LUKAS 9:42 - Alkitab Singog In Mongondow Masa In Tanaa

⁴² Kon wakutu in adí tatua nopobayá kon i Yesus, dimukud moraat tatua nopobanting kon inia poḷat sinorondónea in awak in adí tatua. Táe totok in sinorúan i Yesus in dimukud moraat tatua bo pinoki ḷuaian-Nea nongkon adí tatua dá nopiadon in adí tatua bo poḷatdon pinosarakan kon i amánea.

LUKAS 9:42 Iomraidhean Croise

DATU MITA IMITÁNEA 17:23

Bo noponagdon bui in ki Elia nongkon gopotnea bo nodia kon adí tatua inogoi kon inánea poḷat noguman, “Iná, naa in ki adí i Iná! Buidon nobiag in sia!”

DATU MITA 2 4:36

Ki Elisa nopotabá kon i Gehazi nogoiní kon i iná in adí tatua, bo naonda in sinumuot in ki iná in adí tatua, nogumandon in ki Elisa kon inia, “Naa iná in ki adímu.”

MARKUS 9:20

Dá dinia monia kon i Yesus in adí tatua. Wakutu in dimukud moraat tatua nokoontong kon i Yesus, pinotorondónea in awak in adí tatua dá noḷabú noitangkuḻitod. Bo iḷuaian burá in bibignea.

LUKAS 7:15

Dá nobangondon in tayowmobiag tatua bo iḻimitú nongonguman. Onda intua pinopodiugdon bui i Yesus kon i inánea.

LUKAS 9:39

Aka dimukud moraat mamangoi monubu kon inia, sia in baḷú kumarak bo motorondó totok in awaknea bo bibignea ḷuaian in burá. Dimukud tatua umuran mopororiga kon inia, bo gogió diádon taḷaanneamai in ki adíku tatua!

LUKAS 9:41

Dá ki Yesus sinumorú kon murí-Nea mita kai-Nia, “Moiko nion intau mita inta moibog momaḷawang bo diá mopirisaya! Komangoipa degá in onda Akuoi musti umuran moyotakin monimu bo mosabar in moindoi kon oaid mita monimu? Dia mangoi in adí tanion!”

LUKAS 9:43

Komintan intau noherang in nokoontong kon kawasa i Allah inta námai tua in koḷoben. Kon wakutu intau mita nongoherangpa totok kon bayongan inta pinomia-Nea tatua, ki Yesus noguman kon murí-Nea mita,

YOHANES 6:19

Naonda in noyayúdon pinobotoian monia, degá ḻima ande onomdon nokilo in binayáan monia, mosia in nokoontong kon i Yesus nopoangoi in uangga takin minaya-mayá kon tudu in tubig. Mosia in totokdon noondok.

OUMAN IN RASUL MITA 9:41

Dá kinadaiandon i Petrus in ḻimanea bo pinosindog. Onda intua inoiníneadon in intau mita inta mopirisaya bo bayongan intau inta dongkadon boba-bobay kon tua, bo ki Dorkas inta ain nobiag bui pinosarakanneadon kon i monia.

WAHYU 12:12

Tuamai, koḷungangadon in gina iko soroga bo bayongan inta nogutun kon bonunea! Táe moboditodon in moiko butá bo dagat, sin Ibilis ain noponag kon i monimu takin sinumorú totok sin kinotaauanneadon kon motoyongdon totok in wakutunea.”