MAZMUR 1:6 - Alkitab Singog In Mongondow Masa In Tanaa

⁶ Sin intau inta motoindudui in kapiton bo ḷukadan i Tuhan, táe intau moraat in mongindaḷan inta mokobodito.

MAZMUR 1:6 Iomraidhean Croise

AYUB 23:10

Táe kinotaauan-Neabí in bayongan in daḷanku bo bayongan in ḷampangku. Aka ná buḷawan akuoi in sinoba, yo moniatabí kon ginaku in nodaritbí.

MAZMUR 112:10

Intau moraat nokoontong kon tua bo sinumorú; mosia in noporokokot in bagang popisí in nondoí. Bo noyopú in mosia; kamang monia in noinggamá nodapot in mononoi.

MAZMUR 142:3

Kon tayowon-Nea akuoi nogamui; pinotaauku in bayongan susaku kon i-Nia.

MAZMUR 142:4

Kon dodai in akuoi gogió bo kobuḻian in kamang, kinotaauan-Mu mongo onu in musti aidanku. Kon daḷan inta musti bayáanku, musung inumado-adop notaan kon potait kon inakó.

MAZMUR 146:9

Sia in moḷukad kon intau ango-angoi; Sia in motuḷung kon boba-bobay bo uno-unon, táe moḷamboi kon tomayá in intau moraat.

MAZMUR 9:6

Iko in nohukumdon kon bangusa mita bo noyopú kon intau mita moraat; mosia in iḻiongdon modapot in mononoi.

AMSAL 14:12

Oyúon in daḷan inta koontongan in motuḻid, táe imbuitnea daḷan tatua in modiabí kon popatoi.

AMSAL 15:9

Ki Tuhan in doíbí kon kobobiag in intau moraat, táe Sia in motabibí kon intau inta moḷongasi mogaid kon onu inta kinoibog-Nea.

NAHUM 1:7

Ki Tuhan tua in mopia, Sia in moḷukad kon umat-Nea kon tungkuḷ in mosia mosusa, Sia in moḷukad kon intau inta mamangoi kon i-Nia.

MATIUS 7:13

“Tuotdon pongin daḷan inta mointok, sin daḷan inta mopobayá in naraka moḷoben bo mobanat, bo mobarong in intau mongin tua.

YOHANES 10:14

Akuoibí naa in gombala inta mopia. Notongkai ná kinototaau i Amá kon i-Nakó bo kinototaau-Ku kon i Amá, dá natua doman in kinototaau-Ku kon domba-Ku mita bo mosia in nonotaau doman kon i-Nakó. Akuoi in moposarakan in nyawa-Ku sin kopontingan monia.

YOHANES 10:27

Domba-Ku mita in mokidongogbí kon singog-Ku mita. Kinotaauan-Kubí in mosia, bo mosia in dumuduibí kon i-Nakó.

TIMOTIUS 2 2:19

Táe dodoyonan moroton inta ain pinomia i Allah tua in diá bidon in mokodandú. Kon ḻimoniknea in pinaisdon nanaa, “Kinotaauanbí i Tuhan in umat-Nea inta kinotabi-Nea,” bo “Intau inta mongaku umat i Tuhan in mustidon mogogai in mogaid kon inta noitaḷá.”

PETRUS 2 2:12

Táe aid in intau mita tatua in moiḻiudon totok! Mosia tua in naonda bo mahaḷuk inta pinononggadí sin domokon bo ḻimodon. Mosia tua in diábí morai, tongábí mogaid podudui in onu inta kinoibog monia aidan, sahingga in onu inta diá kinomangaḻean monia totokdon in singkuḻeon monia. Dá oaid bidon monia tontaní in mokobodito kon i monia tua naonda bo mahaḷuk mita inta mongoromú.

SAMUEL 1 2:9

Intau inta mosatia in umuran moaman kon bonu in kawasa i Tuhan. Táe intau inta moraat in morimumud matoi kon bonu in sindip bo kintui totok. Ropot tontaní diá motaau in pongata, ropot in intau diá mokoogoi kon kauntungan.