí monia, kon podudui in hukum i Allah, intau inta mogaid kon bayongan tua in patusbí hukumon modapot matoi. Táe umpakabí natua yo aidanbí doman monia intua komintan; bo nodapotbí in aka intau ibanea in momia kon soaḷ mita ná inta inaidan monia tua yo mosatujubí doman i mosia.

KORINTUS 1 6:10

mononakow, motamaa, inta moibo-ibog monginum kon inta mokoḷoḷangu, inta moibog moporomúmai kon tangoi intau, bo inta tongá moharap mako kon totayak in intau ibanea – mosia tua in diábí motaau mobaḻí umat i Allah.

EPESUS 5:5

Torop in singogku tanaa: intau inta mokotor in oaidnea, andeka inta mogaid kon inta diá patus aidan, andeka ibog inta moiḻiu (aid natua notongkaibí in aid mosumba kon berhala ibanea), dá intau mita natua in diábí baḻíon umat inta pinarentaan i Kristus bo i Allah.

ULANGAN 29:19

Kon sigad monimu inta nokodongog kon tuntutan inta bo motogat tatua yo donaaidon oyúon in morai kon nasibnea tua in umuran tantú mopia, umpakabí in sia tumontogat dumudui kon daḷannea tontaní. Soaḷ tatua in mokoyopú kon i monimu komintan, intau mita inta moraat ande inta mopia.

ULANGAN 32:19

Nokoontong kon tua, ki Tuhan sinumorú, bo nondoídon kon i adí-Nea mita.

KOLOSE 3:5

Tuamai Inggamáaidon in ibog mita in dunia inta umuran monuyayow kon i monimu, ná oaid inta mokotor, oaid mita inta diá patus aidan, ibog in awak, ibog mita inta moraat, bo ibog mita inta moiḻiu (sin ibog inta moiḻiu tua in notongkaibí in mosumba kon berhala).

YAKOBUS 4:13

Utat mita inta nosingog: “Singgai naa ande ikoḷom kami in mayá in kotá i Kuon bo mogutun kon tua totaong in koonggotnea sin modagang bo motayak kon doit,” – indongogai in tongginaku tanaa.

YAKOBUS 4:16

Táe tanaa mako moiko in mokaḷakuang bo moambungangaḷ. Bayongan in ambungangaḷ natua in noitaḷábí.

YOHANES 1 2:15

Dikabí motabi kon dunia naa, ande onu in kon bonunea naa. Aka moiko motabi kon dunia naa yo diábí in moiko motabi kon i Amá.

HAKIM MITA 17:2

Kon singgai tobatú sia in noguman kon i inánea, “Iná, kon tungkuḷ in ki iná kinobuḻian in toribu bo mogatut in doit saḷaka, dinongogku ki iná in nogodi-godimai kon intau inta nonakow. Naa, Iná, in doit tatua! Akuoibí in nonakow.” Ki inánea notubag, “Igumon mako iko in barakatan i Tuhan, adíku!”

SAMUEL 1 23:21

Ki Saul in notubag, “Poigumon mako iko barakatan i Tuhan sin ain nomia kon mopia kon inakó!