MATIUS 3:12 - Alkitab Singog In Mongondow Masa In Tanaa

¹² Digu ain kokada-kadai-Nea mako. Tampat posipunan kon gandum toko daritan-Neadon, gandum sipunon-Nea bo uaban, inta mopia tagúonnea kon tampatnea, táe bayongan pangkoinea in tubáan-Nea kon tuḷu inta diá mopio-piong.”

MATIUS 3:12 Iomraidhean Croise

AYUB 21:18

Nokoimontandon degá in mosia naonda bo wawa bo ḷobud inta inirup in deḷang bo tompot?

MAZMUR 1:4

Noyoḻiu kon tua in intau moraat: sia in naonda bo baḻeká inta inirup pinorarit in tompot.

MAZMUR 35:5

Biódon mako in mosia duduran in malaekat i Tuhan, naonda bo kepa pinoḷayug in tompot.

YESAYA 1:31

Naonda bo wawa nopokak tongá popisí in rosik in ḻigatu, natua doman in intau mita nongawasa in yopúon in oaid mita moraat monia tontaní, bo diábí in motaau mongampai kon korimumudan tatua.

YESAYA 17:13

Mosia in mamangoi naonda bo ḷunud inta motoyang totok. Táe ki Allah in nogogondok kon i monia, bo mosia in noḷagui iyumayú. Mosia in inaḷowan naonda bo baḻeká kon obaga in buḷud pinoḷayug in tompot, andeka ḷobud inirup in deḷang.

YESAYA 27:4

Diá bidon in porasaan-Ku tumorú. Aka kuma bo oyúon in bonok andeka bo bonganga, yo putúan-Kubí intua, bo momokak kon tua komintan.

YESAYA 28:28

Kon dodai in moḻintog kon gandum, diábí tantú bobakannea modapot in morimumud. Diábí! Kinotaauanneabí in poḷoḻintog moitutui inta poḷat tumakoi kon roda kon tudunea tongá diábí morimumud kon batoḷ mita in gandum tatua.

YESAYA 30:24

Sapi koḷakian bo keledai inta pinaké nomajeko kon gobámu in mokaanbí kon kaanon in bobiagon inta totok in mopia inta ain sinadia tontaní.

YESAYA 41:16

Uabanmubí in mosia, bo mosia in poḷayugondon in tompot bo potabudon in deḷang. Moḷungangabí in ginamu popisí in Akuoi, ki Tuhan, bo yumunggagá popisí in Akuoi, Allah in Israel.

YESAYA 5:24

Moiko in nondoídon kon totundú i Tuhan Inta Totok in mokawasa, bo noningkuḻe kon parenta i Allah inta mokudus in Israel. Tuamai, ná onda bo wawa bo bonok noingkag nodait nopokak kon bonu in tuḷú, natua doman in uakatmu mita mobongkogdon, bungangmu mita moingkag bo modait irupon in tompot.

YESAYA 66:24

Kon tungkuḷ in mobuat, mosia in mokoontongbí, kon mayat in intau mita inta ain nomarontak kon i-Nakó. Uḷod inta nokaan kon awak monia in diábí matoi, bo tuḷú inta nomokak kon i monia in diábí mopiong; kinoontongan tobatú inta mokokoningkim kon bayongan in intau.”

YEREMIA 15:7

Kon batúan in kotá kon butá tanaa moiko in ḷumbúon-Ku naonda bo wawa. Umpakabí moiko in umat-Ku táe yopúon-Kubí in moiko takin ki adímu mita popisí in moiko doí momaḷui kon gogutúmu.

