MATIUS 1:1 - Alkitab Singog In Mongondow Masa In Tanaa

¹ Nanaa in asaḷ-usuḷ i Yesus Kristus, buí i Daud inta buí i Abraham.

MATIUS 1:1 Iomraidhean Croise

KINOBAḺIAN 12:3

Akuoi in momarakat kon intau mita inta momarakat kon inimu bo mongutuk kon intau mita inta mongutuk kon inimu. Bo popisí in iko dá Akuoi in momarakat kon bayongan in bangusa inta kon dunia naa.”

KINOBAḺIAN 2:4

Tuata in ouman soaḷ pinomaḻían i Allah kon dunia naa takin tombonunea. Kon tungkuḷ in ki Tuhan nomaḻí kon dunia naa,

KINOBAḺIAN 22:18

Bayongan in bangusa kon dunia naa in mopoigum kon i-Nakó sinbá Akuoi momarakat kon i monia ná Akuoi ain nomarakat kon buímu – sin iko ain dinumudui kon parenta-Ku.”

KINOBAḺIAN 5:1

Naadon in buí mita i Adam. [Kon tungkuḷ in ki Allah nomia kon intau, pinomia-Nea in mosia notombatangan-Nea tontaní.

MAZMUR 132:11

Ki Tuhan in nongibotdon kon i Daud; Sia in diábí monginggamá kon dandi-Nea. Guman-Nea, “Ki adímu tobatú in baḻíon-Kubí datu sin momarenta monoḻiu kon inimu.

MAZMUR 89:3

Sin kinotaauanku kon tabi-Mu in mononoi, kososatia-Mu in motorindog naonda bo ḷangit.

MAZMUR 89:36

Kokomintan tua modapot in mononoi Akuoi in mongibot podoyon kon tangoi-Ku inta motusi; Akuoi in diábí monguboḷ kon i Daud.

YESAYA 11:1

Buí i Datu Daud naonda bo pangkoi in kayu inta ain pinupuḷ. Táe ná doman onda nongkon tuodnea nomuká in poḻimping mobagu, natua doman nongkon buí i Daud in moiangoi in datu tobatú.

YESAYA 53:8

Sia in dinomok bo pinotayow kon pongadilan, bodongka dinia ihukum minatoi. Diábí in noindoimai kon ukurnea; sia in minatoi popisí in dosa in bangusa naton.

YEREMIA 23:5

Ki Tuhan in noguman, “Moiangoibí in wakutunea, Akuoi in moduí kon datu tobatú inta moadil nongkon buí i Daud. Datu tatua in momarenta takin bijaksana, bo mogaid kon onu inta moadil bo inta totuu kon sinangkub in butá.

YEREMIA 33:26

natua doman in Akuoi in tantú mokadai kon dodandian-Ku takin buí i Yakub bo takin in mogogundoi-Ku ki Daud. Intau tobatú nongkon buí i Daud in piḻíon-Ku momarenta kon buí i Abraham, i Ishak, bo i Yakub. Akuoi in monotabibí kon umat-Ku, bo mopobaḻí kon i monia mooyúon bui.”

AMOS 9:11

Ki Tuhan in noguman, “Moiangoibí in wakutunea Akuoi monompia bui kon dodatuan i Daud. Tanaa dodatuan tatua in nobaḻídon naonda bo baḷoi inta noumpag. Táe dindingnea mita in tompiaan-Kubí bui bo posindogon-Ku bui dá mobaḻídon bui ná dungkuḷmai.

ZAKHARIA 12:8

Kon singgai tatua Akuoi in mogoḻiung kon intau inta nogutun kon Yerusalem; bo inta totok in moyangkó kon sigad monia in mobaḻí ná koropot i Daud. Mosia in kapitonbí in buí i Daud naonda bo malaekat-Ku, nodapotbí in naonda bo Akuoi tontaní in nokapit.

MATIUS 1:18

Nanaa in ouman kinolahiran i Yesus Kristus: Kon wakutu in ki Maria ki iná-Nea bagupa kinantangan i Yusup, mangaḻenea taya dua naa diápabí notonibuḷoi, táe naanta ki Maria ain bidon sidia. Tongá adí inta kon siannea tua in nobaḻí lantaran kawasa in Roho i Allah.

