MATIUS 5:1 - Alkitab Singog In Mongondow Masa In Tanaa

¹ Naonda in ki Yesus nokoontong kon intau moantó tua, Sia notakod kon buḷud, bo naonda iḻimitú in Sia, murí-Nea mita in namangoidon kon i-Nia.

MATIUS 5:1 Iomraidhean Croise

MATIUS 13:2

Kon tua intau noroangoi bo noḻipung kon i-Nia, dá minayá in Sia sinumakoi kon uangga bo iḻimitú kon tua, intau moantó sinimindog komintan kon pintad.

MATIUS 15:29

Ki Yesus nonaḷámai kon tampat tatua, bo minayá nongin bingkí in pintad in Danow Galilea. Bodongka notakod kon buḷud bo iḻimitú kon tua.

MATIUS 4:25

Dá intau mobarong totok in dinumudui kon i-Nia. Oyúon nongkon Galilea, Dekapolis, Yerusalem, Yudea, bo oyúon doman nongkon ḻipú inta kon ḷoḷan Ongkag in Yordan.

MATIUS 5:2

Kon tua ki Yesus nomangkoi notundú kon i monia:

MARKUS 3:13

Onda intua ki Yesus notakod kon buḷud tobatú, bo nogoiní kon intau mita inta kinoibog-Nea. Intau mita tatua in namangoi,

MARKUS 3:20

Onda intua ki Yesus nobuidon kon baḷoi. Táe intau nobayong buipabí namangoi noyosipun, sahingga in ki Yesus bo murí-Nea mita diádon nokopongaan.

MARKUS 4:1

Kon singgai tobatú ki Yesus bui nobogoi in topotundú kon bingkí in Danow Galilea. Nobayong totok intau in namangoi noḻipung kon i-Nia. Manangka intua Sia minayá iḻimitú kon bonu in uangga inta noiḷantak mako kon tubig, bo intau mita sinimindog kon bingkí in Danow.

LUKAS 6:12

Wakutu intua ki Yesus notakod kon buḷud sin mayá mosambayang. Sia in nosambayang kon tua tonggobiita.

LUKAS 6:17

Onda intua ki Yesus nosiḻig nongkon buḷud tatua takin rasul-Nea mita, bodongka sinumogon kon tampat inta notondodai. Kon tua nobarong doman in dumodudui-Nea mita ibanea bo intau mita inta namangoi nongkon ḻipú mita inta kon butá in Yudea, Yerusalem, bo kon kotá mita in Tirus bo Sidon inta kon bingkí in dagat.

LUKAS 6:20

Ki Yesus inimindoi kon dumodudui-Nea mita bo nosingog nanaa, “Pia in kamang in moiko, intau mita inta nobogá, sin moiko nion in umat i Allah!

LUKAS 9:28

Degá waḷudon nosinggai nongkon pinotundúan kon bayongan tatua, ki Yesus in nodia kon i Petrus, kon i Yohanes, bo kon i Yakobus notakod kon buḷud sin mosambayang.

YOHANES 6:15

Kinotaauan i Yesus kon mosia in mamangoi sin momakisa kon i-Nia mobaḻí Datu monia. Tuamai in Sia minayádon kon daerah inta notombuḷud.