YEREMIA 17:27

Bayongan intua in mobaḻíbí aka moiko motoḷutui kon i-Nakó bo mopotondí in Singgai in Sabat kon i-Nakó. Dika mogakut kon pakakat onuka bo tumaḻib kon bonawang mita in Yerusalem kon singgai tatua. Aka moiko ḻimimpat kon parenta-Ku mita tatua, bonawang mita in Yerusalem bo komaḻignea mita in daiton-Ku turubon tuḷú tatua in diábí kopiongan.’ ”

YEREMIA 4:11

Wakutunea in moiangoibí intau in Yohuda bo intau in Yerusalem mokouḻí kon habar kon tompot mopatú nongkon padang gurun koyogotdon in mogirup mamagí kon i monia. Tompot tatua in deemanbí tompot biasamai inta tongá mopoḷayug in baḻeká,

YEREMIA 51:2

Potabá-Kubí in intau mita ango-angoi inta morimumud kon Babel naonda bo tompot mopoḷayug in kuḻit in gandum. Kon singgai in bodito tatua mosia in monubu kon butá tatua nongkon bayongan in tampat bo moyompat kodariton.

YEREMIA 7:20

Akuoi, ki Tuhan Inta Totok in moḷantud, in mopoumabí in torú-Ku inta motoyang kon baḷoi pooibadaan tanaa, kon intau bo kon mahaḷuk, bo kon pangkoi mita in kayu bo kon bungai mita in boyó. Torú-Ku in tumaga-tagab naonda bo tuḷú inta diá kopiongan.”

HOSEA 13:3

Tuamai in intau mita tatua in moinggamábí naonda bo topuot andeka oḷú doḷo-doḷom. Mosia in mobaḻídon naonda bo ḷobud in baḻeká inta inirup in tompot kon poḷoḻintogan kon gandum, bo naonda bo poyok inta iḻumuai nongkon bubú in poyok.

AMOS 9:9

Akuoi in momarentabí bo moguab kon bangusa in Israel naonda bo intau moguab kon gandum kon bonu in digu. Sin moḷumbú kon bayongan inta diá in mangaḻenea kon sigad monia, Poyotombaukon-Kubí in mosia kon yua-yuak in bangusa mita.

MALEAKHI 4:1

Guman i Tuhan Inta Totok in mokawasa, “Moiangoibí in wakutunea bayongan in intau inta moḷoḷatú bo inta moraat in tubáan naonda bo wawa. Kon singgai tatua mosia in tubáan modait, bo diá in tonggagatan in kon i monia.

MATIUS 13:30

Pomayá mako in kobiagannea modapot in wakutu porataban. Sin kon wakutu in porataban pogumankudon kon intau mita inta mororatab: Tokosipundon muna in padang mita tatua bo bogot kon pangkoinea mita, sin tubáan. Onda intua sipundon in gandum mita, tatua kon ontagku.’ ”

MATIUS 13:41

Adí Intau nopotabá kon malaekat-Nea mita mosipun kon bayongan inta mokopoḷaḻe, bo komintan intau inta nogaid kon moraat kon bonu in Dodatuan-Nea.

MATIUS 13:42

Bayongan tua in daiton pogonag kon bonu in tuḷu; kon tua kodongogan in amui bo roriga.

MATIUS 13:43

Kon wakutu intuata intau mita inta nogaid kon onu in kinoibog i Allah monindar ná mata in singgai kon bonu in Dunia Mobagu i Allah, ki Amá monia. Aka oyúon in bongoḷan yo indongogai!”

LUKAS 3:16

Tuamai in ki Yohanes noguman kon i monia komintan, nanaa, “Akuoi in Mopobaptis kon i monimu in tubig, táe moiangoibí in intau inta moḷobe-ḷoben nongkon inakó. Umpaka tongá mobuká kon togot in sapatunea yo diá kobaḻí in akuoi. Sia tua in mopobaptis kon i monimu in Roho i Allah bo tuḷu.

LUKAS 3:17

Digu kokada-kadai-Neadon sin poguaban kon gandum dapot in modarit. Gandum inta nodaritdon tontaníon-Nea bo tagúon kon tampatnea, táe bayongan pangkoinea in tubáan-Nea kon bonu in tuḷu inta diá mopio-piong!”

YOHANES 15:2

Pomuḷoi in tanga kon i-Nakó inta diá momomungai, pongkóon-Nea, bo pomuḷoi in tanga inta momungai, gaatannea in daunnea bo daritan-Nea sinbá modugangdon modatog in bungainea.