LUKAS 9:33 - Alkitab Singog In Mongondow Masa In Tanaa

³³ Bo naonda in intau doyowa tatua nonaḷámai kon i Yesus, ki Petrus in noguman kon i Yesus, “Pak Guru, mopira totok kita in kon naa. Maníka mogaid in kami kon ḷoḷaigan toḷu, tobatú in kon i Pak Guru, tobatú kon i Musa, bo tobatú in kon i Elia.” (Onu in siningog i Petrus tatua diábí kinomangaḻeannea.)

LUKAS 9:33 Iomraidhean Croise

MAZMUR 27:4

Tongábí tobatú in igumonku kon i Tuhan, tongábí naa in koibogku: mogutun kon Baḷoi Tuhan kinoouput in kobiaganku, sin motarima kon kopopia i Tuhan bo mopoigum sinbá kapiton-Nea.

MAZMUR 73:28

Táe aka kon inakó yo totuubí kon mopia in kon diug i Allah, Tuhan Allah in baḻíonku pononiunganku, sinbá motaau in akuoi mopotaa-taau mako in bayongan inta inaidan-Nea.

MATIUS 17:14

Naonda in ki Yesus bo murí-Nea mita minayádon bui kon intau nobarong tatua, namangoidon in tobatú intau nokipodungkuḷ kon i Yesus bo nosumba poḷat noguman,

MATIUS 17:4

Dá ki Petrus in noguman kon i Yesus, nanaa: “Tuhan, mopira totok in kita in kon tampat tanaa. Aka kuma bo moibog in ki Tuhan, yo akuoi in moposindog in ḷoḷaigan toḷu, tobatú in aidanku kon i Tuhan, tobatú in kon i Musa, bo tobatú doman in kon i Elia.”

MARKUS 10:38

Táe guman i Yesus kon i monia, “Uḻe diábí kinotaauan monimu onu in pinoigum monimu nion. Degá mokosanggup in moiko in monginum nongkon palo in roriga inta bain inumon-Ku bo roriga inta bain moiantug kon i-Nakó?”

LUKAS 5:5

Dá ki Simon in noguman, “Pak Guru, tonggobiidon naa in pinoramujian nami nodomok kon toyá, táe diá tobatúmai in noaḷap nami! Tongá naa bo ki Pak Guru in nopotabá dá duduiankudon. Bayáanku bui bukáan in landará.”

LUKAS 9:34

Yogotpa in ki Petrus nosingog, baḷú noikoḷubung mangoi in goḷom kon i monia, sahingga inangoiandon in ondok in mosia.

LUKAS 9:49

Ki Yohanes in noguman nanaa kon i Yesus, “Tuhan, kami in nokoontong kon intau noguntun kon dimukud moraat nomaké in tangoi i Tuhan, tongá inampagan nami in sia, sin sia in deemanbí dumodudui naton.”

YOHANES 14:8

Dá ki Pilipus in noguman kon i Yesus, “Tuhan, popoontongdon kon inami in ki Amá, sinbá mopuasdon in kami.”

KORINTUS 2 4:6

Sin ki Allah in nogumandon nanaa, “Nongkon sindip momukádon in bayag.” Bo ki Allah doman tatua inta nopomuká in bayag-Nea kon bonu in gina naton, sinbá mobayag domandon in raian naton bo monotaau kon kototarang in bayag i Allah inta nonindar kon pogot i Kristus.