MATIUS 2:15 - Alkitab Singog In Mongondow Masa In Tanaa

¹⁵ Bo nogutun kon tua, nodapot in ki Herodes minatoi. Tua komintan nobaḻí sinbá motompodon onu in pinoguman i Tuhan kon nabi-Nea, nanaa: “Nongkon Mesir inoiní-Ku in ki Adí-Ku.”

MATIUS 2:15 Iomraidhean Croise

IḶUAIAN 4:22

Bo pogumandon kon i datu tatua kon Akuoi, ki Tuhan, nongoyow nanaa: ‘Israel in ki adí-Ku inta guya-guyang,

HOSEA 11:1

Ki Tuhan in noguman, “Akuoi in notabi kon Israel pinangkoi kon sia in nointokpa, Inoiní-Ku in ki adí-Ku tatua iḻumuai nongkon Mesir.

PINOGIAPAN 24:8

Ki Allah inta nodia kon i monia iḻumuai nongkon Mesir, naonda bo bantong kaḻig Sia in moparang motuḷung kon i monia. Bangusa mita in musung modaitbí ḻiomon-Nea, tuḷan mita monia in toko ropúon-Nea, bo piot mita monia in putoḷon-Nea.

MATIUS 1:22

Tua in mobaḻí sinbá motompodon onu inta pinoguman i Tuhan kon nabi-Nea, nanaa:

MATIUS 2:14

Doḷompa doman tua ki Yusup nobangon bo nodia kon Adí tatua takin ki iná-Nea bodongka noḷagui minayá in Mesir.

MATIUS 2:17

Tua in nobaḻí sinbá motompodon singog i Tuhan inta pinoyaput i Nabi Yeremia, nanaa:

MATIUS 2:19

Naonda in ki Herodes minatoi, malaekat i Tuhan namangoidon bui nokipogontong kon i Yusup kon bonu in togoindop, bo noguman,

MATIUS 2:23

Kon tua, sia nogutun kon ḻipú inta tangoinea in Nazaret. Tua komintan nobaḻí sinbá motompodon Pirman inta aindon pinoyaput i nabi mita, kon sia in tangoion, “Intau in Nazaret.”

MATIUS 21:4

Soaḷ tatua in mobaḻí sinbá motompodon in Pirman inta pinoyaput i nabi nanaa,

MATIUS 26:54

Aka natua, yo naonda degá in mogintompod kon inta pinais kon bonu in Buk Motusi, inta ain noguman, kon tua in mustibí mobaḻí?”

MATIUS 26:56

Táe totuu kon tua in mustibí mobaḻí sinbá motompodon onu inta aindon pinais kon bonu in buk nabi mita.” Kon tua dumodudui-Nea noḷagui komintan nonaḷámai kon i-Nia.

MATIUS 27:35

Nopaḷut mako pinopopakú monia kon kayu pinoyotaḻempang, ḷambung-Nea in sinila-silai mako monia. Mosia nosilai kon ḷambung-Nea tatua takin nomaké in lot.

MATIUS 8:17

Tua mita in mobaḻí sinbá motompodon Pirman inta pinoyaput i Nabi Yesaya, nanaa, “Sia tua in nomotaan kon yoyiga bo mongundam kon panyaki naton.”

LUKAS 24:44

Onda intua Sia in noguman kon i monia, “Naadon in soaḷ mita inta ain pinoguman-Ku kon i monimu kon wakutu in kotaki-takinpa monimu in Akuoi: kon bayongan inta ain pinais soaḷ Akuoi kon bonu in buk i Musa bo buk in nabi mita, bo buk Mazmur, tua in mustibí mobaḻí.”

YOHANES 19:28

Kinotaauan bidon i Yesus kon tanaa bayongan yagi-yagi ain noḷapat, bo bá onu inta ain pinais kon bonu in Buk Motusi in mobaḻídon, dá Sia in noguman, “Akuoi in moyogang.”

YOHANES 19:36

Tua in nobaḻí sinbá mobaḻídon onu inta pinais kon bonu in Buk Motusi, “Diábí tobatúmai in tuḷannea putoḷon.”

OUMAN IN RASUL MITA 1:16

“Utatku mita! Onu inta pinais kon bonu in Buk Motusi in mustibí mobaḻí. Tungkuḷ intua Roho i Allah in nomaké kon i Daud bo noguman muna kon ki Yudas in mobaḻí itoi mita in intau inta modomok kon i Yesus tua.