LUKAS 9:52 - Alkitab Singog In Mongondow Masa In Tanaa

⁵² Dá Sia in nopotabá kon intau inumuna kon i-Nia. Mosia in minayá bo sinumuot kon ḻipú intau in Samaria. Makusud monia tua in moposadia kon onu inta paraḷuon i Yesus.

LUKAS 9:52 Iomraidhean Croise

MALEAKHI 3:1

Tubag i Tuhan Inta Totok in mokawasa, “Akuoi in mopotabábí in totabá-Ku mita sin moposadia in daḷan bayáan-Ku. Dá baḷúdon in Akuoi, ki Tuhan inta sinayak monimu, in mamangoidon in Baḷoi-Ku. Totabá-Ku inta sinano-tanob monimu tatua in mamangoi bo mopotaau in dodandian-Ku.”

MATIUS 10:5

Taya mopuḷú bodoyowá tua pinotabá-Nea takin koyow nanaa: “Donaai moiko mayá in ḻipú in intau ibanea inta deeman Yahudi. Andeka mayá in ḻipú intau in Samaria.

LUKAS 10:1

Noiduduimai kon tua, ki Yesus nomiḻí kon dumodudui-Nea ibanea pitu nopuḷú in kobayongnea bodongka nopotabá kon i monia. Mosia pinotabá tumododoyawa sin umuna kon i-Nia mayá in kotá bo tampat mita inta bayáan-Nea.

LUKAS 10:33

Noiduduimai kon tua oyúon intau in Samaria nongin daḷan doman tatua. Nokoontongmai kon intau tatua totok noḻiai in ginanea bo notabi.

LUKAS 17:11

Kon bonu in binayáan mopobayá in Yerusalem, ki Yesus nongin daḷan inta kon sigad in Samaria bo Galilea.

LUKAS 17:16

Noiyaputmai kon i Yesus, sia in sinumungkud kon tayowon sioḷ-Nea bo nopoyaput in sukur moantó kon i Yesus. Sia tua in intau in Samaria.

LUKAS 7:27

Sin sia tua inta ain pinais kon bonu in Buk Motusi, ‘Indoiaika, naadon in totabá-Ku,’ ‘Sia in pinotabá-Ku inumuna kon ini-Mu, sinbá sia in momontang kon daḷan bayáan-Mu!’ ”

YOHANES 4:4

Kon binayáan-Nea tatua musti in Sia moitaḻib kon Samaria.

YOHANES 4:5

Dá nodapotdon in ki Yesus kon kotá tobatú kon Samaria, Sikhar in tangoinea. Ḻipú tatua diá noyayú nongkon butá inta inogoi i Yakub koḻipod kon i Yusup, ki adínea.

YOHANES 4:9

Bobay tatua in notubag, “Ki Tuang intau in Yahudi, bo akuoi naa inta in Samaria; nongonu sin ki Tuang moigumbí kon tubig inumon kon inakó?” (Sin intau mita in Yahudi diá noyoyobayatan intau mita in Samaria.)

YOHANES 8:48

Itoi mita in Yahudi tatua in notubag kon i Yesus, “Totuubí in singog nami kon Iko nion intau in Samaria inta kinotoḷangan in dimbuḷó!”