MATIUS 26:14 - Alkitab Singog In Mongondow Masa In Tanaa

¹⁴ Noiduduimai kon tua, murí i Yesus tobatú inta kon sigad in murí-Nea mita mopuḷú bodoyowá, inta ki Yudas Iskariot, minayá kon imang mita itoi.

MATIUS 26:14 Iomraidhean Croise

MATIUS 10:4

ki Simon intau in Zelot bo ki Yudas Iskariot inta nomaḻidawan kon i Yesus.

OUMAN IN RASUL MITA 1:16

“Utatku mita! Onu inta pinais kon bonu in Buk Motusi in mustibí mobaḻí. Tungkuḷ intua Roho i Allah in nomaké kon i Daud bo noguman muna kon ki Yudas in mobaḻí itoi mita in intau inta modomok kon i Yesus tua.

YOHANES 13:30

Naonda in ki Yudas notarima mako kon roti tatua, sia in baḷú iḷumuai. Nodoḷomdon dodai intua.

YOHANES 13:2

Kon wakutu in ki Yesus bo murí-Nea mita yogot mongaan, Ibilis nopogonúdon in niat moraat kon bonu in gina i Yudas Iskariot ki adí i Simon sinbá sia in momaḻidawan kon i Yesus.

MATIUS 27:3

Kon wakutu in ki Yudas inta noposarakan kon i Yesus nokoontong kon ki Yesus in sinantúdon hukumon dapot matoi, nomanasaḷ in sia. Bo binayánea pinobui in doit saḷaka toḷu nopuḷú tatua kon i imang mita itoi bo guhanga mita in ḻipú.

MATIUS 26:47

Wakutu in ki Yesus yogotpa noyosingog, ki Yudas, tobatú murí-Nea in namangoidon noyotakin in intau mobayong inta kodia-dia in pitow. Bo bobobak, tua komintan in pinoki dia in imang mita itoi bo guhanga in ḻipú intau Yahudi.

YOHANES 18:2

Tampat tatua in kinotaauan doman i Yudas inta nomaḻidawan kon i Yesus; sin mokakitdon ki Yesus takin murí-Nea mita in moyosipun kon tampat tatua.

MATIUS 26:25

Ki Yudas inta moposarakan kon i-Nia tua in noguman doman, “Deemanbí akuoi naa Guru?” Ki Yesus in noguman kon inia, “Natua kain singogmu.”

YOHANES 12:4

Táe ki Yudas Iskariot, tobatú murí i Tuhan Yesus – inta kon singgai noiduduimai nomaḻidawan kon i Yesus – noguman,

YOHANES 13:26

Ki Yesus in notubag, “Intau inta ogoian-Ku in roti inta ain pinoḷodok-Ku kon bonu in palo, sia tuata in intaunea.” Dá ki Yesus in nogamá kon roti topongkó bo pinoḷodok-Nea kon palo, bodongka inogoi-Nea kon i Yudas ki adí i Simon Iskariot.

OUMAN IN RASUL MITA 1:18

Ki Yudas naa in aindon nokouḻí kon butá pinoḷobongan kon inia, butá boḻi in oaidnea inta moraat. Sia in noḷabú noitongkob bo siannea in nobotak, dá bayongan bonu in siannea noiḷuai komintan.