MATIUS 3:7 - Alkitab Singog In Mongondow Masa In Tanaa

⁷ Tongá wakutu in sia nokoontong kon nobayong doman intau in Parisi bo Saduki in namangoi bo mokibaptis kon inia, siningognea nanaa in mosia: “Ei intau mita inta moraat. Ki ine in noguman kon moiko nion in kotaḻiban in hukuman i Allah inta kon singgai moiduduimai?

MATIUS 3:7 Iomraidhean Croise

KINOBAḺIAN 3:15

Iko bo bobay tatua in mobaḻí mososaturuan, buínea bo buímu umuran mososaturuan. Buínea in moritak kon uḷumu, bo tobakonmu in singkod monia.”

AMSAL 28:4

Ki ine in diá dumudui kon hukum, yo dinumotá kon intau moraat; ki ine in dumudui kon hukum moḷawang kon intau moromú;

YESAYA 59:5

Tomayámu mita inta moraat modia kon popatoi naonda bo natu in uḷag mobisa. Aka natu tatua ḷosion, yo ḷumuaidon in uḷagnea. Tomayá tatua in totokbí in diá in mangaḻenea kon inimu, naonda bo pakeang inta ginaboḷ nongkon pugad in tontoḷawá

YEREMIA 51:6

Posaḷamatdon in awakmu! Poḷaguidon nongkon Babel, dika modapot in moiko moitakin koḻimodan popisí in dosanea! Sin naadon in wakutunea Akuoi motuḻí kon aid moraat in Babel, bo mohukum kon inia podudui in oaidnea.

YEREMIA 6:10

Akuoi in notubag, “Tuhan, ki ine in posingoganku, bo ki ine in ogoianku in tompoingat? Mosia in pamandot bo doí monaridi. Kosingan monia bo kodoí monia in koyow-Mu inta pinotaauku kon i monia.

MATIUS 12:24

Táe naonda intau in Parisi nokodongog kon tua, mosia in noguman, “Sia naa nomaké in kawasa i Beelzebul, inta tongguḷu in dimukud mita moraat.”

MATIUS 12:34

Ei moiko buí inta moromú, naondabí in moiko motaau mosingog kon soaḷ mita inta mopia aka moiko tontaní in mogaid doman kon inta diá mopia? Sin onu siningog in bibig tuabí doman inta iḷumuai nongkon bonu in gina!

MATIUS 15:12

Bo murí-Nea mita in nomangkoidon noḻibó kon i-Nia, kai monia, “Kinotaauan degá i Pak Guru kon singog i Pak Guru tanion totokbí in mokonanaḻi kon gina intau mita in Parisi?”

MATIUS 16:1

Kon tua namangoidon intau mita in Parisi bo Saduki sin monungkuḷ kon i Yesus takin mopoigum sinbá Sia mopoontong in tanda kon i monia nongkon soroga.

MATIUS 16:6

Ki Yesus noguman kon i monia, nanaa: “Umuran pobasadia bo mokopoingat kon ragi in intau in Parisi bo Saduki.”

MATIUS 22:15

Intau mita in Parisi minayádon nongkon tua, bo noyosingog kon naonda sinbá kouḻían monia kon taḷá in ki Yesus podoyon kon onu inta ḻibóon monia.

MATIUS 22:23

Kon singgai tatua doman, tongonumai intau in Saduki namangoi kon i Yesus. Mosia naa inta noguman kon intau matoi in diá bidon mobiag bui. Mosia in noḻibó kon i Yesus nanaa.

MATIUS 22:34

Naonda intau mita in Parisi nokodongog, kon intau mita in Saduki inaidan i Yesus diá nokobuká kon bibig monia, mosia noyosipun.

MATIUS 23:33

Ei intau mongoromú moiko in buí in intau moraat! Moiko in diábí mokoḷagui kon pohukuman kon bonu in naraka?

MATIUS 5:20

Tuamai, Akuoi in mosingog kon inimu: Aka iko bo diá mogaid kon onu inta kinoibog i Allah moiḻiu kon mototundú mita kon agama in Yahudi bo intau mita in Parisi, yo moiko in diábí mobaḻí umat i Allah.”

MARKUS 12:13

Onda intua tongonumai intau in Parisi bo intau i Herodes pinotabá minayá kon i Yesus bo moḻibó sin potayakan monia kon taḷá-Nea.

MARKUS 12:18

Tongonumai intau nongkon golongan Saduki namangoi kon i Yesus. (Golongan Saduki naa inta noguman kon intau minatoi in diábí biagon bui.)

MARKUS 8:15

Ki Yesus in noguman kon i monia, “Mokopoingat in moiko kon ragi in intau mita in Parisi bo ragi i Herodes.”

LUKAS 16:14

Onu in siningog i Yesus tatua dinongog in intau mita in Parisi táe tongá kinosingan monia, sin mosia tua in dinoit.

