MATIUS 2:2 - Alkitab Singog In Mongondow Masa In Tanaa

² Bo mosia noḻibó magí-mako: “Kon onda degá in Sia, datu intau Yahudi inta bagu pinononggadí tua? Kami aindon nokoontong kon tundi-Nea kon dotá in Timur, bo kami naa mamangoi sin mosumba kon i-Nia.”

MATIUS 2:2 Iomraidhean Croise

MAZMUR 2:6

Kai-Nia, “Kon Sion buḷud-Ku inta motusi aindon dinuí-Ku datu inta piniḻí-Ku.”

MAZMUR 45:11

Ei adí bobay, indongogaipa in tosingogonku mita, ḻiongdon in bangusa bo inanakanmu.

YESAYA 60:3

Bangusa mita in moyo-moyodudui in mamangoi kon bayagmu, datu mita in moibog kon sindar inta nomuká kon inimu.

YEREMIA 23:5

Ki Tuhan in noguman, “Moiangoibí in wakutunea, Akuoi in moduí kon datu tobatú inta moadil nongkon buí i Daud. Datu tatua in momarenta takin bijaksana, bo mogaid kon onu inta moadil bo inta totuu kon sinangkub in butá.

YEREMIA 30:9

Moiko in mogundoi bidon kon i-Nakó, Tuhan Allahmu, bo kon intau tobatú buí i Daud inta duíon-Ku mobaḻí datu.

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

PINOGIAPAN 24:17

Inontongku in sia, táe deemanbí tanaa mako; binobuiku in sia, táe nongkon noyayú. Datu tobatú nongkon Israel in sia, mamangoi naonda bo tundi inta motarang. Itoi mita in Moab in toko ropúonku bangusa i Set in rimumudonnea.

MATIUS 2:3

Naonda in ki Datu Herodes bo bayongan intau kon Yerusalem nokodongog kon soaḷ tatua, noitaḻikokog totok mosia.

MATIUS 21:5

“Pogumandon kon bobay in Sion, Indoiai, Datumu namangoi kon inimu. Moompá in dodia-Nea bo sinumakoi kon keledai tobatú, tobatú keledai inta moguodpa.”

MATIUS 27:11

Wakutu in ki Yesus dinia kon tayowon i gubernur. Ki gubernur noḻibó kon i-Nia, “Degá Iko Datu intau Yahudi?” Ki Yesus notubag, “Ikodon tontaní in noguman kon tua.”

LUKAS 19:38

Mosia in nomaḷú nanaa, “Binarakatan in Datu inta namangoi kon bonu in tangoi Tuhan! Dodamean kon soroga, bo dinayo-dayowdon in ki Allah!”

LUKAS 2:11

Singgai in naa kon ḻipú i Daud, noilahirdon in Datu inta mopoposaḷamat kon i monimu, tuata in ki Kristus, ki Tuhan naton.

LUKAS 23:3

Dá ki Pilatus in noḻibó kon i Yesus, “Degá totuu kon Iko in Datu in intau Yahudi?” Tubag i Yesus, “Ikodon tontaní in noguman.”

LUKAS 23:38

Kon uḷuanmai i Yesus pinaisan nanaa, “Naadon in Datu Intau Yahudi.”

YOHANES 1:49

“Pak Guru, guman i Natanael, ki Amá in ki Adí i Allah!”

YOHANES 12:13

Dá mosia nogamádon kon daun mita in palem bo minayá nonontomu kon i Yesus. Takin sanang in gina mosia in noguman, “Dayowdon in ki Allah! Binarakatandon in Sia inta namangoi kon bonu in tangoi Tuhan, Datu Israel!”

YOHANES 18:37

Dá ki Pilatus in noḻibó kon i-Nia, “Aka natua, yo Iko nion in Datu?” Ki Yesus in notubag, “Ikodon in noguman kon Akuoi naa in Datu. Akuoi in noilahir bo namangoi in dunia naa takin tobatú makusud mobogoi in kosakusian soaḷ inta nobanar. Intau inta nongkon nobanar tatua in mokidongogbí kon i-Nakó.”

YOHANES 19:19

Kon dotá omonikan kayu inta pinopopakúan kon i Yesus pinoki popakúan doman i Pilatus in kayu topongkó inta pinaisan, “Ki Yesus Intau Nazaret, Datu in Yahudi.”

YOHANES 20:28

Ki Tomas in noguman kon i Yesus, “Tuhanku bo Allahku!”

YOHANES 5:23

Pinomia i Amá intua sinbá bayongan in intau mohoromat kon i Adí ná mosia in mohoromat kon i Amá. Intau inta diá mohoromat kon Adí in diábí doman mohoromat kon i Amá inta nopotabá mangoi kon i Adí.

YOHANES 9:38

Dá intau tatua in sinumungkud kon tayowon i Yesus bo poḷat noguman, “Akuoi in mopirisaya, Tuhan.”

IBRANI 1:6

Táe wakutu in ki Allah nopotabá kon i Adí-Nea guya-guyang tatua namangoi in dunia naa, ki Allah in noguman nanaa: “Bayongan in malaekat i Allah in musti mosumba kon Adí tatua.”

WAHYU 22:16

“Akuoi, ki Yesus, ain nopotabá mangoi in malaekat-Ku kon i monimu, sinbá sia mopotaau in soaḷ mita inta pakéon kon kopontingan in jamaat mita. Akuoi naa in buí i Daud; Akuoibí naa in tundi dotá in pomukaan inta motarang totok tua.”