MATIUS 4:4 - Alkitab Singog In Mongondow Masa In Tanaa

⁴ Táe ki Yesus in notubag nanaa, “Oyúon pinais, ‘Intau deemanbí tongá mobiag in roti, táe mobiagbí doman in pirman inta siningog i Allah.’ ”

MATIUS 4:4 Iomraidhean Croise

IḶUAIAN 16:15

Naonda intau Israel nokoontong kon tua, diá kinotaauan monia mongo onu intua. Dá nosiḻibóandon in mosia, “Onu intua?” Bo ki Musa in noguman kon i monia, “Tuata in kaanon inta inogoi i Tuhan kon i monimu.

IḶUAIAN 16:35

Manna tatua nobaḻí kaanon intau Israel kon bonu in opat nopuḷú notaong noiduduimai, nodapot in mosia noyaput kon Kanaan, tampat tobatú inta pinogutunan monia notantú. (

IḶUAIAN 16:8

Ki Tuhan mobogoi kon i monimu in ponoyá kon dodai in ḷoḷabungnea, bo roti kon dodai in doḷo-doḷom modapot in moiko mobotug, sin ain dinongog i Tuhan kon moiko in sinumorú kon i-Nia. Totuubí kon aka moiko tumorú kon inami, yo moiko in naondabí bo sinumorú kon i Tuhan.”

IḶUAIAN 23:15

Kon bonu in buḷan Abib, podudui in wakutu inta ain sinantú, moiko musti mogaid kon porayaan inta sinangoian Pesta Roti Diá Ragi ná inta ain pinoguman-Ku kon inimu, sin kon buḷan in tatuata moiko nonaḷámai kon Mesir. Donaai mokaan kon roti inta iragian kon bonu in porayaan pitu nosinggai tatua. Kon batúannea in moiko in mamangoi mosumba kon i-Nakó, moiko musti modia kon sosumba.

MATIUS 15:11

Deemanbí inta kinaan in haram; táe inta siningogbí, tuatabí inta mokonajis kon intau.”

MATIUS 4:10

Dá ki Yesus in notubag, “Bayádon iko, Ibilis! Sin aindon pinais nanaa: Iko in musti mosumba kon i Tuhan, ki Allahmu, bo tongábí Sia in motaau poibadaanmu!”

MATIUS 4:7

Dá ki Yesus in noguman kon inia: “Oyúon doman in pinais kon Buk Motusi: Donaaidon moiko monungkuḷ kon i Tuhan, ki Allahmu!”

MARKUS 7:20

Ki Yesus in noguman bui, “Inta iḷumuaibí kon intau in mokokotor kon inia.

LUKAS 4:12

Ki Yesus in notubag, “Ain pinais domandon kon Buk Motusi in nanaa, ‘Donaai in iko mosoba kon i Tuhan, ki Allahmu.’ ”

LUKAS 4:4

Táe ki Yesus in notubag, “Kon Buk Motusi oyúon in pinais nanaa, ‘Intau deemanbí tongá mobiag in roti.’ ”

LUKAS 4:8

Táe ki Yesus in notubag, “Aindon pinais kon Buk Motusi, ‘Sumba in ki Tuhan, ki Allahmu, sin tongábí Sia in motaau undoionmu.’ ”

YOHANES 15:26

Potabá-Kubí mangoi kon i monimu in Mototuḷung tobatú inta nongkon i Amá. Tuata in Roho inta moponiata kon kobobanar soaḷ ki Allah. Aka Sia in mamangoidon, yo Sia in mobogoibí in kosakusian soaḷ Akuoi.

YOHANES 6:63

Rohobí i Allah in nobogoi in kobiagan kon intau. Ropot in intau naa diá baragunanea. Singog mita inta pinosingog-Ku kon i monimu naa in singogbí mita in Roho i Allah bo singogbí inta mobogoi in kobiagan.

SURAT I PAULUS KON JAMAAT RUM 15:4

Bayongan inta pinais kon Buk Motusi, tua in makusudnea motundúbí kon inaton. Sin totundú inta sinarima naton nongkon Buk Motusi nokodugang kon kototahang bo kororopot in gina naton, dá kita in umuran moharap kon i Allah.

EPESUS 6:17

Gamádon in kasaḷamatan saḷaku sapoyo uwaja, bo singog i Allah saḷaku pitow nongkon Roho i Allah.

ULANGAN 8:3

Pinomayá-Nea mako in moiko ginogoi, bo moiko inogoian-Nea in manna sin kaanon. Moiko bo mogoguyang monimu diápabí dodai onda nokaan kon kaanon natua. Inaidan i Tuhan in natua sin motundú kon i monimu kon intau tua in diábí mobiag tongá nongkon kaanon, táe nongkon bayonganbí doman in onu inta siningog i Tuhan.