MATIUS 26:5 - Alkitab Singog In Mongondow Masa In Tanaa

⁵ “Táe,” kai monia, “donaaibí kon wakutu in porayaan, sinbá diá mokopomuká kon ropatoi kon sigad in intau mita kon tua.”

MATIUS 26:5 Iomraidhean Croise

MAZMUR 76:10

Kon tungkuḷ in Iko simindog sin monisigdon sin moposaḷamat kon intau inta dinorot kon dunia.

AMSAL 19:21

Intau mobayong in tomayá, táe tongábí onu in sinantú i Tuhan in mobaḻí.

AMSAL 21:30

Diábí in hikmat, bo pomomangaḻe andeka kobobijaksana inta mononoi kon tayowon in Tuhan.

YESAYA 46:10

Nongkon pinomangkoianmai pinotaau-Kudon in onu inta mobaḻí kon singgai moiduduimai, nongkon dungkuḷpabímai ain sinoḻindap-Ku onu in mobaḻí. Guman-Ku: Onu inta ain sinantú-Ku in mobaḻíbí, onu in koibog-Ku in notantúbí kon aidan-Ku!

OMBAḶ 3:37

Aka oyúon in kinodoí i Tuhan, yo notantúbí kon intau in diábí mokopongonu kon tua.

MATIUS 14:5

Sabanarnea ki Herodes in moibog moḻimod kon i Yohanes, táe sia in moondok kon intau moantó inta nonganggap kon ki Yohanes tua in tobatúbí nabi.

MATIUS 21:26

Tongá aka tubagan naton, ‘Nongkon intau,’ yo intau moantó tanion tumorú kon i naton sin inanggap monia in ki Yohanes tua in tobatúbí nabi.”

MATIUS 27:24

Naonda in kinotaauan i Pilatus kon diádon sia mokobayow kon i monia tua, nodapot in momangkoidon mokacau totok, dá sia in nogamá kon tubig bo nonomok kon tayowon in intau moantó bo noguman, “Diábí in taḷáku kon dugú in intau tanaa! Tua in urusanbí monimu tontaní!”

MARKUS 14:12

Kon singgai dungkuḷ porayaan kon Roti Diá Koragi – wakutu in intau moratadon kon domba Paska – murí-Nea mita in noḻibó kon i Yesus, “Kon onda in koibog i Pak Guru posadiaan nami kon pongaanan kon singgai in Paska?”

MARKUS 14:2

Táe mosia in noguman, “Dikabí in tomayá naton naa aidan pododai kon singgai poramean sin momuká in huru-hara.”

MARKUS 14:27

Noiduduimai kon tua, ki Yesus noguman kon i monia, “Moiko komintan naa in moḷaguibí monaḷámai kon i-Nakó. Sin kon bonu in Buk Motusi ain pinais, ‘Ḻimodon i Allah in gombalanea bo paanan domba moirangkap in moḷagui.’

LUKAS 20:6

Táe aka tubagan naton, ‘Nongkon intau, dá intau mita tanion mogarabbí in batu kon inaton,’ sin mosia in mopirisayabí kon ki Yohanes tua in tobatúbí nabi.”

LUKAS 22:7

Nodapotdon in singgai moḷoben Roti Diá in ragi, tuata in singgai inta porataan kon domba Paska.

YOHANES 18:28

Doḷo-doḷompa totok dinia monia in ki Yesus nongkon baḷoi i Kayapas pinobayá kon komaḻig i gubernur. Intau mita in Yahudi in diábí sinumuot kon komaḻig tatua, sinbá mosia in diá monajis podudui in agama monia, sin mosia in tumakindon mokaan kon kaanon in Paska.

OUMAN IN RASUL MITA 19:29

Dá notombauk in bayongan intau kon kotá tatua. Bo intau mita inta nopotombauk tatua in nodomok kon i Gayus bo kon i Aristarkhus, intau in Makedonia inta nogindua kon i Paulus kon bonu in binayáannea bo pinoḷuai monia kon tampat pododondongan tatua.

OUMAN IN RASUL MITA 21:38

“Aka natua deemanbí naanta intau in Mesir in iko inta nobagumai naa nogaid kon kakacauan bodongka nodia noḷagui kon intau opat noribu takin ḷoḷutam monia bo minayá in padang gurun?”

OUMAN IN RASUL MITA 4:28

Mosia in notobatú in nogaid kon yagi-yagi, inta munadon sinantú-Mu kon mobaḻí. Bo sinantú-Mu intua pinodudui in kawasa bo ibog-Mu tontaní.