MATIUS 3:1 - Alkitab Singog In Mongondow Masa In Tanaa

¹ Kon wakutu intua ki Yohanes Mobobaptis namangoidon kon padang gurun Yudea, bo nopoyaput in koyow nanaa,

MATIUS 3:1 Iomraidhean Croise

DATU MITA IMITÁNEA 2:34

Dá minayádon in ki Benaya kon Baḷoi Tuhan bo noḻimod kon i Yoab kon tua. Bo ki Yoab in iḷobong kon baḷoinea kon ḷuai in kotá.

MATIUS 11:11

Poguman-Ku kon inimu: “Kon sigad monia inta pinolahir in bobay diápabí kon dodai in onda in ná kokokawasa i Yohanes Mobobaptis tongá inta inanggap in intau moompá kon bonu in dunia mobagu i Allah, kawasa-Nea in noiḻiu kon i Yohanes.

MATIUS 11:7

Naonda in murí mita i Yohanes nobui, ininsilangandon i Yesus kon intau moantó tatua mongo ki ine in ki Yohanes, kai-Nia: “Onubí in mangaḻenea moiko mayá in padang gurun? Degá moindoi kon bonok inirup in tompot pouik-pountag?

MATIUS 16:14

Tubag monia, “Oyúon in noguman ki Yohanes Mobobaptis. Oyúon doman in noguman ki Elia, bo oyúon in noguman ki Yeremia andeka tobatú nongkon nabi mita.”

MATIUS 21:32

Sin ki Yohanes ain namangoi mopoyotutui in daḷan inta totuu kon i monimu, táe diá pinirisaya monimu in sia. Táe mononagi mita kon pajak bo bobay mita inta sundaḷ nopirisaya kon inia. Sin umpakabí moiko ain nokoontong kon inia, táe moiko in diá angoian in panasaḷan bo moiko in diábí doman mopirisaya kon inia.”

MATIUS 3:8

Poponiatapa muna kon oaid monimu kon moiko aindon totu-totuu nogogai in mogaid kon dosamu mita.

MARKUS 1:15

Ki Yesus in noguman, “Ki Allah in ḷagidon momangkoi momarenta. Pogogaidon moiko in mogaid kon dosa bo popirisayadon kon Habar Mopia inta nongkon i Allah!”

MARKUS 1:2

Habar Mopia tatua in pinangkoi ná inta pinais i Nabi Yesaya, nanaa, Ki Allah in noguman: “Naadon in totabá-Ku, ‘Pinotabá-Ku in sia umuna kon ini-Mu, sinbá sia in momontang kon daḷan bayáan-Mu.’

LUKAS 1:76

Bo iko, adí-Ku in tangoion nabi i Allah Inta Totok in moḷantud. Iko in pinotabá umuna kon i Tuhan sin moposadia in daḷan bayáan-Nea.

LUKAS 7:24

Naonda intau mita inta pinotabá i Yohanes nobuidon minayá, ki Yesus in noginsilang kon intau mobarong kon tua mongo ki ine in ki Yohanes, kai-Nia, “Onu in bayáan monimu indoian kon padang gurun? Moindoi degá kon aog inta inirup in tompot pouik pountag?

YOSUA 14:10

Tanaa in opatdon nopuḷú bo ḻima notaong pinangkoi kon ki Tuhan noguman kon tua kon i Musa. Tua in nobaḻí kon tungkuḷ in bangusa Israel kon padang gurunpa. Bo ná inta ain pinodandi i Tuhan, ki Tuhan in noḷukad domandon kon inakó nodapot in akuoi umuranpa nobiag nodapot in tanaa mako. Indoiai, akuoi in umurdon waḷu nopuḷú bo ḻima notaong in naa,

HAKIM MITA 1:16

Buí inunuton i Musa, inta intau mita in Keni, dinumudui kon intau in Yohuda iḻumuai nongkon Yerikho, kotá in kurma, bo minayá in padang gurun kon dotá in toḷatan in Arad kon Yohuda. Kon tua in mosia nogutun kon yua-yuak in bangusa Amalek.