LUKAS 9:50 - Alkitab Singog In Mongondow Masa In Tanaa

⁵⁰ Dá ki Yesus in noguman kon inia, “Donaaibí ampagan monimu in sia, sin ki ine in momayow kon i monimu, yo sia tua in yobayat monimu.”

LUKAS 9:50 Iomraidhean Croise

MATIUS 12:30

Ki ine in diá noyotakin-Ku, sia in momaḷawang kon i-Nakó. Bo ki ine inta doí mogaid moyotakin-Ku yo sia tua in momoguyaat kon tomayá-Ku!

MATIUS 17:24

Naonda in ki Yesus bo murí-Nea mita noidapot kon Kapernaum, namangoidon in mononagi kon pajak in Baḷoi Tuhan kon i Petrus bo noguman, “Ki Gurumu noguboḻi degá kon pajak in Baḷoi Tuhan andeka diá?”

MATIUS 17:26

Ki Petrus notubag, “Intau mokokiangoi!” Dá ki Yesus in noguman kon inia, “Aka natua yo intau mita kon tua in diá bidon paraḷu moguboḻi kon pajak.

MARKUS 9:38

Ki Yohanes in noguman kon i Yesus, “Pak Guru, kami nokoontong kon tobatú intau noguntun kon dimukud moraat pinodoyon kon tangoi i Pak Guru, táe ilarang nami sin sia in deemanbí intau naton.”

MARKUS 9:41

Pokotorop! Intau inta nopoinum kon i monimu sin popisí in moiko murí i Datu Mopoposaḷamat, yo nopasti bidon kon motarima in sia kon bungainea.”

LUKAS 11:23

Intau inta umuran momaḷawang kon i-Nakó, mosaturu kon i-Nakó. Bo intau inta doí moduḷu mogaid kon oaidan-Ku, sia tua in momoguyaat kon oaidan-Ku!”

LUKAS 16:13

Simpaḷ tobatú in diábí motaau in monontuang kon doyowa. Sin aka natua, tobatú in saturuonnea yo tobatú in kotabinea. Andeka tongábí tobatú in duduiannea, yo tobatú in diábí indongogannea. Natua doman in moiko. Aka moiko bo mopirisayadon kon i Allah yo donaai bidon moibog mokidongog kon onu inta indunia naa.”

KORINTUS 1 12:3

Manangka intua mustibí kotaauan monimu kon intau inta kinawasadon in Roho i Allah in diábí motaau mosingog, “Binaḷa-baḷa in ki Yesus!” Ná doman tua, diábí doman in tobatúmai intau in moguman, “Ki Yesus tua in Tuhanbí!” aka intau tatua bo diá kinawasa in Roho i Allah.

YOSUA 9:14

Dá intau mita in Israel notarimadon kon topiḻik in kaanon in intau mita in Gibeon tatua, bo diádon iḻibó monia kon i Tuhan intua.