LUKAS 9:3 - Alkitab Singog In Mongondow Masa In Tanaa

³ Naa in koyow-Nea kon i monia, “Donaaibí modia kon onu bo onu in kon binayáan. Dika doman modia kon tungkud andeka baḷun, kaanon andeka doit, andeka ḷambung pomaḷuian.

LUKAS 9:3 Iomraidhean Croise

MAZMUR 37:3

Popirisayadon kon i Tuhan, bo aidaidon in inta mopia, pogutundon kon butá tatua bo kotoḷutuidon.

MARKUS 6:7

Inoiní-Nea in murí mopuḷú bodoyowá bo pinotabá tumododoyawa, bo mosia in inogoian-Nea in kawasa moguntun kon dimukud mita moraat.

LUKAS 12:22

Ki Yesus in noguman doman kon murí-Nea mita, “Tuamai Akuoi in moguman kon i monimu, ‘Dika mohawatir kon soaḷ kobobiagmu, onu in kaanon andeka onu in pakéon monimu.’

LUKAS 12:28

Ná doman tua in bonok kon gobá inta singgai naa nobiag, ikoḷom in tubáan. Táe umuranbí sinompia i Allah. Bambíkabí bo moiko! Táe moiko bidon in diá mongopirisaya!

LUKAS 22:35

Nopaḷut mako nosingog kon tua, Sia in noguman kon i monia, “Tungkuḷ in pinotabá-Ku in moiko bo diá-Ku inogoi nodia kon dompet, botutu andeka sapatu, yo degá nokoimontanmai in moiko in kinodaitan in onu bo onu?” “Dia!” tubag monia.

LUKAS 3:11

Ki Yohanes in notubag, “Aka ki ine in koḷambung doyowa, yo musti in sia mobogoi in ḷambung tobatú kon intau inta diá koḷambung; ná doman tua, aka ki ine in oyúon in kaanon, yo ogoiaibí in intau inta diá kokaanon.”

LUKAS 5:29

Naonda intua ki Lewi nomia kon bobutungan kon baḷoinea sin pinotomuannea kon i Yesus. Kon tua noantó doman in mononagi kon pajak bo intau doman baradosa ibanea nongaan noyotakin monia.

LUKAS 9:4

Aka moiko bo ain sinarima kon baḷoi tobatú, dá pogutundon kon tua modapot in mopaḷut in oaidanmu kon kotá tatua.

TIMOTIUS 2 2:4

Tobatú prajurit inta koyogot in moparang diá bidon morai kon kopontingannea tontaní, sin moibog in sia moposanang in gina i tuangnea.