MATIUS 1:2

Ki adí i Abraham ki Ishak, ki adí i Ishak ki Yakub, ki adí i Yakub ki Yohuda bo ki utatnea mita, ki adí i Yohuda kon i Tamar ki Peres bo ki Zerah, ki adí i Peres ki Hezron, ki adí i Hezron ki Ram, ki adí i Ram ki Abinadab, ki adí i Abinadab ki Nahason, ki adí i Nahason ki Salmon, ki adí i Salmon kon i Rahab ki Boas, ki adí i Boas kon i Rut ki Obed, ki adí i Obed ki Isai, ki adí i Isai ki Datu Daud.

MATIUS 15:22

Kon tua noiangoi in tobatú bobay intau in Kanaan inta nongkon ḻipú kon tua, bo nomaḷú, “Kotabipa in akuoi naa Tuhan Adí i Daud! Sin ki adíku bobay kinotoḷangan in dimukud moraat. Bo moyoyiga totok in sia.”

MATIUS 3:16

Naonda in nopaḷut binaptis, ki Yesus ḷagi nobatun nonaḷámai kon tubig tatua, bo kon dodai doman intua ḷangit nobukat bo inontong-Nea in Roho i Allah naonda bo ḷagapan paḷoma noponag kon i-Nia.

MATIUS 9:27

Naonda in ki Yesus nongingguput kon bobayáan-Nea, intau bilog doyowa dumuduianmai kon i-Nia bo sindaḷan momaḷú kai monia, “Adí i Daud, kotabipa in kami naa!”

LUKAS 1:33

Bo sia in mobaḻí doman Datu kon yua-yuak in intau mita inta buí i Yakub modapot in kopaḷutan in dunia. Dodatuan-Nea in mononoi.”

YOHANES 7:42

Kon Buk Motusi ain pinais, kon Datu Mopoposaḷamat in nongkon buíbí i Daud, bo mamangoibí nongkon ḻipu in Betlehem, ḻipu inta pinogutunan i Daud koḻipod.”

OUMAN IN RASUL MITA 2:30

Sia naa in tobatú nabi inta nonotaau kon ki Allah aindon nodandi pinodoyon kon ibot kon inia kon oyúon in buínea in baḻíon i Allah Datu.

SURAT I PAULUS KON JAMAAT RUM 1:3

Habar Mopia tatua in soaḷbí ki Adí i Allah, inta ki Tuhan naton, ki Yesus Kristus. Inta aka podudui in awak ilo-ilow naa, yo Sia tua in buíbí i Daud.

SURAT I PAULUS KON JAMAAT RUM 4:13

Ki Allah ain nodandi kon i Abraham bo buínea kon dunia naa in mobaḻíbí kapunyaan i Abraham. Dandi tatua in deemanbí pinodoyon kon kotoindudui i Abraham kon hukum in agama Yahudi, táe popisíbí in sia mopirisaya kon i Allah, dá sinarima i Allah in sia saḷaku intau inta mokosanang kon gina-Nea.

SURAT I PAULUS KON JAMAAT RUM 9:5

Mosia in buíbí doman in mogoguyang naton. Awak i Kristus naa in nongkon bangusabí monia tua. Táe Siabí in moḷantu-ḷantud nongkon bayongan in yagi-yagi. Dinayo-dayowdon in ki Allah modapot in kopaḷutannea! Amin.

GALATIA 3:16

Ki Allah ain nobogoi in dandi-Nea mita kon i Abraham bo kon buínea mita. Kon dodandian tatua diábí in pinoguman nanaa, “bo kon intau mita inta buí i Abraham”. inta aka tomangaḻean yo moantó in intau. Nanaabí in pinais, “bo kon intau inta buí i Abraham”. mangaḻenea in tongábí tobatú in intau, tuata in ki Kristus.

TIMOTIUS 1 2:5

Sin tongábí totobatú in ki Allah bo tongábí doman tobatú in mononigad kon intau bo kon i Allah, Sia tuata in ki Kristus Yesus.

TIMOTIUS 2 2:8

Torop in naa: Habar Mopia inta pinoyaputku tua in habarbí soaḷ ki Yesus Kristus inta ain nobiag kon sigad in intau minatoi, inta pinolahir saḷaku buí i Daud.

WAHYU 22:16

“Akuoi, ki Yesus, ain nopotabá mangoi in malaekat-Ku kon i monimu, sinbá sia mopotaau in soaḷ mita inta pakéon kon kopontingan in jamaat mita. Akuoi naa in buí i Daud; Akuoibí naa in tundi dotá in pomukaan inta motarang totok tua.”