MAZMUR 10:14 - Alkitab Singog In Mongondow Masa In Tanaa

¹⁴ Táe inontong-Mubí; Sinaridian-Mu in susa bo roriga, bo umuran mosadia motuḷung. Intau inta moyangkó moposarakan in kobiagan kon ini-Mu, Iko in umuranbí motuḷung kon intau nobogá.

MAZMUR 10:14 Iomraidhean Croise

KINOBAḺIAN 21:17

Ki Allah in nokodongog kon ombaḷ i Ismael, bo malaekat i Allah in noguman kon i Hagar nongkon ḷangit, kainia, “Onu in mokorobonoḷ kon dodobmu, Hagar? Dikadon moondok. Dinongogdon i Allah in ombaḷ i adímu.

KINOBAḺIAN 31:12

Malaekat tatua noguman bui, ‘Indoiai, komintan bembé koḷakian inta koyogot mobuḷoi tatua batangannea noloreng, notudi-tudik bo nobaḷang. Sinuod-Kubí inaidan intua kon inimu sin ain inontongku in bayongan inta inaidan i Laban kon inimu.

SAMUEL 2 16:12

Degá bo umuranbí indoian mako i Tuhan in roriga tanaa bo momarakat kon inakó nobaḻí toḻiu in odi-odi tatua.”

TAWARIKH 2 6:23

o Tuhan, indongogaipa kaasí nongkon soroga bo momaḷut kon pelekara mita in bobantung-Mu mita tanaa. Hukumdon in inta kotaḷá bo poḷuatdon in inta diá kotaḷá.

MAZMUR 146:9

Sia in moḷukad kon intau ango-angoi; Sia in motuḷung kon boba-bobay bo uno-unon, táe moḷamboi kon tomayá in intau moraat.

MAZMUR 22:11

Nongkon pinononggadípamai, ukurku in kon bonubí in kawasa-Mu, pinangkoipabímai kon bonu in bobuḷadían, Ikobí in ki Allahku.

MAZMUR 31:8

Mopiabí in ginaku bo moḷunganga sin Iko in umuran motabi kon inakó. Iko in noindoi kon rorigaku bo nonondudutmai kon susahku.

MAZMUR 35:22

Táe Iko, Tuhan, ain nokoontong kon tua; dikabí kaasí tongá kibio-biómai, o Tuhan, dikabí mokopoyayú kon inakó.

MAZMUR 55:22

Tosingogonnea mita mopia in kodongogan modondouḷug, táe kon bonu in ginanea oyúon in yaat in gina. Potosingognea in moḷukó, táe monurak naonda bo tosilad inta moḷanit.

MAZMUR 68:5

Podondongdon kon i Allah, dayowdon in tangoi-Nea, sadiadon in daḷan moḷoben kon i-Nia inta sinumakoi kon goḷom. Tangoi-Nea in ki Tuhan – poḷungangadon in gina kon tayowon-Nea!

MAZMUR 68:6

Ki Allah inta nogutun kon Baḷoi-Nea inta motusi in ki amá in adí uno-unon bo mododuḷu kon inta dongkadon boba-bobay.

IḶUAIAN 2:25

Inontong-Nea kon intau Israel tua sinonggata, dá sinimpod-Neadon kon tuḷungan-Neadon in mosia.

IḶUAIAN 22:22

Donaai mopomia ibog-ibog kon i monia inta dongkadon boba-bobay bo adí mita inta uno-unon.

IḶUAIAN 22:26

Aka moiko mogamá kon jubah intau ibanea mobaḻí jaminan in boḻinea, yo jubah tatua in mustibí pobuion monimu kon dodai mata in singgai diápa tumoyop,

AMSAL 15:25

Ki Tuhan in mogumpagbí kon baḷoi in intau inta motosiḷantud, táe butá in intau boba-bobay ḷukadan-Nea.

AMSAL 15:3

Ki Tuhan in nokoontongbí kon bayongan inta nobaḻí kon bayongan in tampat; Sia in noindoibí kon bayongan inta mopia bo inta moraat.

YESAYA 10:3

Onu in pomiaan monimu kon singgai ki Allah mohukum kon i monimu? Onu in aidanmu kon dodai in Sia mopoangoi in anib nongkon ḻipú inta moyayú? Ki ine in pokituḷungan monimu? Kon onda in pobunian monimu kon kaoyúonanmu tatua?

YEREMIA 16:17

Akuoi in nokoontong kon bayongan inta inaidan monia. Diábí in noibuni kon i-Nakó; dosa doman mita monia ain inontong-Ku.

