MATIUS 26:7 - Alkitab Singog In Mongondow Masa In Tanaa

⁷ kon tua namangoidon kon i Yesus in tobatú bobay inta kodia-dia in botoḷ in ḷana nobondu inta nomahaḷ totok in boḻinea. Ḷana tatua pinopoinggúnea kon uḷu i Yesus, wakutu intua ki Yesus koyogot nongaan.

MATIUS 26:7 Iomraidhean Croise

DATU MITA 2 9:1

Kon dodai intua ki Nabi Elisa nogoiní kon intau tobatú kon sigad in nabi mita inta sinundúnea bo noguman, “Posadiadon mayá in Ramot kon Gilead, bo diádon in botoḷ inta binonuan in ḷana zaitun tanaa.

MAZMUR 133:2

Naonda bo ḷana mobondu inta koboḻi inta pinobutak kon uḷu i Harun, bo notait monag kon krak in ḷambungnea.

MOHOHUTUBA 10:1

Ḷangow inta minatoi mokobongkog kon ḷana mobondu tobotoḷ, kabodokan topiḻik mokoinggamá kon kapandoian inta moḷantud.

MOHOHUTUBA 9:8

Pokotarimbukabí bo pokopobayag in pogotmu.

DONDONG MOḶANTUD 1:3

Iko in mobondu totok, tangoimu naonda bo ḷana mobondu inta noibutak; tuamai mongodeaga mita moibog kon inimu!

YESAYA 57:9

Moiko in nopomaké in ḷana bo inta mongo bo mongobondu, bo mayá mosumba kon i Dewa Molokh. Moiko in mopotabá in totabá mita mayá in butá mita inta moyayú nodapot in dunia in intau minatoi.

MATIUS 26:8

Nokoontongmai kon tua murí-Nea mita sinumorú poḷat noguman, “Nongonu sin tongábí poguyaatonmu in ḷana tanion?

MARKUS 14:3

Naonda in ki Yesus kon Betaniadon kon baḷoi i Simon inta koḻipod kinotugatan in takin kuḻit mokorongó, indoianmai namangoidon in tobatú bobay kodia-dia in botoḷ in ḷana narwastu inta momahaḷ totok inta inaidan nongkon uakat mobondu. Wakutu in ki Yesus yogot mongaan, iḷosidon in bobay tatua botoḷ in ḷana nobondu tatua bo pinoginggúnea kon uḷu i Yesus in bonunea.

LUKAS 7:46

Diábí pinakéanmu in minya in uḷu-Ku, táe bobay tanaa aindon nopoḷana in ḷana nobondu kon sioḷ-Ku.