LUKAS 9:27 - Alkitab Singog In Mongondow Masa In Tanaa

²⁷ Bá kotaauan monimu in naa: kon sigad monimu tanaa oyúon in diápabí matoi aka sia in diápa mokoontong kon i Allah mamangoi momarenta saḷaku Datu.”

LUKAS 9:27 Iomraidhean Croise

MATIUS 16:28

Poguman-Ku kon i monimu! Kon sigad in intau mita kon naa oyúon in diápa matoi aka mosia in diápa mokoontong kon Adí Intau mamangoi momarenta saḷaku Datu.”

MARKUS 14:25

Popirisayabí: Akuoi in diá bidon monginum bui kon anggur tanaa modapot kon wakutu in akuoi monginum kon anggur mobagu moyotakin monimu kon dunia mobagu i Amá-Ku.”

MARKUS 9:1

Guman i Yesus kon i monia, “Pokotaaudon! Kon sigad monimu inta kon naa, oyúon in diápabí matoi aka diápa mokoontong kon i Allah momarenta takin kawasa-Nea!”

LUKAS 2:26

Roho i Allah ain noguman muna kon inia kon sia in diápabí matoi aka diápa mokoontong kon Datu Mopoposaḷamat inta pinodandi i Tuhan.

LUKAS 22:18

sinbá kotaauandon monimu: pinangkoidon kon tanaa mako, Akuoi in diá bidon bui monginum kon anggur tanaa modapot in ki Allah mamangoidon momarenta saḷaku Datu.”

YOHANES 14:2

Kon Baḷoi i Amá-Ku nobayong tampat pogutunan. Akuoi in mayá intua sin moposadia kon tampat kon i monimu. Akuoi in diábí moguman natua aka kuma bo tua in diábí natua.

YOHANES 16:7

Táe totuubí in poguman-Ku tanaa kon i monimu: Totokbí in mopia kon i monimu aka mayá in Akuoi, sin aka Akuoi bo diá mayá, yo diábí mamangoi kon i monimu in mototuḷung tatua. Táe aka Akuoi bo mayá dá potabá-Kubí mangoi in Sia kon i monimu.

YOHANES 8:59

Bo intau mita in Yahudi tatua in nogamá kon batu sin pogandur kon i-Nia; táe ki Yesus inumadop, bodongka nonaḷámai kon Baḷoi Tuhan.

IBRANI 2:9

Táe inontongdon naton in ki Yesus in nongawasa! Sia in binaḻídon topí noḻin ompá notoyong nongkon malaekat mita, sinbá podoyon kon kopopia in gina i Allah Sia in motaau matoi kon kopontingan in bayongan intau. Inontong naton in tanaa, kon Sia ain inogoian in ḷoḻitúan inta momulia bo inta ihoromat sin Sia in notarimadon kon roriga dapot in minatoi.