MATIUS 17:3 - Alkitab Singog In Mongondow Masa In Tanaa

³ Bo inontong monia in ki Musa bo ki Elia in nongonguman takin-Nea.

MATIUS 17:3 Iomraidhean Croise

DATU MITA IMITÁNEA 17:1

Oyúon in nabi tangoinea in ki Elia. Sia in nongkon Tisbe, kotá tobatú kon butá in Gilead. Kon singgai tobatú namangoi in sia kon i Datu Ahab bo noguman, “Pinodoyon kon i Tuhan inta nobiag, Allah inta sinumba in intau in Israel bo inta pinogundoianku, akuoi in mopotaau in naa kon i Tuang, kon bonu in doyowa andeka toḷu notaong moiduduimai naa in diábí in oḷú andeka uyan tongopiḻikmai, koḻikudbí in aka pogumankudon.”

MALEAKHI 4:5

Táe kon dodai in deemanpa singgai inta motoyang bo mokoondok inta sinantú-Ku tatua moiangoi, yo potabá-Ku mamangoi kon i monimu in ki Nabi Elia.

MATIUS 17:2

Indoianmai batangan i Yesus nobaḷuibí kon tayowon monia; Pogot-Nea nonindar ná mata in singgai, bo ḷambung-Nea in nobaḻí nobudó mopouḻi-uḻinag naonda bo bayag.

MATIUS 17:4

Dá ki Petrus in noguman kon i Yesus, nanaa: “Tuhan, mopira totok in kita in kon tampat tanaa. Aka kuma bo moibog in ki Tuhan, yo akuoi in moposindog in ḷoḷaigan toḷu, tobatú in aidanku kon i Tuhan, tobatú in kon i Musa, bo tobatú doman in kon i Elia.”

MARKUS 9:4

Onda intua inontong in murí-Nea toḷu tua, ki Yesus nongonguman takin i Elia bo i Musa.

LUKAS 1:17

Sia in mobaḻí totabá i Tuhan inta moropot bo mokawasa ná ki Elia. Sia mopoyodame kon gina in guyanga bo adí, bo intau mita inta raian monia diá moitutui in potutuionnea bui. Tua in mangaḻenea kon sia in moposadia kon umat inta moibog dumudui kon parenta i Tuhan.”

LUKAS 16:16

Hukum i Musa bo buk in nabi mita umuranpabí pinaké nodapot kon masa i Yohanes Mobobaptis. Bo pinangkoidon nongkon wakutu intua Habar Mopia kon naonda in ki Allah mamangoi momarenta saḷaku datu tantúdon pinotaau. Bo intau mita umuran moramuji totok sinbá mobaḻí umat i Allah.

LUKAS 24:27

Onda intua nodait-Nea ininsilangan kon i monia in bayongan onu inta pinais kon Buk Motusi soaḷ Sia. Pinangkoi kon inta pinais i Musa nodapot in buk in nabi mita.

LUKAS 24:44

Onda intua Sia in noguman kon i monia, “Naadon in soaḷ mita inta ain pinoguman-Ku kon i monimu kon wakutu in kotaki-takinpa monimu in Akuoi: kon bayongan inta ain pinais soaḷ Akuoi kon bonu in buk i Musa bo buk in nabi mita, bo buk Mazmur, tua in mustibí mobaḻí.”

LUKAS 9:33

Bo naonda in intau doyowa tatua nonaḷámai kon i Yesus, ki Petrus in noguman kon i Yesus, “Pak Guru, mopira totok kita in kon naa. Maníka mogaid in kami kon ḷoḷaigan toḷu, tobatú in kon i Pak Guru, tobatú kon i Musa, bo tobatú in kon i Elia.” (Onu in siningog i Petrus tatua diábí kinomangaḻeannea.)

YOHANES 1:17

Hukum i Tuhan sinarima naton nongkon i Musa. Táe tabi bo kososatia i Allah in pinoniatadon kon i Yesus Kristus.

ULANGAN 18:18

Nongkon bangusa monia tontaní Akuoi mopotabá mangoi kon i monia in nabi tobatú ná iko. Akuoi in mopotaaubí kon inia onu in musti singogonnea, bo sia in mopotaaubí kon bangusa tatua in bayongan inta pinarenta-Ku.

ULANGAN 34:10

Kon Israel in diá bidon in nabi ná ki Musa inta nongonguman i Tuhan noyogintayowan.