LUKAS 18:11

Intau in Parisi tatua in sinimindog sinumontaní bo nosambayang, kon bonu in ginanea nanaa, ‘O, Allah, akuoi in mopoyaput in sukur kon ini-Mu, sin akuoi in diá ná intau ibanea modunia, diá moadil, moibog monuaḻing, bo diá kototabi kon tumpaḷa intau. Bo akuoi in diá doman ná intau mononagi kon pajak tatua.

LUKAS 7:30

Táe intau mita in Parisi bo mototundú kon agama in doíbí notarima kon tomayá i Allah kon i monia. Mosia tua in doíbí binaptis i Yohanes.

YOHANES 1:24

Intau mita inta pinotabá in intau in Parisi

YOHANES 8:44

Ibilisbí in ki amámu, bo moiko in moibog dumudui kon ibog i amámu tatua. Nongkon pinomangkoianpabímai Ibilis tua moḷoḻimod. Doíbí in sia kon onu inta moitutui, sin diábí in moitutui kon inia. Aka sia bo monguboḷ yo biasabí intua, sin natuabí in sipatnea. Sia mouboḷ bo pangkoi in bayongan uboḷ.

YOHANES 9:40

Tongonumai intau in Parisi inta kon tua in nokodongog kon i Yesus nosingog natua, bo mosia in noḻibó kon i-Nia, “Makusud-Mu in kami naa in bilog doman?”

OUMAN IN RASUL MITA 15:5

Táe tongonumai intau in Parisi inta ain nopirisaya kon i Yesus in namangoi bo noguman, “Intau mita inta deeman Yahudi in mustibí sunaton bo pokiaidan in onu inta pinarenta i Musa.”

OUMAN IN RASUL MITA 20:31

Tuamai umuran kiḷuka-ḷukadmai bo toropdon saḷaḷu kon akuoi in toḷu notaong, doḷom bo singgai in diábí dodai onda in nogogai nononggina kon i monimu komintan takin koomba-ombaḷ doman.

OUMAN IN RASUL MITA 26:5

Ain noonggot in mosia nonotaau kon inakó. Bo aka mosia in moibog, mosia in motaaubí mobogoi in katarangan kon nongkon dungkuḷpabímai akuoi in nobiag saḷaku intau in Parisi bo akuoi in totokbí in dinumudui kon atorang mita in agama nami.

OUMAN IN RASUL MITA 5:17

Pangabisannea imang mita moḷoben bo dumodudui mita monia inta intau mita nongkon golongan Saduki in momangkoidon moyaat in gina popisí mointoi.

SURAT I PAULUS KON JAMAAT RUM 1:18

Nongkon soroga ki Allah in nopoontong in torú-Nea kon bayongan dosa bo oaid inta moraat, sin aid inta moraat tua in moḷamboi kon intau monotaau kon totundú mobanar soaḷ ki Allah.

SURAT I PAULUS KON JAMAAT RUM 5:9

Masa in naa kita in noyodamedon bui takin i Allah inta pinongin kinopatoian i Kristus; manangka intua nopastibí kon posaḷamatonbí i Kristus in kita nongkon hukuman i Allah.

TESALONIKA 1 1:10

Inouman doman monia in kososatia monimu in mogoḷat mako kon koangoian bui i Adí i Allah inta ki Yesus Kristus nongkon soroga. Sia inta ain biniag bui i Allah nongkon sigad in intau mita minatoi. Sia tuata inta moposaḷamat kon i naton nongkon hukuman i Allah kon singgai moiduduimai.

IBRANI 11:7

Popisí in nopirisaya, dá pinogumanandon i Allah in ki Nuh kon soaḷ mita inta mobaḻí kon singgai moiduduimai, inta diábí koontongannea. Ki Nuh in nopirisaya kon i Allah, dá inindongogannea in onu inta pinoguman i Allah kon inia. Pinomianea in kapaḷ inta kon singgai noiduduimai nobogoi in kasaḷamatan kon inia bo motoḷuadínea. Dunia naa i hukum i Allah, táe popisí in ki Nuh nopirisaya, dá pinoniatadon i Allah kon intaubí mopia in sia.

IBRANI 6:18

Doyowa nopasaḷ tatua in diábí mobaḷu-baḷui: Totuuonbí i Allah in dandi bo ibot-Nea tatua. Sia in diábí monguboḷ. Manangka intua kita inta umuran umoḻiung kon i-Nia, umuran-Nea inogoian in ropot bá umuran kumadai kon onu inta i harap mako kon tayowon naton.

YOHANES 1 3:10

Naabí in nokoyoposi kon sigad in adí mita i Allah bo adí mita in Ibilis. Ki ine in diá mogaid kon onu inta kinoibog i Allah, andeka diá motabi kon i utatnea, sia tua in deemanbí ki adí i Allah.