MATIUS 4:3 - Alkitab Singog In Mongondow Masa In Tanaa

³ Dá namangoidon Ibilis bo noguman kon i-Nia, kainia: “Aka Iko totu-totuu ki Adí i Allah, yo aidaidon roti in batu mita tanaa”.

MATIUS 4:3 Iomraidhean Croise

IḶUAIAN 16:3

Guman monia, “Maníka bo kami minatoidon iḻimod i Tuhan kon Mesir. Kon tua in kami moikaa-kaanbí doman kon ponoyá bo roti dapot in mobotug. Táe moiko ain nodia kon inami namangoi in naa sinbá kami komintan matoi in gogoy.”

MATIUS 14:33

Intau mita inta kon bonu in uangga nosumba kon i-Nia. Kai monia, “Totu-totuu kon Iko naa in ki Adíbí i Allah.”

MATIUS 16:16

Dá ki Simon Petrus in notubag, “Iko in ki Mesias, ki Adí i Allah Inta Nobiag.”

MATIUS 26:63

Táe ki Yesus tongábí kibio-biómai. Bo imang moḷoben tatua in noguman kon i-Nia: “Popodoyon kon i Allah inta nobiag, yo pogumankadon kon inami, mongo Iko degá in ki Mesias ki Adí i Allah, andeka, deeman?”

MATIUS 3:17

Bo kinodongogandon in singog nongkon soroga noguman: “Naadon ki Adí-Ku inta kinotabi-Ku, Sia naa inta kinoibog-Ku.”

MARKUS 1:1

Naa in Habar Mopia soaḷ ki Yesus Kristus, ki Adí i Allah.

MARKUS 3:11

Bo intau mita inta kinotoḷangan in dimukud moraat, pomuḷoi in mokoontong kon i-Nia baḷú tumungkud kon tayowon-Nea bo momaḷú in moguman, “Ikobí nion in ki Adí i Allah!”

MARKUS 5:7

Bo nomaḷú noropot, “Yesus, Adí i Allah inta Totok in Moḷantud! Onuon-Mu in akuoi ná? Podoyon kon tangoi i Allah, akuoi mopoigum kon ini-Mu, donaai rorigaan in akuoi!” (

LUKAS 1:35

Dá tubag in malaekat tatua kon inia nanaa, “Roho i Allah takin kawasa-Nea inta totok in moḷantud mamangoi bo mongawasa kon inimu. Tuamain Adí inta polahirmu tua in tangoion Mokudus, ki Adí i Allah.

LUKAS 22:70

Dá mosia komintan in noḻibó nanaa, “Aka natua, yo Iko naa in ki Adí i Allah?” Ki Yesus in notubag, “Moiko bidon tontaní in noguman kon Akuoi naa ki Adí i Allah.”

LUKAS 4:3

Bo namangoidon in Ibilis noguman kon i Yesus, “Iko in totu-totuu ki Adí i Allah? Yo, pogumanaika in batu mita tanion sinbá mobaḻí roti.”

LUKAS 4:41

Dimukudpa mita moraat in iḷumuai nongkon moantó intau, sindaḷan kumarak bo moguman, “Iko nion in ki Adí i Allah!” Táe totok in sinorúan i Yesus in mosia bo diá inogoi mosingog sin kotaauandon monia kon Sia tua in Datu Mopoposaḷamat.

LUKAS 4:9

Dá Ibilis in nodia kon i Yesus minayá in binubungan Baḷoi Tuhan kon Yerusalem bo noguman kon i-Nia, “Aka Iko in ki Adí i Allah? Yo ḷandukka monag nongkon naa.

YOHANES 1:34

Bo inontongkudon tontaní intua,” guman i Yohanes, “Bo potaaukudon kon i monimu kon Siabí tua in ki Adí i Allah.”

YOHANES 1:49

“Pak Guru, guman i Natanael, ki Amá in ki Adí i Allah!”

YOHANES 20:31

Táe onu inta pinais kon buk tanaa, makusudnea kon bá mopirisaya in moiko kon ki Yesusbí tua in Datu Mopoposaḷamat, bo ki Adí i Allah, bo popisí in pirisayamu tatua dá mokouḻí i moiko kon kobiagan.

YOHANES 9:35

Kinodongogandon i Yesus kon intau tatua in diádon inogoi monia sinumuot kon baḷoi pososambayangan. Dá sinayak-Nea in intau tatua bo noguman kon inia, “Degá iko mopirisaya kon i Adí Intau?”

OUMAN IN RASUL MITA 9:20

Ki Saulus in nogutunpa kon Damsyik tongonumai nosinggai noyotakin in dumodudui mita i Yesus kon tua.

KORINTUS 2 1:19

Sin ki Yesus Kristus, ki Adí i Allah inta ain pinohabarku bo pinohabar i Silas, bo i Timotius, kon i monimu, deemanbí intau inta topí-topí moguman “Oo” bo topí-topí doman moguman “Diá”. Sia tua in aka modandi yo totu-totuubí mobaḻí.

GALATIA 2:20

Tongá akuoi in nobiag, táe deeman bidon akuoi, sin ki Kristus bidon in naa kon awakku. Bo kobobiagku tanaa mako in kobobiag bidon inta pinodoyon kon pirisayaku kon i Adí i Allah inta notabi kon inakó, bo inta ain noposarakan in awak-Nea tontaní sin kopontinganku.

TESALONIKA 1 3:5

Manangka intua pinotabákudon namangoi in ki Timotius sin moibogdon totok in akuoi mokidongog kon habar soaḷ kopopirisaya monimu kon i Kristus. Moḻia-ḻiaw in ginaku sin dikabo kinokawasaandon Ibilis in moiko, sahingga in onu inta siniḷopían nami diádon in baragunanea.

IBRANI 12:16

Ḷukadaibí doman sinbá diá in intau mobiag mokotor andeka doí moguntun kon soaḷ mita inta nongkon i Allah, ná inta inaidan i Esau. Sia in nobarani totok nopotaḷui in haknea saḷaku adí guya-guyang tongá popisí in kaanon topindan.

IBRANI 4:14

Manangka intua, musti umuran in kita kumadai kon onu inta ain ináku bo pinirisaya naton sin oyúondon in Imang naton momulia bo inta moḷoben. Sia ain sinumuot dapot kon tayowon i Allah, Sia tuata in ki Yesus ki Adí i Allah.

IBRANI 7:3

Diá in katarangan mongo oyúon in ki amá ande ki inánea, ande mogoguyangnea. Diá doman in katarangan soaḷ kinolahirannea andeka kinopatoiannea. Sia in nádon onda bo ki Adí i Allah. Sia in nobaḻí Imang inta mononoi.

YOHANES 1 3:8

Táe intau inta umuran mogaid kon dosa, mosia tua in ki adí mita in Ibilis, sin Ibilis tua in nongkon pinomangkoianpabímai umuran nogaid kon dosa. Tuabí in mangaḻe inangoian i Adí Allah, Sia in morimumud kon oaidan mita in Ibilis.

WAHYU 2:10

Dikabí moondok kon yoyiga inta diádon moonggot in musti korasaan monimu. Pokotorop, oyúon in tongonumai intau kon sigad monimu in potuoton Ibilis kon bonu in ponjara sin mosoba kon i monimu. Moiko in mokorasa kon yoyiga kon bonu in mopuḷú nosinggai. Táe kotoinduduibí tantú in moiko kon i-Nakó modapot in matoi, dá moiko ogoian-Ku in kobiagan mononoi saḷaku tombuinag sin nountungdon.