MATIUS 3:10 - Alkitab Singog In Mongondow Masa In Tanaa

¹⁰ Pokotorop! Boḻiung aindon inukat mako kon uakat in kayu. Bo pomuḷoi in pangkoi inta diá mopomungai in mopia yo notantú kon pupuḷonbí bo pogonag kon tuḷu.

MATIUS 3:10 Iomraidhean Croise

SAMUEL 2 23:7

diábí tobatúmai in intau in moibog moḻiai aka diá kokada-kadai in kayu andeka uatoi. Intau mita tatua in moyompat kaanon in tuḷú.

MAZMUR 1:3

Intau tatua in mokodapot kon bayongan totayaknea; sia in naonda bo pangkoi in kayu inta kon bingkí in tubig inta momungai kon sempo in pomomungainea bo inta diá moḷaḷo-ḷaḷow in daunnea.

MAZMUR 140:10

Dikabí pomayá mako in musungku mountung; biódon mako in tosingogon mita moraat inta siningog monia moiuma kon i monia inta noponapud in uboḷ kon inakó.

MAZMUR 92:12

Akuoi in nokoontong kon kinotaḷowan in musung mita, intau mita inta ain sinimindog nonayow kon inakó, tomayá mita monia inta moraat in dinongogkudon.

YESAYA 27:11

Aka tanganea mita moingkagdon bo moputoḷ, bobay mita in mamangoi mogamá sin pondungú. Bangusa tatua in diábí nonotaau in onu bo onu, dá ki Allah inta nomaḻí kon inia in diábí motabi andeka monotabi kon i monia.

YESAYA 61:3

sin mobogoi in pia in gina bo ḷunganga in gina kon intau inta morobonoḷ in gina bo nonogumatoi; sin momaḷui kon inta mokoajar kon gina monia mobaḻí dondong dodayow. Mosia in nádon pangkoi in kayu tobatú inta pinomuḷa tontaní i Tuhan. Mosia in mogaidbí kon onu inta mopia bo mobanar, dá ki Tuhan in poḷantudon.

YEREMIA 17:8

Sia in naonda bo pangkoi in kayu kon bingkí in ongkag moiḻig; uakatnea in noidapot in tubig sia in diábí moondok kon sempo in poninggai daunnea mita in tantúbí moḷunow. Umpakabí butá inonag in singgai yo sia in diábí moḻia-ḻiaw in gina sin sia in umuran momungai.

DANIEL 4:14

Noropot in singognea in noguman, ‘Pupuḷdon in pangkoi in kayu tatua bo pongkódon in tanganea mita, tontakdon in daunnea mita bo poraritdon in bungainea mita. Untundon in mahaḷuk mita inta nosiug mako kon siungonnea bo ḷagapan mita inta nonompugad kon tanganea mita.

MALEAKHI 4:1

Guman i Tuhan Inta Totok in mokawasa, “Moiangoibí in wakutunea bayongan in intau inta moḷoḷatú bo inta moraat in tubáan naonda bo wawa. Kon singgai tatua mosia in tubáan modait, bo diá in tonggagatan in kon i monia.

MATIUS 21:19

Kon diugmai in daḷan oyúon pangkoi in ara inontong-Nea, dá Sia minayá notayak kon bungainea, táe diá nokouḻí kon tobatúmai koḻikudbí in daunnea mita kon tua. Dá siningog-Nea in pangkoi ara tatua, “Iko in diá bidon mopomunga-mungai!” Bo kon dodaipa doman tatua, pangkoi in ara tatua noingkag.

MATIUS 7:19

Sin pomuḷoi in pangkoi inta mopomungai in diá mopira yo musti pupuḷon bo tubáan.

LUKAS 23:31

Sin aka kayupa inta nobiag tatua, pomiaandon in intau ná tanaa, yo bambíkabí kayu inta noingkagdon! Onudon in pomiaan monia?”

LUKAS 3:9

Boḻiung aindon sinadia mako pomupuḷ kon pangkoi dapot in uakatnea mita. Pomuḷoi in pinomuḷa inta diá mopomungai in bungai inta mopia in toko-pupuḷonbí bo tubáan kon tuḷu.”

YOHANES 15:2

Pomuḷoi in tanga kon i-Nakó inta diá momomungai, pongkóon-Nea, bo pomuḷoi in tanga inta momungai, gaatannea in daunnea bo daritan-Nea sinbá modugangdon modatog in bungainea.

YOHANES 15:6

Ki ine in diá umuran motobatú takin-Ku, ḷumbúon naonda bo tanga, bo moingkagdon. Tanga mita inta moingkagdon natua daiton sipunon bo pogarab kon bonu in tuḷu bo tubáan.

IBRANI 12:25

Manangka intua mokopoingat, sin dikabo moiko in doídon mokidongog kon i-Nia inta nosingog tatua. Mosia inta doí mokidongog kon i-Nia inta namangoi in dunia naa bo inta nopoyaput in koyow nongkon i Allah, diábí mokoḷagui. Apa doman kita naa inta nokodongog kon i-Nia inta nosingog nongkon soroga! Aka kita bo doí mokidongog kon i-Nia, yo diábí mokoḷagui in kita!

IBRANI 6:8

Táe aka tongá kobiagan in padang bo bayongan in díat, dá diá in baraguna in butá tatua sahingga kutukon i Allah bo pangabisannea pokakon modait.