LUKAS 9:41 - Alkitab Singog In Mongondow Masa In Tanaa

⁴¹ Dá ki Yesus sinumorú kon murí-Nea mita kai-Nia, “Moiko nion intau mita inta moibog momaḷawang bo diá mopirisaya! Komangoipa degá in onda Akuoi musti umuran moyotakin monimu bo mosabar in moindoi kon oaid mita monimu? Dia mangoi in adí tanion!”

LUKAS 9:41 Iomraidhean Croise

DATU MITA 2 5:8

Kinodongogan i Nabi Elisa intua, bo nokidia in koyow tanaa kon i datu in Israel, “Nongonu sin mohawatirbí? Potabádon mangoi in intau tanion kon inakó sinbá kotaauanneadon kon naa kon Israel in oyúonbí in nabi tobatú!”

MAZMUR 78:8

sinbá mosia diá naonda bo mogoguyang monia inta moibog momarontak bo monaḷámai; bui inta noḻiai in pirisayanea, bo diá motoḷutui kon i Allah.

IḶUAIAN 10:3

Dá ki Musa bo ki Harun minayá nokipodungkuḷ kon i datu bo noguman kon inia, “Ki Tuhan, Allah in bangusa Ibrani, noguman, ‘Dapot in toonu iko doí tumungkud kon i-Nakó? Pomayádon mako in umat-Ku mayá, sinbá mosia in motaau mayá moibada kon i-Nakó.

IḶUAIAN 16:28

Bo ki Tuhan noguman kon i Musa, “Dapotpa in toonu moiko doí mokidongog kon parenta-Ku mita?

YEREMIA 4:14

Yerusalem, ḷumbúdon in inta moraat nongkon ginamu sinbá posaḷamaton in iko. Modapot in toonu in raian mita moraat tatua in tagúonmu kon bonu in ginamu?

PINOGIAPAN 14:11

Ki Tuhan noguman kon i Musa, “Naondapa in koonggot in poḷawangan intau mita tanaa kon i-Nakó? Modapotpa in toonu in mosia diá mopirisaya kon i-Nakó, umpaka nobarongdon totok in mokoherang inaidan-Ku kon sigad monia?

PINOGIAPAN 14:27

“Umaai in toonu in intau mita moraat tatua mongunsingog kon i-Nakó? Bayongan inta inamui monia tua dinongog-Kudon.

MATIUS 11:28

Angoidon kon i-Nakó, moiko komintan inta mongoḷopí, bo intau inta kopota-potaan in mosibuḷ, sinbá ḷuatan-Kudon intua kon i monimu.

MATIUS 12:39

Táe ki Yesus notubag kon i monia, “Intau masa in naa in moraatbí bo inta doí dumudui kon onu inta ain pinoguman, mosia in moibog monuntut kon tanda. Táe mosia in diábí ogoian koḻikudbí in tanda i Nabi Yunus.

MATIUS 12:45

Sia in bui minayá bo nogoiní kon pitu in dimukud inta noiḻiu kon koraatnea bo sinumuot in mosia mogutun kon intau tatua. Dá pangabisannea kaadaan in intau tatua noiḻiudon raat nongkon inta muna. Natua doman in mobaḻí kon intau mita moraat masa inta naa.”

MATIUS 16:4

“Intau mita inta moraat bo diá motuḻid in gina tanaa, mopoigum in tanda. Táe mosia in diábí popoontongan intua, koḻikudbí in tanda i Nabi Yunus.” Nopaḷut mako nosingog kon tua, sinaḷaanmaidon i Yesus mosia tua.

MATIUS 17:17

Dá ki Yesus in noguman kon murí-Nea mita, “Ei moiko intau inta diá mongopirisaya bo intau inta nongoiḷaḻe, dapotpamain onda in Akuoi in musti moyotakin monimu? Diadon mangoi kon naa adí tanion!”

MATIUS 23:36

Poguman-Ku kon i monimu: Oaidmu mita tanaa in korasaanbí in intau mita masa in tanaa!”

MATIUS 3:7

Tongá wakutu in sia nokoontong kon nobayong doman intau in Parisi bo Saduki in namangoi bo mokibaptis kon inia, siningognea nanaa in mosia: “Ei intau mita inta moraat. Ki ine in noguman kon moiko nion in kotaḻiban in hukuman i Allah inta kon singgai moiduduimai?

MARKUS 10:14

Nokoontongmai kon aid in murí-Nea mita natua, sinumorú in ki Yesus bo noguman kon i monia, “Pomayádon mako in mongoadí mita tanion in mamangoi kon i-Nakó! Dika ḷamboian in mosia, sin intaubí mita ná mosia naa in mobaḻí anggota in umat i Allah.

