LUKAS 9:48 - Alkitab Singog In Mongondow Masa In Tanaa

⁴⁸ Bo Sia in noguman kon murí-Nea mita, “Intau inta notarima kon adí tanaa sin nokotorop kon i-Nakó, yo tua in mangaḻenea sia notarima kon i-Nakó; bo ki ine in notarima kon i-Nakó, yo sia in notarima doman kon i-Nia inta nopotabá kon i-Nakó; sin ki ine moompá in dodia kon sigad monimu komintan, yo siabí tua in moḷobe-ḷoben!”

LUKAS 9:48 Iomraidhean Croise

AMSAL 18:12

Intau inta moḷoḷatú in moḷabúbí, intau inta moompá in dodia in horomatonbí.

MATIUS 18:10

“Pokotorop! Dika mopandang enteng kon mongoadí mita tanaa. Bá poguman-Ku kon i monimu, oyúon in malaekat monia kon soroga inta umuran moindoi kon pogot i Amá-Ku inta kon soroga. [

MATIUS 18:14

Natua doman ki Amámu inta kon soroga diábí moibog in Sia aka kobuḻian in tobatúmai nongkon mongoadí mita tanaa.”

MATIUS 19:28

Guman i Yesus kon i monia, “Popirisayadon: Kon Dunia Mobagu i Allah, Adí Intau in ḻimitúdon kon tampat pomomarentaan-Nea inta momulia. Kon wakutu intua moiko murí-Ku mita in ḻimitú doman kon ḻimonik in mopuḷú bodoyowá in tampat pomomarentaan bo mohakim kon mopuḷú doman bodoyowá nosuku kon Israel!

MATIUS 25:40

Datu tatua in motubag kon i monia, ‘Bá poguman-Kudon kon i monimu: onu inta aindon inaidan monimu kon i utat-Ku mita inta totok in bogá tanaa, yo tua in notongkaibí in pinogaid monimu kon i-Nakó!’

MATIUS 25:45

Bo Sia notubag kon i monia, ‘Bá poguman-Ku kon i monimu: aka tua komintan bo diá pinopoaid monimu kon intau inta totok in bogá tanaa, yo tua in notongkai doman in diá pinopoaid kon i-Nakó.’

MARKUS 9:37

“Intau inta motarima kon tobatú adí ná tanaa popisí in nopirisaya kon i-Nakó, yo tua in mangaḻenea sia in notarima kon i-Nakó. Bo intau inta notarima kon i-Nakó, sia tua in deemanbí tongá notarima kon i-Nakó, táe notarima domandon kon i-Nia inta nopotabá kon i-Nakó.”

LUKAS 10:16

Bo ki Yesus in noguman kon murí-Nea mita, “Ki ine in moibog mokidongog kon i monimu, yo mosia tua i mokidongog doman kon i-Nakó. Táe ki ine in doí motarima kon i monimu, yo sia in doí doman motarima kon i-Nakó. Bo ki ine in doí motarima kon i-Nakó, yo sia in doí doman motarima kon i-Nia inta nopotabá kon i-Nakó.”

LUKAS 14:11

Sin ki ine in mosiḷantud, yo popoompáan, táe ki ine in moompá in dodia, yo sia in poḷantudon.”

LUKAS 22:26

Táe moiko in diábí motaau natua. Mustibí nanaa, intau inta totok in moḷoben kon sigad monimu in mustipabí mobaḻí ná inta totok mointok, bo itoi in mustibí mobaḻí naonda bo bobantung.

LUKAS 22:30

Takin natua dá moiko in motaau doman mobarasanang takin-Ku kon wakutu in Akuoi in mobaḻí Datu. Bo moiko in ḻimitú kon ḻimonik in mopuḷú bodoyowá in tampat pomomarentaan sin momarenta kon mopuḷú bodoyowá nosuku in bangusa Israel.”

LUKAS 7:28

“Bá poguman-Kudon kon i monimu, ‘Kon sigad monia inta pinolahir in bobay diábí tobatúmai in noiḻiu kon i Yohanes. Táe inta totok in mointok kon sigad in umat i Allah, siabí tua in mokawa-kawasa nongkon i Yohanes Mobobaptis.’ ”

YOHANES 13:20

Naa in poguman-Ku kon i monimu: Ki ine in motarima kon intau inta pinotabá-Ku, yo sia in notarima kon i-Nakó. Bo ki ine in motarima kon i-Nakó, yo Sia tua in notarimadon kon i-Nia inta nopotabá kon i-Nakó.”

YOHANES 14:21

Intau inta notarima kon parenta-Ku mita bo nopoaid, sia tuata inta motabi kon i-Nakó. Bo Akuoi in motabibí doman kon intau tatua bo mokipogontongbí kon inia.”

TESALONIKA 1 4:8

Tuamai ki ine in doí motarima kon singogku, yo deemanbí intau in bayowannea, táe ki Allahbí inta ain nobogoi in Roho-Nea mokudus kon i monimu in bayowannea.

PETRUS 1 5:6

Manangka intua kodu-koduduidon in moiko kon kawasa i Allah inta moropot, sinbá poḷantudon-Nea in moiko aka wakutuneadon.

WAHYU 21:14

Dinding in kotá tatua in pinosindog kon tudu in batu mopuḷú bodoyowá. Bo batu mita tatua in sinoko paisan tangoi in rasul mopuḷú bodoyowá. Mosia tua in rasul mita i Adí in Domba tatua.

WAHYU 3:21

Mosia inta mountung, ogoi-Ku ḻimitú takin-Ku kon tampat pomomarentaan-Ku, notongkai doman ná Akuoi inta ain nountung bo tanaa mako in iḻimitú noyotakin i Amá-Ku kon tampat pomomarentaan-Nea.