MATIUS 7:3 - Alkitab Singog In Mongondow Masa In Tanaa

³ Nongonu sin puḻing i utatmu in ontongon monimu, táe kayu kon bonu in matamu in diábí kinotaauanmu?

MATIUS 7:3 Iomraidhean Croise

MATIUS 7:4

Naondabí iko motaau moguman kon i utatmu, ‘Igai bá inggamáanku in puḻingmu,’ bokaka kon matamu oyúon in kayu?

MATIUS 7:5

Ei intau momunapik! Poḷuaipa muna in kayu kon bonu in matamu, sinbá motarang in matamu, bo motaaudon mopoḷuai in puḻing kon mata i utatmu.

LUKAS 18:11

Intau in Parisi tatua in sinimindog sinumontaní bo nosambayang, kon bonu in ginanea nanaa, ‘O, Allah, akuoi in mopoyaput in sukur kon ini-Mu, sin akuoi in diá ná intau ibanea modunia, diá moadil, moibog monuaḻing, bo diá kototabi kon tumpaḷa intau. Bo akuoi in diá doman ná intau mononagi kon pajak tatua.

SURAT I PAULUS KON JAMAAT RUM 2:1

Manangka intua, utat mita ki inebí in iko nion sin mohakim kon intau ibanea? Iko tontaní in kotaḷábí doman! Aka iko bo mopotaḷá kon intau ibanea, bokaka tumpaḷa nogaid kon ná inta inaidan monia tua, dá in mangaḻenea kon tua, ikodon tontaní in nopoḷabú in hukuman kon inimu tontaní.

GALATIA 6:1

Utat mita! Aka oyúon intau in kino kadapatan monimu nogaid kon noitaḷá, dá moiko inta nobiag noidudui kon ibog in Roho i Allah, musti modia bui kon intau tatua mongindaḷan inta moitutui. Táe koḷukóon in mosingog, bo moiko in musti mokopoingat sinbá diá kopongaruan doman.