MARKUS 10:49

Dá sinumogon in ki Yesus bo noguman, “Oiní mangoi in sia.” Dá inoiní doman monia in intau bilog tatua. Bo mosia in noguman kon intau bilog tatua, “Koroton in ginamu! Sin pinoki oiní i Yesus in iko, pobuatdon!”

MARKUS 9:19

Dá ki Yesus in noguman kon murí-Nea mita, “Moiḻiu-ḻiu bidon in moiko nion! Totu-totuubí kon moiko nion intau inta diá mopirisaya. Modapotpa in onda in Akuoi musti mogutun moyotakin monimu bo mokoposabar? Dia mangoi kon naa in adí tanion!”

LUKAS 8:25

Bo siningog i Yesus in mosia, “Nongonu sin moiko in diábí mopirisaya kon i-Nakó?” Mosia in noondok bo noherang. Mosia in nosiḻibóan, “Ki inebí sabanarnea in intau tanaa sin umpaka tompot bo bokoḷ yo dumudui doman kon singog-Nea!”

LUKAS 9:40

Akuoi in nokituḷungdon kon murí mita i Pak Guru moguntun kon dimukud tatua, táe diá mokomampu in mosia.”

LUKAS 9:42

Kon wakutu in adí tatua nopobayá kon i Yesus, dimukud moraat tatua nopobanting kon inia poḷat sinorondónea in awak in adí tatua. Táe totok in sinorúan i Yesus in dimukud moraat tatua bo pinoki ḷuaian-Nea nongkon adí tatua dá nopiadon in adí tatua bo poḷatdon pinosarakan kon i amánea.

YOHANES 14:9

Táe ki Yesus in noguman kon inia, “Noonggotdon in Akuoi noyotakinmai monimu, bo diápa doman kinotaauan-Mu in Akuoi Pilipus? Intau inta ain nokoontong kon i-Nakó, yo sia tua in nokoontong domandon kon i Amá. Yo nongonu sin iko in mogumanpabí, ‘Poontongdon in ki Amá kon inami’?

YOHANES 20:27

Noiduduimai kon tua, ki Yesus in noguman kon i Tomas, “Indoiaidon in ḻima-Ku, bo popoturakdon kon naa in tononuyúmu. Tonggó magí in ḻimamu bo popotudakdon kon sian-Ku. Dikadon moḻia-ḻiaw in gina, táe popirisayadon!”

OUMAN IN RASUL MITA 13:18

Opat nopuḷú notaong pinosabaran-Nea kon oaid mita monia kon padang gurun.

OUMAN IN RASUL MITA 2:40

Natuata pinogoginsilang i Petrus kon i monia. Bo nobarongpa doman in tongginanea ibanea inta monongganut kon i monia sinbá umukatdon kon bangusa mita inta moraat inta toko hukumon i Allah.

SURAT I PAULUS KON JAMAAT RUM 2:4

Andeka diá pandungonmai monimu in totabi, kososabar-Nea bo kopopia in gina-Nea in notarima kon i monimu? Tantú kinotaauan bidon monimu kon ki Allah in nopoontong in kopopia in gina-Nea, sin ibogon-Nea moiko in mogogaidon mogaid kon dosa mita.

ULANGAN 32:5

Táe moiko in bangusa inta diá motoindudui, bo diádon patus mobaḻí umat-Nea, bangusa inta nopuḻing in aid motombogá bo dosa.

IBRANI 3:19

Tanaa in kinotaauandon naton kon mosia tua in diábí, moituot, sin diá mopirisaya in mosia kon i Allah.

IBRANI 4:11

Tuamai, koḻigai in kita moramuji totu-totuu in tumuot kon tampat pogogogaian tatua, sinbá diá tobatúmai in intau kon sigad naton in diá moituot kon tampat tatua ná mosia koḻipod sin popisí in diá mopirisaya kon i Allah.

IBRANI 4:2

Sin habar tatua in pinotaaudon doman kon i naton notongkai ná kon i monia. Táe habar tatua diá in baragunanea kon i monia, sin wakutu in dinongog monia diá pinirisaya monia intua.

IBRANI 7:25

Manangka intua ki Yesus in umuranbí motaau moposaḷamat kon intau mita inta namangoi kon i Allah inta mongin i-Nia. Sin Sia in nobiag mononoi bo umuran mopoyaput in mintahang kon i Allah sin kopontingan intau mita tatua.