MATIUS 2:8 - Alkitab Singog In Mongondow Masa In Tanaa

⁸ Onda intua pinotabánea in intau mita in Mayusi tatua minayá in Betlehem, takin koyow: “Bayá bo tayakdon kotaḻit adí tatua, bo naonda i mouḻí monimu in Sia, ḷagi angoi poguman kon inakó sinbá akuoi mamangoi doman mosumba kon i-Nia.”

MATIUS 2:8 Iomraidhean Croise

SAMUEL 2 17:14

Nokodongogmai kon tua in ki Absalom bo bayongan intau in Israel yo noguman in mosia, “Tonggina i Husai in mopia-pia in tonggina i Ahitopel.” Totuu, ki Tuhan ain nonantú kon mogindiá kon tonggina i Ahitopel inta mopia tatua, sinbá ki Absalom in kotugatandon in bodito.

DATU MITA IMITÁNEA 19:2

Dá ki Izebel in nokidia in habar tanaa kon i Elia, “Igumon mako dewa mita in mohukum, poḷat bo moḻimod kon inakó, aka ikoḷom kon oras ná tanaa akuoi in diá mopoaid kon inimu ná inta pinopoaidmu kon nabi mita in Baal tatua.”

AMSAL 21:30

Diábí in hikmat, bo pomomangaḻe andeka kobobijaksana inta mononoi kon tayowon in Tuhan.

OMBAḶ 3:37

Aka oyúon in kinodoí i Tuhan, yo notantúbí kon intau in diábí mokopongonu kon tua.

MATIUS 2:1

Naonda in ki Yesus pinononggadídon kon Betlehem, kon tungkuḷ intua butá in Yudea pinareta i Datu Herodes, bo dodai intua namangoidon kon Yerusalem in intau mita in Mayusi nongkon Pomukaan.

MATIUS 2:7

Bo inumado-adop mako ki Herodes nogoiní kon intau mita in Mayusi tatua bo noḻibó kon i monia kinotaḻit mongo kon dodai in onda in tundi tatua inontong.

MATIUS 2:9

Nokodongog mako kon koyow i datu natua, nobuatdon in mosia, bo mosia nokoontong kon tundi inta aindon inontong monia kon Pomukaan inumuna kon i monia bo nogogai kon tombutungmai in tampat inta pinogukatan kon Adí tatua. Naonda in mosia nokoontong kon tundi tatua, nopia-pia totok in gina monia.