LUKAS 9:38 - Alkitab Singog In Mongondow Masa In Tanaa

³⁸ Tobatú ḷoḷaki kon sigad in intau moantó tatua nomaḷú, “Pak Guru, tuḷungaipa bo indoiai in ki adíku tuḷong tua!

LUKAS 9:38 Iomraidhean Croise

KINOBAḺIAN 44:20

Kami ain notubag, ‘Ki Amá nami ain nogoguyang bo ki ai-ai nami pinononggadí kon dodai in ki amá nami ain noguyang. Ki guya-guyang toináan i ai-ai nami tua ain minatoi, dá tanaa dongkadon sia in nobiagpa in kon sigad i nayadua, bo ki papa totok in motabi kon inia.’

ZAKHARIA 12:10

Onda intua buí i Daud takin intau mita inta nogutun kon Yerusalem ogoian-Kudon in gina inta kototabi bo moibog mosambayang. Mosia in imindoibí kon inia inta ain sinumbuk monia bo ombaḷan monia naonda bo intau mongombaḷ kon kinopatoian i adínea tuḷong. Mosia in mongombaḷbí imibo-ibog, naonda bo intau inta ain kinobuḻian i adínea guya-guyang.

MATIUS 15:22

Kon tua noiangoi in tobatú bobay intau in Kanaan inta nongkon ḻipú kon tua, bo nomaḷú, “Kotabipa in akuoi naa Tuhan Adí i Daud! Sin ki adíku bobay kinotoḷangan in dimukud moraat. Bo moyoyiga totok in sia.”

LUKAS 7:12

Naonda in mosia nodiugdon kon ngara in kotá tatua. Mosia noyodungkuḷ in intau mita inta nobuḻig kon minatoi sin poḷuai in kotá. Intau minatoi tatua in adí ḷoḷaki, adí tuḷong in intau inta boba-bobay. Nobarong intau in nongkon kotá tatua in dinumudui kon i iná in adí tatua.

LUKAS 9:37

Nopoikoḷomai kon singgai, wakutu in ki Yesus bo murí-Nea taya toḷu nosiḻigdon nongkon buḷud tatua. Intau moantó namangoi kon i Yesus.

LUKAS 9:39

Aka dimukud moraat mamangoi monubu kon inia, sia in baḷú kumarak bo motorondó totok in awaknea bo bibignea ḷuaian in burá. Dimukud tatua umuran mopororiga kon inia, bo gogió diádon taḷaanneamai in ki adíku tatua!

YOHANES 4:47

Naonda in dinongognea kon ki Yesus in nongkon Yudea namangoidon in Galilea, dá sia in minayádon kon i Yesus nopoigum sinbá mamangoipa in Kapernaum bo mongundam kon i adínea inta dongkadon oḷaton.