YEREMIA 23:24

Diábí tobatúmai in mokopogadop kon i-Nakó, sin Akuoi in oyúonbí kon bayongan tampat: kon soroga bo kon dunia.

YEREMIA 49:11

Ei Edom! Taḷaaidon kon i-Nakó in ki adímu mita uno-unon, biagon-Kubí in mosia. Biódon mako bá intau boba-bobaymu mita in umandoḷdon kon i-Nakó.

YEREMIA 51:56

Mosia in mamangoi sin momoguyaat kon Babel, modomok kon tontaranea mita bo momutoḷ kon pakakat mita in parang monia. Akuoibí in Tuhan inta mohukum kon aid moraat, bo Babel in tuḻían-Kubí podudui in aidnea.

OMBAḶ 3:59

Iko in nokoontong kon aid moraat inta ain pinopoaid kon inakó tomayá moraat in musung inta mondoí kon inakó. Tuamai, o Tuhan, duḷuaidon in pelekaraku.

HOSEA 14:3

Pobuidon kon i Tuhan bo poyaputdon in sambayang tanaa saḷaku sosumbamu kon i-Nia, “Tuhan, ampungaidon in bayongan dosa nami, bo tarimadon kaasí in sambayang nami naa, dá kami in modayowbí kon ini-Mu ná inta ain pinodandi nami.

HOSEA 14:4

Asyur in diábí mokoposaḷamat kon inami, bo kabaḷo in parang diábí mokotuḷung kon inami. Kami in diá bidon moguman kon patong mita inta pinomia nami tontaní kon mosia in ki Allah nami. O Tuhan, Iko in notabi kon intau mita inta diá in ibanea mako inta motaau pongata monia.”

YOËL 3:4

Onuon monimu in Akuoi naa, ei Tirus, Sidon bo bayongan in butá in Pilistin? Moibog degá in iko motuḻí kon yaat in ginamu kon i-Nakó? Yo, tarimadon in tontuḻí-Ku inta ḷagidon moiangoi.

HABAKUK 1:13

Táe naondabí sin Iko in mokotahangbí in moindoi mako kon intau mita moraat bo moḻingá tatua? Kinotaauanku kon Iko in noiḻiubí kon motusi in moindoi kon aid moraat! Kinotaauanku kon mototukabí in Iko in mokoontong kon aid diá moadil! Dá, nongonu sin Iko in tongábí kibio-biómai kon tungkuḷ in intau motoḷutui irimumud in intau moraat?

ULANGAN 10:18

Sia in mopotutui kon hak in adí uno-unon bo inta dongka bobay-bobay sinbá moadil in popoaid kon i monia; Sia motabi kon intau ango-angoi inta nobiag kon yua-yuak in bangusa naton bo mobogoi kon i monia in kaanon bo pakeang.

TIMOTIUS 2 1:12

Tuamai akuoi in nokorasa kon bayongan roriga tatua, táe akuoi in umuranbí moyakin sin kinotaauankubí totok ki ine in pinirisayaku tua. Moyakinbí in akuoi kon onu inta ain inogoi-Nea pinoki aid kon inakó tantúbí koḷukadan-Nea modapot in Singgai Pangabisan.

IBRANI 4:13

Diábí tobatúmai in mahaḷuk in diá ontongon i Allah. Bayongan yagi-yagi komintanbí ontongon-Nea mako motarang kon tayowon-Nea. Bo mustibí tanggung jawab bo naton kon tayowon-Nea.

PETRUS 1 4:19

Manangka intua intau inta iroriga podudui in ibog i Allah, kobiagbí mokopotoḷutui in sia, bo posarakaidon in kobiagannea kon i-Nia inta nomia kon i monia, sin Sia in umuranbí mogaid kon onu inta ain pinodandi-Nea.

PETRUS 1 5:7

Posarakaidon kon i Allah in bayongan inta mokoḻia-ḻiaw kon ginamu, sin Siabí in umuran moindoi kon inimu.

HAKIM MITA 1:7

Guman i Adoni-Bezek, “Koḻipod in pitu nopuḷú in datu inta pinongkóanku kon ki iná in ḻima bo sioḷ monia, bo binió-biókudon mako in mosia nokaan kon ki agat in kaanon inta noḷabú nongkon mejaku. Tanaa in ki Allah nopoaidon kon inakó ná onu inta pinopoaidku kon i monia.” Noiduduimai kon tua ki Adonia-Bezek dinia pinobayá in Yerusalem, bo kon tuadon in kinopatoiannea.