LUKAS 9:32 - Alkitab Singog In Mongondow Masa In Tanaa

³² Wakutu intua ki Petrus takin yobayatnea mita nosiug, táe naonda in mosia noibangon inontong monia in sindar motarang nonimbayag kon i Yesus bo intau doyowa sinimindog kon diug-Nea.

LUKAS 9:32 Iomraidhean Croise

YESAYA 60:19

Iko in diábí paraḷu sindaran mata in singgai kon dodai in singgai, bo diábí paraḷu simbayagan in buḷan kon dodai in doḷom. Sin Akuoi ki Tuhan in nobaḻí mononimbayag mononoi kon inimu, Akuoi in monindar kon inimu pongin kamuliaan-Ku.

DANIEL 10:9

Kon dodai in dinongogku in singognea, noitambuḷoḷokdon in akuoi nodapot in noitongkob kon butá.

DANIEL 8:18

Koyogot in sia mosingogmai, notambuḷoḷok in akuoi. Táe kinadaiannea in akuoi bo sinuḷungan pinosindog bui. Bo sia in noguman,

MARKUS 14:40

Nopaḷut mako nosambayang, bui namangoi kon murí-Nea mita in Sia, kinobayáan-Neamai nosiugpa doman mako in mosia sin sinomposiugdon totok. Dá diádon kotaauan monia mongo onupa in poguman kon i Yesus.

YOHANES 1:14

Pirman ain nobaḻí intau, Sia in nogutun kon sigad naton, bo kita ain nokoontong kon kamuliaan-Nea. Kamuliaan inta sinarima-Nea saḷaku Adí tuḷong i Amá. Pinongin i-Nia tua kita mokoontong kon i Allah bo tabi-Nea kon i naton.

YOHANES 17:24

Amá, ibogon-Ku, sinbá mosia inta ain inogoi i Amá kon i-Nakó in moyotakin-Ku doman kon tampat inta bayáan-Ku, sinbá koontongandon monia in kamuliaan-Ku, inta ain inogoi i Amá kon i-Nakó. Sin Akuoi in kinotabi i Amá kon wakutu in dunia naa diápa pinomia.

PETRUS 2 1:16

Kon wakutu in kami nopotaau kon inimu kon naonda in komomulia in koangoian i Tuhan naton ki Yesus Kristus, tua in inouman nami deemanbí tongá pinodoyon kon ouman mita in intau inta diá in mangaḻenea. Táe kamuliaan i Kristus tatua ain bidon inontong in mata nami tontaní.

YOHANES 1 3:2

Utat mita inta kinotabiku! Tanaa mako kita ain nobaḻí ki adí i Allah, táe kaadaan naton kon singgai moiduduimai in diápa notarang.Tongá kinotaauan naton kon aka ki Kristus in mamangoi, kita naa in mobaḻí ná Sia, sin kita in mokoontong kon i-Nia kon bonu in kaadaan-Nea inta sabanarnea.